اخوية أمس عمل حادث شنيع ومفجع بسيارة زوجي <ساعدوني ماذا افعل>

يا بنات راح اختصر القصة لاني متضايقة مرة مرة

زوجي سافر للرياض من الاربعاء الى الجمعة بالطيارة . وطلب من اخوية وعمره 20 سنه انه يوصله

المطار , ويوم وصله المطار قال لأخويه خذ السيارة وروح فيها مشاورك الى يوم الجمعة , وطبعا

اخويه من الفرحة مو داري ايش يسوي؟؟ ما صدق يسمع خبر .المهم وثاني يوم راح اخويه

يتمشى بالسيارة وكان معاه

ولد عمي عمره 19 سنة , وهم في الطريق جات سيارة مسرعة من الخلف وصدمت سيارة زوجي

وطبعا من قوة الصدمة انقلبت سيارة زوجي ثلاث قلبات في السكة لدرجة انه اخوية يقول صرت

اشوف شرارة الكفرات وهي تحك في السكة . وطبعا كيف كان الوضع؟؟؟ ضغط الدركسون على

رقبة اخوي وما قدر يتنفس وغير كده ولد عمي راكب فوقه ... وجوا شباب الله يعطيهم العافية وانقذوا

ولد عمي وخرجوه من السيارة وفيه جروح بسيطة اما اخوية سحبوه من تحت الدركسون وخرجوه

من الطاقة وانكسرت رجوله ... والحمد لله جات سليمة <هذي مشكلة>


اما المشكلة الثانية ... سيارة زوجي <هي في الأساس مستأجرها لأنه سيارته خربانه> السيارة

صارت مثل الكورة ومستحيل تتصلح


زوجي يوم جاء من السفر وعرف الخبر تضايق شوي لأنه متورط في السبارة لأنها ما هي حقته

وانا موقفي باااااااااااااايخ جدا من زوجي ومن اخواني.... علما انه والدي متوفي ... واخوية الكبير هو

متوظف وطبعا متورط في الموضوع لانه مسؤل عن اخواني وغير كده اخويه اللي صدم بالسيارة غير

موظف... يعني اخويه الكبير متدبس في الموضوع ومسكين يوم عرف اخويه الكبير ارتفع الضغط

عنده.. وزوجي مستحي يطلب اخواني فلوس لأنه علاقته بيهم كويسة.. بس يا بنات صار زوجي له

يومين ما يكلمني مع انه انا مالي ذنب فب الموضوع... بس ماني عارفه ايش اسوي؟؟؟

زوجي عامل تأمين للسيارة بس بشرط يكون هو اللي يسوقها لكن في جميع الأقسام اتسجل

باسم اخوية انه هو اللي ساقها.... والشركة تبع السيارة اتصلت علي زوجي اكثر من مرة عشان

يتفاهموا بموضوع السيارة

لكن زوجي ما رد عليهم مو داري ايش يسوي؟؟؟؟



يا بنات ساعدوني الله يساعدها اللي تحل مشكلتي... والله متفشله من زوجي وزعلانه على

اخوية الكبير ما يقدر يجيب مبلغ كبير وحتى زوجي ما عنده مبلغ كبير للسيارة

وماني دارية اوقف مع مين؟؟؟؟؟ طيب انا ايش ذنبي زوجي ما يكلمني؟؟؟؟

وبعدين زوجي اعطى اخوبة السيارة برضاه ... طيب انا ايش اسوي؟؟؟

والله يا بنات طول اليوم استغفر وادعي ربي يفرج همنا ....

والمشكلة الثالثة.... اذا ام زوجي عرفت بالسالفة ... ماتصدق تمسك علي انا واهلي حاجة

راح تنشر الخبر بسرعة... وتتشمت فينا لأننا ورطنا ولدها في موضوع السيارة

اللي تقدر تحل مشكلتي تساعدني