اخ الزوج

السلام عليكم حبيباتي
بنات المشكله تخص اقرب خوياتي هالكلام ماتقدر تقوله لاي حد واستشارتني اكتب موضوعها هي مش مشكله وانما شي يضايقها وموعارفه سببه وهل اساسا هو شعور حقيقي والا بس كذا.


خويتي متزوجه من شخص مطلق من غير اطفال وبينهم فرق اشوي بالعمر حق 8 سنوات كذا ولكن زوجها تبارك الرحمن اللي يشوفه مستحيل يقول بينهم فرق كأنه اكبر منها بسنه مره شكله اصغر من عمره وسيم وعنده خير مركز وبيت واخلاق وشهم مره وعندها منه اطفال. بس مشكلته علشان دارس برا فالاختلاط عنده مره شي عادي وهي غيوره وهو من النوع اللي كتوم وما يتكلم معها كثير لكن بشكل عام حياتها مستقره
هي كانت كثير بايام الملكه منزعجه من فرق العمر مع انه مااشوف الفرق كبير ودايم تقولي لو اخذت واحد اصغر اشوي ولو اخذت واحد انا اول انسانه بحياته
المهم دخلت بيت اهل زوجها واخ زوجها اللي اصغر من زوجها بحوالي 4 سنوات خاطب ومملك تقول ماتمنيته بس كنت اشوفه كيف حنون لو يمسك طفل يحضنه وينام وتمنيت لو زوجي مثله
مرت الايام وطلب اخ زوجها منها مساعده بحكم عملها. تخلص له معامله فدق عليها اكثر من مره وهو طبيعته تختلف عن زوجها هو من النوع اللي يسولف وتكلم معاها عن عمل زوجها وامور اول مره تعرفها عن عمل زوجها وطبعا كلامهم كان عادي جدا وزوجها وزوجته عارفين. ومن بعدها ظل يرسل عارفين اللي يرسل لكل اللي عنده ادعيه وصباح ومسا الخير كذا زوجها كذا مره حست فيه اشوي غيره بس لان عارف زوجته واخوه كويس فعادي واثق فيهم.
وطبعا هي وزوجها من النوع اللي اذا حصلت مشكله بينهم ما يخبرو حد ولا يدخلو الاهل ومره من بين كل المشاكل هددت زوجها انها تكلم اخوه وتفشله قدامه لان زوجها مره شخصيه قال لها اذا هالشي يريحك كلميه. وفعلا دقت على اخ زوجها انصدمت انه قال لها تبين نتقابل دامك برا هي انحرجت وماردت عليه بعدين رجع كلمها وقال لها انا تكلمت بحسن نيه لان سمعتك تبكين ولكن مااحب اسوي شي من ورا اخوي وهي ردت عليه طبعا هذا زوجي وماارضا عليه وانا خلصت اشغالي ورجعت بيتي فقال لها طيب اشوي واكلمك وتكلم معاها بحضور امها شكت له من اخوه من موضوع زميلاته وانه مره عادي معهم وهي منزعجه وقالت له انا ماخبرتك الا لاجل حد من اهله ابيه يعرف وان اذا بيوم فاض بي وطلبت الانفصال يكون في حد عارف انه في مشكله متعبتني المهم من كلامه حست وش كثر اخوه نقي وطيب حتى حلوله مره مره بريئه وتبين انه انسان ماله علاقات ولا خرابيط وتمنت جد لو كان زوجها زيه بالضبط
وظل يوم بس يرسل لها ويهدا فيها ويوصيها على بيتها واخوه وبعدين خلاص لاهي ولاهو رجعو تكلمومع بعض او اوسلت شي ابدا وطبعا خبرته انه زوجها يدري عن المكالمه وخبرت زوجها بكل التفاصيل زوجها فقط قال اناماعملت شي خطا واخاف ربي ومااخاف من اخوي بس فشلتينا قدامه. ومن عيوني احذف كل شي عندي دام زاعجك ومسح كل البرامج بس ماعصب ولا شي لان زي ماقلت واثق في زوجته واخوه وظل اخو زوجها يرسل الاشياءالعاديه
طيب هي الان ماهي عارفه تحدد ليه هو يهمها تعرف اخباره من فتره لفتره وليه غارت لما عرفت زوجته حامل وليه مثلا تنحرج منه وتفرح اذا زارو ام زوجها وكان هناك وتنقهر مرات تشوفه يرسل صباح الخير قبل زوجها وهي طبعا ماترسل له ولا شي ولا تفتح محادثاته الا كل فين وفين وتقول افكر مرات اكيد يسولف مع زوجته ويعلمها بكل اخباره مش زي زوجي.
تعتقدون غيره حريم والا وشو؟ طبعا هالموضوع مش شغلها الشاغل الحرمه معلمه وعندها اطفال وتحب زوجها كثير وقلت لكم زوجها افضل من اخوه في مميزات كثيره. بس وش سبب هالشعور برايكم هل غيره والا لان تمنت واحد اصغر من زوجها والا لان شافته من النوع اللي يسولف وحنون وتمنت زوجها مثله هي تحب الزوج الثرثار وللعلم زوجهامش قاسي ابدا بس اشوي شديد.