اخيرا : فتحت منتدى < تعالوا سجلوا حبيباتي >

:السلام عليكم ورحمة الله وبركاته

0000000000000000

هلا وغلا بالجميع

كيفكم ان شاء الله تمام و عسى ماانتم طفشانين بهالاجازة مثلي :23:

المهم انا من كثر الفضاوة بهالصيفية قررت

اني استثمر وقتي بشئ

يعزز شخصيتي >> امحق على الشخصية
واكشخ فيه عليكم

ولان الفكرة من زمان ليس بقريب وهي تدور في مخيخي
وبعد تقليب لها >>< طلعت دجاجه مهي فكرة > قررت وانا مسفهلة الكشرة:21:
اني افتح لي منتدى >>>>> اخس ماني ببسيطة

عاد اللي فتحوا منتديات مهم بأحسن مني >>>>> ترى مااقصد كوكتيل وعروج :o

خايفة يطردونها خخخخخ


وبصراحه..ماعاقت معاي.. شريت موقع ووصيت اخوي يجيب
لي من الحراج00 سيرفر مستعمل .
..اهوصدق بطيء

وينتعّ .واذا علق ...اطقّ المعالج برجلي ويمشي الحال...
.ولاتفتح الصفحه معاك الا مثل باتسر ...بس

ميخالف...المهم الكم لا الكيف...<<<< ياشين الترقيع

وصحيح انه ماعندي وجوه معبره
...مهنا الا كشرتين..هاذي ...وهاذي....يعني
..يا تزعل ياترضى.....بس الخير باقبال..وانشاء الله ..اني باجيب خيشة ..كشرات..عشان الاعضاء..يفلونها..

والين الحين وانا ادورّ مشرفين...والاعضاء..يالله لك الحمد
موجودين...نفس اعضاءه القديمين...سبعة اعضاء في

عين العدو. يعني اعضاءه منه وفيه......والمواضيع ..على ودنوووو

وانا ادعوكم عامة بتشريفي بمنتداي << الواعد >>

وعشان تصيرون على بينه...تعالو ..نتفقد ...المنتديات
وآخر الموضوعات فيهااا..:44: <<< منيب حزينه بس مابي احد ينظلني
يقولون مستانسه عندها منتدى...يعني عن العين...

*****************

المنتدى العام<<< العام ولا هاذي السنه ...ياشين تنتكيت القراوه خخخخخخ

اكيد سمعتو انو تم استنساخ اول انسان...وقالو انه ثري عربي استنسخ ولده..
..عاد انا اتوقعت انه ممكن يكون الوليد بن طلال .
.ليييه؟؟؟ لان ماله الا هالولد>>>> مقطعني الذكاء خخخخخخ

عاد انا لو سألتوني من ودك تستنسخين ؟؟؟؟

ابستنسخ مني انا نسخه وحده...واخليها تعرس وتجيب عيال
..وتسوي المواجيب ثقيلة الدم..وانا الاصليه بس انام ببيت اهلي.
.واقعد على النت
..وافترّ بهالسوقه..ولا على راسي راس... <<<< تفكير داااج بقوه...خخخخخخخخخ

***************

منتدى الشعر الشعبي

والله عندنا شواعير يحبهم قلبكم.....وياعليهم قصيد ..
يروعّ من زينه....عاد اول قصيده لشاعرنا..(الرشرش) في قصيدته الرائعه.

..(انا جوعان)

ياويل قلبي على التطلي......وبجنبه الكبسه وكنافه

عقبه لبن يدعيك منسطلي....يازين من تدعوس بلحافه

وشويعرتنا الرائعه(غوايش) شاركتنا بهالبيتين الجزلين..

.معاتبه حبيب القلب القعيطي....

شطارتك بالرسايل يا(كوبان).....مثلك قعيطي ..حده الا رساله...

وش فيه لو دقيت يا لتعبان..... الشرهه على الي عطاك رقم جواله<<<< والله بايعتهااا

*************

منتدى الخواطر المنكسره (ياحياتي)


وطبعا...كل الاعضاء مجروحين.ومتمشخين من عذاب الهوى والعشق..ياحوووول...

ومعنا العضو ( بربسيني يابنيه)..في خاطره من خواطره الاعجازيه...يقول فيها...

ياربي....اني سأفنقش بعد ساعات..وحبيبتي لاتدري..ويمديها
الان في السوق تبدل اسوارة الذهب لانها صارت واسعة عليها
....ليتها تعرف اني سأفارق الوجود واني احتضر..وان الاهل
(يزهبونّ) اكفاني...ليتها تجيء وتلقي النظره الاخيره عليّ.
..ليتها تجيء وتبربسني....لاني لا استحقها ..فكم هجرتها ولوعتها
وسديت نفسها...ولكنها كانت دائما تصفح عني..ليتها تجيء وتقول
سامحتك ياايها الميت الحيّ... ..ليتها تعرف اني مريض ..مرض
نفسي هو الذي يخليني كل يوم معها بحال..مرض عضال لاشفاء
منه اسمه( الحميره الطبعيه) لو تعرف ان مرضي سيموتني ل
غفرت لي..ولكنها تحسب اني متعافي ..وهنا المصيبه...حبيبتي
...حميرتي ستدفنني قريبا...فادويتها تقتل ببطيء...
.وايامي اصبحت معدوده...فسامحيني ....سامحيني سامحيني.....<<< كسر خاطري صدز

************

منتدى النقاش الجاد

نعاني من مشكله عويصه؟؟؟ الاوهي استخدام
الجرايد كسفر لاكل العمال والعزوبيه...

وفيه بعد حريم يستعملونها لتلميع الدرايش ....!!!!

وراعين محلات الشنط يحشون الشنط ام 25 بجرايد
عشان تبين صالبه وش زينها..!!!!!

والمطاعم الوصخه تستعملها كورق للقلي...!!..
.والبزران يصنعون منها قوارب ثمين يملون البانيو ويلعبون بالقوارب

واذا جا مطر يحطونها الناس على روسهم...والمحلات اللي
توهم يسوون لها ديكور يلصقونها على فتارينهم...

لييييييييييييييييييييييييييييييييييييييييييه؟؟؟ موب هذا اهدار
لقيمة الصحيفه الادبيه ...يعني ناس تكتب ..وتتعب ..ومطابع تدهرّ.
..واخرتها ياكل هندي عليها فول ..ومطبق...

نبي حل...لهالمشكله العويصه....
.تراها تهدد مستقبل الشباب<<<<< مدري وشلون تهدد بس ابخلي الموضوع مثير ولاني عارفه...

*************
منتدى المطبخ


اليوم عندنا طبخه..جايبتها لنا عضوتنا المتميزه( المغرفه)
وهي شوربة ماجي شعيريه....وهي تبي تركيز ...بس النتيجه حلوه....وراااي
7
7
المقادير..كيس مرقة ماجي بالشعيريه...

قدر صغيرّ....

كاسين مويه...

ملعقه خشب للتحريك...

فرن مشبوب ...

الشغاله عشان تطبخها...

ابد كبي الكيس في القدر وصبي المويه وخليها على النار
الين تفور..همين اسكبيها بالصحن واقحنيها يامال العافيه...

***************

بالاضافة الى كثير من اقسام الطبخ
والديكور والامراض والمواضيع الترفيهية اللي تضيق الصدر كل شئ عندنا

عاد وش رايكم..موب منتدى يفتح النفس عاد؟؟؟؟....

يامال الغنيمه...سجلو...كووول ابوكم...هماااااه؟؟؟

يعني معد لكم عذر تقولون المنتدى ميت...الاعضاء في تزايد..
.وعالم مدهرهّ....نقل ونسخ ..وسب وصلخ ....يعني بالعربي سجلو جعلكم الضربه..
... وكل المنتديات ..مفتوحه..فمعاد لكم عذر...تقولون مافتحت باقي المنتديات
وشوله نسجل ....

في انتظاركم...حبايبي..

العنوان/ com.بالمشمش www.


منقول بتصرف:11: