اخيرا جربت التخدير النصفي

الحمدلله من قبل ومن بعد ولدت بتخدير نصفي بعد اربع قيصريات بالكامل
وابي اقولكم تجربتي بما فيها
اولا لازم تأهلي نفسك للتخدير النصفي يبي له قلب قوي طبعا افضل من الكامل بس سبحان الله خفت لما فقدت الاحساس بالرجلين
ابرة الظهر شكتها عاديه جدا ولا توجع لان قبلها فيه ابرة مخدره
بمجرد ماينتهي من الابره راح تحسي بحراره برجلينك وبعدها تنميل غريب ثم فقدان بالاحساس تماما في البطن والرجلين
طبعا اثناء العمليه بتحسي بحركات ايدين الدكتوريعني تحسي انه قاعد يفتح لكن الم مافيه
اخراج الجنين مااخذ سبع دقايق بس قبل لايطلعونه يضغطون بقوه عند منطقة الصدر وهذي الحركه خفت منها
افضل لحظة لحظة صرخة الجنين سبحان الله دموع تنزل تلقائي ياحلو الاحساس تحسين بالامومه ولما يجيبونه ويحطونه عند وجهك شعور جميل جدا يالله مشاعر غريبه فرحه على شعور بانتهاء مرحلة الحمل وبداية مرحله جديده
طبعا انا ماكان عندي مشاكل فما طولت كل العمليه نص ساعه مع اني طلبت ربط للقنوات والحمدلله
التعب بعد مايفك البنج نفس اعراض الكامل
االنصفي مافيه دوخه ولا غثيان ولا كحه ممتاز من هذا الجانب حبيت اقولكم تجربتي الجديده مع البنج النصفي بعد معاناتي مع الكامل


رزقني الله بطفلي الخامس واكتفيت بهذا القدر ولله الحمد والمنه
واسأل الله لكل وحده تتمنى الحمل ان الله يرزقها بما تتمنى