اخويا يبغى يخطب وما عارفين من فين ندور له بنات

السلام عليكم

بنات حواء يا حبايب قلبي

اخيرا قرر اخويا الكبير انه يتزوج
وقال لنا اخطبو لي

وسارت امي تلح عليا ادور له عروسه بحكم انى ليا معارف من البنات

والله احترت هوا 28 عمرة الله يخليه لنا وطيب مره ما يحرمنا من شي ويبغى وحده من عمر 18-23 تقريبا

بس والله احترت ما لقيت له عروسه

قلت في نفسي اي بنت حلوة اشوفها في الجامعه باخد رقمها واتوكل على الله

مع العلم ان وظيفتو ماشاء الله حلوة وراتبو حلو ماشاءالله ومواصفاتو اللي طالبها مو مره يعنى يبغى وحده حلوة وجذابه وطويله يعنى تجي 160 هيك

والله احترت تنصحوني يا بنات اطلب ارقام بنات من الجامعه واقولهم باخطبكم لاخويا ولا تحسوا انها بايخه ولا عادي

مع العلم اننا حضر من جده وساكنين فيها وهوا نفسوا ياخد قبيليه من جده بحكم العمل مادري القبيليات ياخدو حضر ولا لا؟

واحنا ما عندنا مشاكل ياخد اي وحده اهم تعجبو وبس

عشان نبغاه يرتاح

لانه سار يشتكي يقول ما تبغوا تدورو لي عروسه

واحنا اصلا حايسين مالنا اقراب وحتى لو في ما يناسبو طلب اخويا لانو يبغاها حلوة وجذابه وطويله حتى لو اطول منو هو تقريبا طولو 170