قسما بالله انها اغرب ردود مرت علي في حياتي ..
اللي قالت الزوج والولد يتعوضون بس الاخ ما يتعوض .. هنا كلامها صح بس اش دخل هذا في هذا ؟! احقاق الحق صفة من صفات المسلم ..
كيف يعني والله لو قال زوجها لاخوها مافي سياره كان قلتوا غلطان .
ولو أخوه اللي صدم في السياره كان قلتوا اخوه غلطان .
ولو هي في سوء تفاهم بينها وبين اخته كان قلتوا هو يكلم اخته عشان ما تنحرجين .
قبل فتره وحده قالت انو الزوجه اقرب للزوج من اخواته ورضاها اهم من رضا اخواته .. وبالتالي يوم تنعكس الايه يتغير الكلام ؟!
انا بقول كلامي واعرف انو ماراح يعجب الأغلبيه مدامهم مجمعين على انو الزوج غلطان ..
اختي لو انا مكانك كان انا اكلم اخواني واوضح لهم انو زوجي مو مسؤول عن طيش اخوي الصغير .. وبالتالي مو ملزوم يتحمل قيمة السيارة أو تكاليف الحادث واطلب منهم يكلمون زوجي ويعطونه العوض .. بصراحة قمة الأنانية منكم يوم تقولون الزوج غلطان .. هو فعلا غلطان بس لأنه صار طيب في زمن ما ينفع فيه الا النذاله ..
أجل اذا جد الجد اترك زوجي ؟!
بالنسبة لام الزوج طبيعي تنقهر عشان ولدها بس لو انا والله اقولها كااش اخوي غلطان الله يهديه وهذا بيبرد قلبها اش المشكله ؟؟ ليش نغالط انفسنا في شيء واضح ؟!

طيب انتي مو تقولين ان واحد صادمهم خلاص الي صدمهم يتحمل الاضرار

صاجه اختي وانا على حسب علمي اللي صدمهم هو اللي يتكفل بدفع الخراب اللي سببه مب اخوج او زوجج

على العموم الله يفك عوقج يا اختي وفعلا موقف محرج لا حول الله

الله يفرج همك

اختي ملاك . كلامك فيه من الصح الكثير

بس مو بمثل هالمشكله ...

على حسب كلام الاخت ان اخوها الكبير ارتفع ضغطه و هذا اكبر دليل على ان وضعه المادي

مش ولابد .. وكذلك اللي سوا الحادث للحين مااشتغل ..

بعيد عن ان الزوج يتعوض وان الاخوان هم الباقيين << بعدي عن هالسالفه كلها .. انا اشوف ان

الزوج غلط في انه سلم سياره ( مسـتأجره ) << حطي تحتها مليون خط .. لان هالسياره امانه عنده و

طبيعي ان مسؤليتها يتحملها هو بس .. مايتحملها احد غيره ابد ..

وان مثل ماهذاك الكبير اخوه .. هم اهي اخته ومافيها شي لو صلحوها على حسابهم

و لا تضيق على اخوانها اكثر من هالضيق ..