اخوي معذب امي وقاهرها ابي مساعدتكم

لاحول ولاقوة الابالله ...بس حتى لو بلغتي مايسوون شيء مالكم الا رجال ثقه وحكيم وفيه خير تخلونه ينصحه الله يهديه ويصلحه

ياعمري الله يهديه بس ياقلبي شيلي من بالك تبلغين عليه لان صدقين وربي امك هي الي بتتعب
ومصيره بيطلعون واكيد ماراح يسكت لكم الله يهدي هذا مثل اخوي الصغير مجنن امي بس مايمد يده عليه بس كلام معنى عمره 20 سنه ومجننه خلي احد كبير يكلمه وخلي اخوانك يدورون له وظيفه يمكن
ينصلح حاله اذا توظف وانتو خذوامكم عندكم فتره خليه يحس بقيمتها وقول ماراح ترجع لين تعقل
والله يهدي يااارب

الله يهديه يارب التبليغ عنه مايفيد لانه اكيد راح يخرج وينتقم
شوفو رجل دين او عمكم او احد يحترمه يتكلم معه ودورو لو وظيفة يمكن حاله يتصلح

كلمو امام المسجد خليه يكلموه ويعقله و لو عندكم رجال كبير في عيالتكم له كلمة على اخوك خليه يكلمه ،، يمكن ينصلح حاله ،، و انا اعتقد نفسيته تعبانة لأنه ما عنده وظيفة ،، و يحس نفسه عالة عليكم ، فينعكس كله لعصبية و ما تطلع الا على امك ،، والله يهديه و يصلحه

الله يهديه بس لاتبلغين عنه والله ان تكبر المشكله بس حاولوا تسعون في توظيفه ترا الوظيفه تشغل الشباب ويمكن يروح لديره ثانيه وترتاحون والله يبلغكم في هدايته وصلاحه والله يثيبكم على صبركم وان شاء الله بتنفرج مع الايام بس اخذوه بالهداوه