مشكوووووووورة على كل اللي ردوا على موضوعي

بس عندي ملاحظات على ما كتبتوه:

اغلب البنات قالوا انه زوجي غلطان 100% ...

بس يا بنات زوجي مو غلطان لأنه قاصد خير ... هو قال لي انا بعطي اخوكي السيارة عشان تخرجي

وتتمشي معاه.. وانا فرحت وقلت لوه اوكي

ويوم زوجي وصل المطار قال لأخويه خذ السيارة وروح فيها مشاويرك <ومن ضمنها طبعا مشاويري

انا> طيب دحين كيف اقول لزوجي ليش اعطيت اخوية السيارة؟؟؟؟

راح اكون اكبر نذلة ... واكيد زوجي راح يقول يعني هذي جزاتي ابغاي تطلعي وتخرجي مع اخوكي؟؟؟

يا بنات صعب اقول لزوجي هذا الكلام؟؟؟ <هذي نقطة>

النقطة الثانية... البنات اللي قالوا اخوية الكبير ما له ذنب....

انا عارفه انه ماله ذنب , بس هو المسؤل عن اهلي بعد وفاة والدي , يعني هو المسكين اللي يتحمل اي

ضرر يحصل لأخواني لأن اخواني مراهقين <واخونا في مقام والدي>

والنقطة الثالثة... البنات اللي قالوا صاحب السيارة اللي صدمت اخوية هي اللي تدفع المبلغ

... انا اقول المرور هي اللي تحدد من الغلطان ... لأنه احتمال يكون الخطأ مشترك

واكيد فهمتوا دحين قصدي ....وامكن راح تتعاطفوا من ناحية زوجي ومن ناحية اخوية الكبير

انا حاسة اني ضايعة بين اهلي وبين اخوية الكبير .... كلهم مو هاينيين علي

بس ان شاء الله ربي يفرجها من عنده

حبيبتي الله يعينك ويفرج هالمشكلة...
زوجك هو الغلطان لان السيارة ماهي له وهو عارف انه بيتحمل المسؤولية لوصار للسيارة شيء..
انتي اتركيه براحته لاتكلمينه لانه هو متضايق اكيد..وتلقينه مستحي يطلب المبلغ من اهلك وجالس يفكر بحل هالمشكلة..
وانتي اذا عندك شيء اعطيه اخوك يعطيه زوجك على انه منه مو منك..واخواتك وامك اذا عندهم شي يعطون اخوك اللي يقدرون عليه ...وحتى زوجك اكيد اهله ما راح يقصرون معه باللي يقدرون عليه..

واذا ام زوجك تكلمت وحاولت تحرجك قولي لها ان كل شيء قضاء وقدر والحمدلله اللي جت بالحديد ولا باخوي وولد عمي...ولاتبين لها انك متضايقة عشان السيارة ابدا بيني انك خايفة بس على اخوك ومتهولة من اللي صار لاخوك...يعني تجاهلي قصة السيارة...

الله يفرج عنك هالمشكلة...وانشالله تنحل بالخير

ياحبيبتي لاتشيلي هم انتي مالك ذنب فيه ,كل الغلط على زوجك وحتى إخوانك ماغلطوا لانهم ماجبروه يفرط في حقه,التعاطف مطلوب بين الازواج بس مش لدرجه انك تحسي بالذنب وانتي مالك شغل من الاول للأخير ,انتي لاتظغطي عليه واستحمليه هاليومين بس برضوه لاتحسسيه ان أهلك غلطانين الغلطان هو اللي فرط في حاجه مش له أصلا
والله يفرج ضيقتكم بس لاتحملين نفسك فوق طاقتها
واذا على ام زوجك طنشيها ولا كنك تسمعي شي لان الموضوع تقريبا في صالحها فلا تفتحي عليك باب في الظروف هذي

الله يفرج همك

الله يفرج كربك يارب العالمين والحمد لله على سلامه اخوك

كثري الاستغفار وادعي دعاء الكرب والله بيفرجها ان شاء الله