مشكورين جدا على الردود من الاخوات واحدى الاخوات ارسلت لي رساله تقول انا حاسة انه انتي صاحبة القصة وجزاها الله الف خير لانها بدأت تنصح وتقول مو عيب لو قلتي انه انتي حتى ننصحك ويمكن فيه احد منكم شك ايضا لكن حب اقول لكم انه مو اناصاحبة القصة والله العظيم الذي لا اله الا هو والذي رفع سبع سموات انه لست انا صاحبة القصة بل هي زميلة صديقتي ولو كنت انا لاخبرتكم لانها اسماء مستعارة ولن يعرف شخصيتي احد، وبعدين انا اخوان زوجي ما فيه احد متزوج اجنبية وكلهم صغار وبعدين زوجي انا قايلة له عن هذي المشكلة وياليتني ماقلت له لانه بدأ يحذر من تعاملة مع اخوانة يخاف يسوون مثل هذا الرجال وندمت اني قلت له لانه بدأ حذر جدا في تعاملة معهم وقال لهم اذا بغيتوا شي دقوا على الجوال لاتدقون على البيت وانا خفت ان اهلة يستغربون تغيره ولكن والله العظيم ان معه حق الان الواحد ما يأمن اقرب قريب واشكر أختي على حرصها وجزاها الله الف خير على نصائحها

السلا عليكم ورحمة الله وبركاته
هلا والله بأخواتي وابي منكم الطريقة اللي اطبع فيها جميع الردود بدون المقدمة اللي في اول الصفحة ( عالم حواء ) لاني افضل انها هي اللي تقراء الردود مثلما كتبت الموضوع في ورقة وطلبت مني صديقتي اضافتة كما هو لانهم مثل ماقلت لكم ملتزمين شوي وزوجها رافض يدخل النت في بيته رفضا باتا غير قابل للنقاش ( ياعمري هو مايدري ان البلا داخل بيته بدون نت )
وزوجي يقول لا تقطعين الورقة اللي بخط يدها حتى تشوفي لو مااستجابت تخلي صديقتك تهددها انها توريها لزوجها لكن انا اقول انه ماراح ينفع هذا الاسلوب لانه ممكن تخبي عليها وتقول انا قطعت العلاقة وهي تكذب
وش رايكم يا بنات والله اني من عرفت القصة وانا ضايق صدري وساعات اقول ليت زوجها يدري وساعات اقول لا لو هي معجبها الوضوع ماشكت وطلبت المساعدة

كيف تنظر لنفسها هالزوجه وهالام !!

وهي استسلمت لمحاولات هالشايب المراهق صدق مراهقه في الخمسين وقالها بصراحه مايبيها غير عشيقه له
يتسلى معها ويمكن شوي شوي يغريها وتوصل لامور اعظم واكبر والشيطان شاطر ويافرحته فيهم

صدق كما قال الرسول اللهم صلي عليه وسلم " الحمووو الموووت "

عليها ان تتقي الله وربي برود وتصرف زوجها مو عذر إذ مو عاجبتها حياتها مع زوجها تتطلق
مو تخونه وتشوه سمعتها وسمعت اهلها وياحرام اطفالها المساكين

ولي يدبل كبدي صراحه إذ قلتوا تراها تخاف ربي وتلبس عباه راس ؟؟؟؟؟؟؟؟
وخير ياطير ماكل من تلبس عباه راس داخلها زي ظاهرها

على قول المثل من برا الله الله ومن داخل يعلم الله ,, اللهم لا شماته بس شي يقهر ويخلي النفس تشمئز

الله يهديها قبل فوات الاوان وترجع تحس بطهارتها ونقاءها بعيد عن هالذنب العظيم وهالنجاسه في هالعلاقه المحرمه القذره

ولو كشفها زوجها قتلها حلال ,, خيانه مو طبيعيه مع اخوه ماينلام حتى اهلها الي هم اهلها ماراح يلومونه إذ عرفوا :11:

وحسبي الله ونعم الوكيل !!

..

.

سبحاااان الله لما جت تبى تخون حطّت كل العلل في زوجها وهذا ما يسمح لها تخونه ومع من ؟؟ أخوه؟؟ هذا أخوه لو فيه ذرة شرف ما تعرّض لمرة أخوه يا ويلها من ربها يمهل ولا يهمل أستغفر الله العظيم وبعد تبى راينا ما يبيلها راي تعرف الصح وين والغلط وين...