اخواني وبخلهم علينا

مشكله صديقه عزيزه لي حبيت استشيركم فيها واتمني ماتقصرون المشكله علي لسانها
يابنات وربي فيني هم وغم مايعلم فيه الا الله حالتنا حاله والحمدلله علي كل حال ابوي متوفي من 3 سنين وراتبه التقاعدي الي ينزل لنا بعد وفاته 2000 ريال فقط وامي يصرفون لها 950 ريال لانها ارمله الحمدلله مكفيتنا بس بعض الأحيان تصير مصاريف جانبيه وماتكفي يعني نخلي 1000 ريال تقضيه للبيت شهريا لانه اخواني كل جمعه يتجمعون عندنا ونسوي لهم عشا وهم ماشاء الله 4 وكل واحد مع عياله وزوجته وكهرب البيت مع المويه تقريبا 500 ريال وانا واختي مصروفنا امي تعطينا كل وحده 250 ريال والي يفضل مصاريف جانبيه مثلا مشاويرنا كلها مع سواق وهذا غير سواق اختي للمدرسه يأخذ 350 وكذا
المشكله واحد فقط من اخواني يساعدنا وهو اقلهم راتب وعنده ايجار ووراه قرض وديون وزوجته ماتشتغل والباقيين مايساعدونا بشي ولا يمدون علينا قرش مع انه حالتهم مره حلو وحريمهم كلهم موظفات ويساعدونهم بالسفريات وغيرها الي خلاني انفجر صار لنا أسبوعين ماعندنا ثلاجه اقل ثلاجه ب1500 وثلاجتنا خربانه وقط صلحناها 3 مرات وخلاص مافي مجال تصليح وهم يعرفون لانه يجون أسبوعيا يتعشون ويتغدون عندنا ويشوفون المويه وكل شي حار وهم مطنشين تماما وامي تكلمت قدامهم وبرضو مطنشين ومكيف غرفه امي خربان تنام بالصاله والبيت في شويه خراب محتاج تصليحات وهم مطنشين وامي قالت لي لا تكلميهم لا يزعلون وماعاد يجون عندنا ماادري كيف المح لهم او وش اسوي عشان يحسووون ويساعدونا شوي خاصه هالشهر بتفتح المدرسه ومريول لاختي ودفاتر وشنطه وجزمه ومصاريف لدرجه امي قالت لنا هالشهر مالكم مصروف ماراح يكفي عطوني حل افاتح اخواني مانبي شي لنا ولا نبي سوق ولا فلوس بس يصلحون الشغلات الخربانه بالبيت وش نسوي وربي طفشنااااا