اخوي وتغيره علينا

عيدكم مبارك وكل عام وانتم بخير وجعل ربي يعوده عليكم أعوام واعوام وانتم بصحة وعافية
احنا كنا نستغرب من الأخ اللي يتغير على أخواته وأهله بعد الزواج وما فهمنا الوضع لين تزوج اخوي الكبير واخوي هذا قبل الزواج ما كان يقصر معانا ولا مع امي ولا ابوي وعلاقتنا علاقة أصدقاء احنا واخوي ومزح وتمشيات بعد الزواج استمر اخوي نفس ما هو قبل الزواج وشوي شوي بدا يسحب نفسه يعني اول كان يوميا غدائه مع امي ومعانا واستمر تقريبا شهر نفس وضعه ولكن بدا يقلل مثل ما قلت صار بالأسبوع يتغدا معانا ثلاث مرات واحيان يوم اي ويوم لا مع انه ساكن شقة فوقنا لين ما صار بس الجمعة وسكتنا مع ان امي زعلت ومشيناها ونفس الشي صار رسمي معانا بشكل غريب مع انه قبل مثل ما قلت سوالف للفجر ومزح ولا يسال تبون شي وناقصكم شي يعني اخوي مو كانه اخوي تغير تغيير جذري واحنا قاعدين انا وأخواتي نتذكر أيامنا قبل قلنا ما راح نسكت لازم نكلمه اذا سوينا شي سامع عنه شي في احد موصله كلام وللعلم زوجته أبدا ما نتدخل فيها لا ببيتها ولا طلعاتها ودخلاتها ومن تزوجت ما دخلنا شقتها أبدا لا بعزيمة وهي عزمتنا مرتين فقط المهم ان صار حنا اخوي وقلنا له انت متغير حسيت اخوي انصدم وقال لنا زين أنكم علمتوني