اخوي و زوجته 🙂

اسعد الله صباحكم . بقولكم السالفه اللي دخلوني فيها وانا مالي شغل


اولاً اخوي ماشاءالله تبارك الله يحب زوجته حب صادق وهذا واضح من حركاته و كل شي و هو من النوع اللي يحب يدلع و احيان يمصخها وهي تزعل ،
وهي بنت عمي من قريه ماعاشت بمدينه و خجوله و فوق هذا اهم شي عندها بالدنيا رضاه و رضى امي وتحب تبين قدامنا انها ماتقول من كلامه شي
اللي صار ربي رزقهم اول مولود بشهر ١٢ و اليوم جو تغدوا عند امي وهو قام يشتكي منه يقول والله مانتام زين و هالكلام و قال حتى امه يلحقها سهر الا اخذه انا عنها و اخليها تنام هي وجهها تغير يوم قال السالفه و بعدين امي شافت سره الولد و زي اي جده خافت عليه و تكلمت ليش اهملتوه و مدري ايش و ام الولد وجهها تغير بعد و اخيراً اخوي يقول لامي دايم اشوف بيده خيوط من وشو و امي ردت عليه و تو اخوي مرسل لي انها زعلانه منه وتصيح و تقول انت مبين عندهم اني مهملة و ماهتم بولدي و كلام كثير ع فكره هي و هو صغار بعمارهم و اخوي مستانس بالولد اكثر منها و بس يسولف عنه و يبيها ترضعه قدامنا اول ما يبكي وهي ترفض و احس كل مشاكلها معه بسبب انه حنون بزياده و حتى لما كانت حامل يجيب لها الشي الين عندها تزعل تقول انا اقوم والله حيرتني وهو معها مايرضى زعلها و اذا سالني كلامي يزعل اخاف اقوله لا و يقلب عليها و نصحته ترى بعض الاساليب هي واضح ماتحبها تجنبها و انا اقصد دلعه الزايد قدامنا و اخاف تقراها هي و تزعل مني وانا احبها عاد بس هي محترمة بزياده و بنظرها اذا تصرف قدامنا اي تصرف انها تضر رجولته ولازم يكون ثقيل وما يكلمها طبعاًهذا توقعي لان من يكلمها تتجنبه وماتحب تقعد جنبه مو فاهمه عليها ليش تسوي كذا




كلامي كثير ومو مفهوم بس انا فعلا ندمت اني كتبت لاخوي كلام كذا بس انا متاكده هذا اللي مزعلها و اخاف اعتبر حرشته عليها او اذا قرته تحسبني اغار