اختي امر عااادي جلوسه مع اخوه طول اليوم
انتي مستنكرة
لاته اهمل اهله كلللللللهم وقعد معك بروحك فترة ماهي ببسيطة
بس لا تلومينه اذا قعد مع اخوه طول الوقت لانه منقطع عن اهله فترة ماهي ببسيطة
في لحظه جاه واحد يبكي وينخاه اكيد من زوجك بيعطيه الي يبي وبيضيفه
والله لو حطيتي ببالك انه اخوك ماتسوين كذا
وعلى قولة البنات سيري واطلعي لربعك والهي وقتك وشوفي الدنيا بعين حلوة
كن جميلا ترى الوجود جميلا
وتذكري ان الامور سهالات وانه كل ماهونتيها تهون

والله يعينك اكيد انك بتصبري على الحكرة عقب الحريه بس هي ايام وتعدي من عقبها يتذكر مرة اخوه اللي شالته فوق راسها وماينسا لك وحتى زوجك والله ان يفرح ويزيد حبك فقلبه

ولاتنسين موقف الاخوة هذا يذكر بان الاخوة تبين فالشدائد ... لما ضااااقت عليه تذكر اخوه
.... وخلي عيالك يحبو عمهم ويحبهم...........عساها تكون بداية خير للصلح بين الجميع..

اختي :
صلي على النبي .

هذا الولد عمره 19 سنة ويمر بحالة نفسية صعبة وانفصل عن اهله ولجأ لأخوه الكبير .
بالعكس لازم توقفي مع زوجك حتى يصل الشب لشاطيء الأمان .

ولسا الحكاية من 5 شهور يعني عادي اختي وحتى لو تشوفي زوجك وقت النوم بيكفي اسهروا ساعتين في غرفتك وخلاص.

وبالأخير بيتزوج بعد سنتين والا 4 هالشب وبلاش السيارة ويوفر الفلوس مهر للعروس من جد.

لكن لا تهاوشي زوجك علشانه .
تخيلي بنت من بناتك لسبب او لآخر مش طايقة تعيش معاكم مش طايقة وخلاص بتنتحر وبتضيع دينها ودنياها وربما دينكم ودنياكم انتم وكل العيلة والقبيلة .
راح تختاري انك تسمحي لها تعيش في بيت عمها لنها مثلا تحب بنات عمها وربما خففوا عليها مشكلتها . وبالأخير بتاخذ نصيبها .

احنا عندنا نقص وعي في المشاكل الشبابية ودايما قولي لنفسك : ينتحر الولد والا يظل ببيتكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معليش بس ماقدر اقرا ام رجل زعلان من امه وهاجرها اعووذ بالله
كلامك هذا استفز فيني انسانيتي وديني وخوفي من ربي قبل كل شي

اولا الام ماينزعل منها اصلا ً حتى لو اخطات هل المفروض نزعل منها وناخذ موقف منها ولا نكلمها كنها واحد من الربع ؟؟

هذي الام الي ربك ورسول وصوونا عليها
مرت هالايه عليك او على زوجك ؟
قال تعالى { فلا تقل لهما أف ولا تنهرهما وقل لهما قولا كريما }

تدرين عقوبه غضب الوالدين انها بدنيا قبل الاخره
مهما سوا الواحد مايتوفق وتدهور حياته
والاخير ابنائه يسوون مثله واكثر بعد !!

مايحتاج اعدد لها مصائب واضرار عقوق الوالدين وهجرهم .. الخ

صدقيني انتي مسئوله لازم تلومينه على زعله على امه وهجره لها
لازم تحثينه يروح لو مره بالاسبوع يزورها يبوس راسها حتى لو زعلانه عليه ولا تكلمه
يبوس رجولها ياشيخه ويطلع

يكلمها يسلم عليها يسئل عن صحتها يشوف اي تبي شي او محتاجه شي
ترا لو صار لها شي لا سمح الله بيندم ندم عمره ماندمه

وبالاخير بيكره بيته ويمكن يكرهك وبيحسك شجعتيه على هجر اهله فانتبهي له النقطه

اما مسئله اخوه مسئله وقتيه وبتروح بحالها اكيد ماراح يعيش عندكم العمر كله
وربي يهديك ويهدي زوجك ويكفيكم شر شياطين الانس والجن


..

.

طولي بالج واصبري هيه فتره وبتعدي صدقيني كل ش بيصير تمام بس عليج بالصبر الحين هو فرحان بأخوه وبعد فتره بيرجع لطبيعته
ركزي على زيادة جرعات الحنان والحضن والمحبه وخفة الدم وبتشوفين التغيير السريع انشاء الله