اخوي بيروح مننا <<< طبيب نفسي

السلام عليكم
مثل ماهو واضح بالعنوان اخوي كان عنده رهاب اجتماعي قوي ترك الدراسة وما يطلع من البيت نهائيا حتى لو كان مريض جداً مثل مرة جاه الم في ضرسه قوي انتفخ وجهه ورفض يطلع للمستشفى وشعره طويل مايقدر يروح للحلاق ولو ايش مايصيرله ما يطلع لمكان فيه ناس
المهم استأجرنا ناس يمسكونه بالقوة وربطوه عشان نوصله لمستشفى النفسيه بالقصيم
المستشفى اللي كان فيه إهمال في إهمال الدكتور مؤ مهتم بحالة اخوي ونوموه عندهم 3 اسابيع ويعطونه علاجات نفسيه وادويه وابر وحاطينه مع المرضى النفسين الاخرين اللي امراضهم مزمنه بعضهم كان مجنون ويزعج اخوي مرة ويفتح عليه الحمام ودامجينه مع ناس مشوهه وبعضهم كبار بالسن الزبدة بعد مارجعنا لنا كان هادي مرة بسبب الإبرة المهدئه يأخذها من عندهم ويهدأ شهر كامل واذا راح مفعوله بعد شهر يرجع زي ماكان هذا الكلام من كم شهر الحين تغير الدكتور عليه وجاء واحد مصري قطع عنه نوع حبه واستبدل حبه ثانيه وبعدها حال اخوي انتكس نحف مررررة اصلا هو من بعد مارجعلنا نقص وزنه وصار ظهره ورقبته توجعه ويرتعش وما يقدر يحرك جسمه
على فكرة الدكاترة شخصوا حالته على انه انفصام شخصية وما ادري اذا كان تشخيصهم اصلا دقيق اولا اللي ابيه منكم تدلوني على اضمن مستشفى بالقصيم او اي مكان ثاني وأبي موقع موثوق عشان اصف حالة اخوي ويشخصونه بدقه وينصحوني
والله يجعله في ميزان حسناتكم يوم القيامه