&& اخيرا يا بنات قضيت وانتهيت من عزومتي اللي مثل الهم وانزاح من صدري..تعالوا

السلام بنوتات............... الحمدلله يابنات باركوا لي ما بغيت اخلص من هالهم هم العزيمه الكبيره اللي بمناسبة خروج واحد من العايله من المستشفى بالسلامه رحت وشريت طقم صين ابيض لسلطات كان شكله مستطيل وشوي عميق ولورق العنب كان طويل وضعيف نفس شكل القارب وللمصقعه والبشاميل غنجتين ولصلصات السلطات طبقين مع ملاعقها واحد فيه الصلصه البيضا وواحد فيه الصلصه الخضرا.......................ماراح اقول شوفوا راح اقول اقروا وعطوني رايكم ...........................
طبعا اولا: القهوه
والحلو كان عادي سارا كيك مقطع ومغمس بالكريمه الحمرا المخلوطه مع الفانيلا ومغمس بالجوز المحمص وشخبطت عليه بالشكولاته السايله...
حلو القهوه الثاني: حلو كيكة اللبن بالشعريه الباكستانيه
وحلو باتشي
ثانيا : الشاي بانواعه + الاعشاب + سمبوسه بالخضار وسمبوسه بالجبن
ثالثا : راح عن بالي العصير
رابعا : العشا وقدمت معه محشي الملفوف مطلوب من برا لان العشا صار فجأه ومعبوج عجيب خلطتي السريه
خامسا: سويت بوفيه سلطات ومقبلات مثل:
1- سلطة المقالي بالصلصه الخضرا الحاره.
2- سلطة ذره بالجبن.
3- سلطة بطاط بالبازلاء.
4- سلطة الشمندر بالجرجير.
5- فتة بيدجان.
6- سلطة المقالي بالشمندر والكيتشاب.
7- ورق عنب بالزيت مطلوب طبعا لان مثل ماقلت فجأه.
8- مصقعه بيدجان بالطحينه موجوده بالمنتدى باسم فتة عزيزه روعه كانت والكل انهبل عليها.
9- مكرونه بشاميل باللحم المفروم.
بعد العشا حلو كابتشينو بكيك البتي كروكر
واخيرا بخور وعود وما ورا العود قعود بس شنو تعبت والحمدلله النتيجه كانت مرضيه الكل انهبل على السلطات وماكانوا مصدقين اني مسويه هذا كله وغير الشمعدانات والورد الطبيعي المقطع على طاولة البوفيه اللي انا مسويتها بنفسي وبعض الاحجار الملونه وفرشت الملاعق والشوك على الطاوله نفس طريقة المطاعم بالبوفيهات جنب صحون الغرف...........................وخلصت الحتوته