اخوي من ابوي

السلام عليكم
هذا يابنات انا عندي اخ واحد من الاب عمره حوالي ٢٩ سنة الحين ويعتبر اكبر عيال ابوي
طبعا هذا الولد بعمره ماكان قريب لا من ابوي ولا منا طول عمره عند امه وخواله مايعترف الا فيهم
واخر فترة قامت تطلع منه تصرفات تدل على البغض والكراهية وتدل انه مشحون جدا تجاهنا وخصوصا ابوي
هو بنت خالته زوجة ابن عمي واحنا كل عائلتنا ساكنين بشارع واحد جنب بعضنا
تجينا على طول اخوكم واخوكم
جايبة كل اخباره لنا
هو نظام ابوي كان معاه انه يزوره بالشهر مرة يوم كان صغير ولا رباه لانه تزوج امي وهو عمره سنة
وهو تم مع امه وخواله ربوه
ويوم كبر كان يزورنا بالشهر مرة او مرتين بس الله يهديها امي كانت تتكدر عليه وماتعطيه وجه لحد ماقطع ماقام يجي الا بالعيد بس وبعض المناسبات
وهو اساس مشاكله مع اخوي اكبر واحد فينا بما انهم قريبين من العمر
مرات يسلكون لبعضهم كانو وبالاخر كل واحد قام يغلط بالثاني بدون اي سبب مع انه للحق انه لي بدأ المشكلة هو اخوي الشقيق وذاك اول يطنشه بس بعدين قام يرد له بكل شي يسويه
الحين اخر فترة قبل سنة قطع كامل والسبب ابن عمتي الله لايجزيه خير
اخوي كان يحش فيه وراح وصل كل كلمة له وذاك مسك اخوي بدوامه وغسله غسيل مسح فيه الارض وطلع كل لي ب قلبه
يعني طلع غيظ السنين كلها فعلا
من يومها خلاااص
انا عن نفسي شفته اخر مرتين يوم عرسه بس قبل اربع سنين
ويوم توفى جدي الله يرحمه قبل سنتين
وجاته بنت سماها على اسم امه
والحين قبل كم شهر جاه ولد والمفروض يسميه على اسم ابوووي بس حرمته سمت الولد على كيفها
اصلا مادرينا بالولد الا بعد ما انولد بكم شهر ولا ندري اصلا ان حرمته حامل
واصلا مانعرف وين سااكن كله يقولون مع امه وهو ساكن ب مكان ثاني
وهو قااااطع مو بس مع ابوي مع اعمامي وعماتي وعيالهم كلهم
تخيلو يجي بنفس الشارع بس يزور قرايبنا واحنا لاااا ولا يدري فينا يعني مرات توصل انه موتره يكون قدام بيتنا وهو عند واحد ثاني ويطلع ويشيل موتره ويمشي
وهم رايحين جايين عنده اذا في اي شي يصير معاهم وهو يلبي لهم على طول
واخوي يتصل فيييه يقوله انه المرور مسك اخوي الثاني يوم عكس السير
قاله انا مالي شغل وما اقدر اتوسط لكم ومايسمحولي اتدخل وما اعرف احد هناك
ومواقف كثيرة له معانا
عمتي تقول شافته بالمول على نفس الكاشير هو وحرمته وتجاهل يسلم عليها وسوا نفسه مايعرفها
ومرة لما رفعوه ل رتبة نقيب سوا عشاء عزم الكل الا ابوي او اعمامي واصلا مادرينا الا من بنت خالته
وغيره مواقف كثيرة تدل على انه مو مهتم ولا معترف فينا
طبعا لهجته يكون جااااف معانا اذا كلم واحد من اخواني ولا يعطي اي اهتمام وخصوصا يوم يكلم ابوي يكون ساكت بس اذا تكلم ابوي يرد عليه ب جواب بسيط ويرجع يسكت
انا احس انه قاعد يكسر نفسية ابوي بتصرفاته كذا مايجوز لي قاعد يصير لازم نتقرب من بعض ونشيل اي حساسية وننسى الماضي والطفولة
بكرى عياله يكبرون ويصيرون محتاجين للعم او العمة