مسا الخير اخواتي ..
انا توني بالنفاس وقاعده عند امي .،امي حرمه كبيره وكانت متزوجه قبل ابوى وعندها ولدين اعمارهم الان بالخمسين..المهم مشكلتي مع واحد منهم يااخواتي يكرهني كره مو طبيعي ولايسلم علي ولاباركلي ...ويهاوش عيالي ويسبهم ويسبني ويسب زوجي..امي وعيالها ساكنين ببيت واحد بس كبير ومع بعض كلهم..يعني عيالهم مع عيالي سوا يلعبون وكذا..والله يااخواتي يطيق الموت ولايطيقني ويجرحني بالكلام حسبي الله ونعم الوكيل..واخرته امس سمعته يقول كلام زي السم عني وطرد عيالى وشوي ويضربهم..وامي راحت له وتهاوشت معاه وقالت اهي اذا جت ببيتك واكلت والا شربت عندك هاك الوقت قول الي تبي تقوله ..انا اذا جيت اصير بيت امي واهم بيتهم منفصل بس بنفس العماره..والله ياخواتى البارحه مانمت من القهر...اخوى الي المفروض يكون لي سند وذخر يتمنى لي كل شر..لاتقولون تقربي له وواصليه..والله العظيم ماخليت شئ بس ماحولكم احد ..الرجال بكرهني كره ماتتخيلونهم ومن زمان..طبعا غصبن علي ادعي عليه..رغم اني مااحب الدعاء..بس من قهري ..انا طول عمري مسالمه واحب الناس واموت باللمه وادور العزوه والي مني قريب..انا للاسف وحيدة امي من ابوى طبعا ابوى متزوج قبل امي وعندى اخوان بس تربينا بعيد عن بعض وعلاقتي فيهم سطحيه..يعني طول عمري وحيده..علشان كذا ادور بس ريحة الاهل والعزوه..والله يااخواتى مالي غيركم اشكيه بعد الله .،امي مره كبيره وماابي انكد عليها..والى اعرفهم اخاف يقولون اخوها مايحبها وانتم تعرفون كلام الناس.،انا منقهره من داخلي وحاسه فيني نار تغلي...انا انسانه حساسه واى شى يآثر فينى ...وكلامه جارح ويقوله من دون ادنى سبب..سببه الوحيد هو كرهه الاعمى لي..ودي بنصيحه منكم تبرد قلبى وتهدى القهر الي فيني ارجوووكم ..ابي حل معاه..للعلم انا ماشفته من عيد رمضان ..يعني كافه خيري وشري عنه...حسبي الله ونعم الوكيل .،والله اني ماسويت له شئ وانا بعمر عياله اصلا ..والله اني مقهوووره الحين ودمعتي تسبق كتابتي لكم..الله يعافيكم دلوني شلون اتصرف...
am gzlain @am_gzlain
عضوة جديدة
يلزم عليك تسجيل الدخول أولًا لكتابة تعليق.
الممهاجره
•
طيب اختي يكرهك من يومنك صغيره والا عقب زواجك يمكن الحريم قالبات راسه ارسلي له رساله قولي ليه تكرهني انا ماسويت شي واذا واصلك ملام عني واجهني فيه واذا انت تكرهني بدون سبب براحتك بس كف اذاك عني
طيب اختي يكرهك من يومنك صغيره والا عقب زواجك يمكن الحريم قالبات راسه ارسلي له رساله قولي ليه تكرهني انا ماسويت شي واذا واصلك ملام عني واجهني فيه واذا انت تكرهني بدون سبب براحتك بس كف اذاك عنيطيب اختي يكرهك من يومنك صغيره والا عقب زواجك يمكن الحريم قالبات راسه ارسلي له رساله قولي ليه...
لامن يوم كنت صغيره ..وزوجته مالها دخل..وانا ماابي اكلمه ولااتواصل معه خير شر ..يااختى كرهه ماله سبب كذا من وعيت على الدنيا واهو كارهني ..
الله يسخره لك ويحنن قلبه صراحه ماادري وش اكتب لكالله يسخره لك ويحنن قلبه صراحه ماادري وش اكتب لك
جزاك الله خير..انا ماابيه يحبني ولايهمني هالشئ ..بس يقهرنى كلامه الى زى السم بدون سبب..حسبي الله ونعم الوكيل
لا يمكنك مشاهدة هذا التعليق لانتهاكه شروط الاستخدام.
انا خلاص كلها اسبوع واخلص نفاسي..بس انا وحيدة امى وامى تحب عيالى ..وانا مالي غير امى ...وبعدين هذا الى يبيه انى مااجي يستانس كذا
الصفحة الأخيرة