اخ من الخادمات وبلاويهن..تكفون ساعدوني..

السلام عليكم ورحمة الله..

انا موظفه ودوامي من الساعه 8 الى 2

وزوجي دوامه من 6 ونص الى 12 او 1

عندي ثلاث اطفال وحده بصف ثاني والثانيه بالروضه والاخير حضانه..

مشكلتي يابنات مع الخدامات..

اول ماتوظفت كانت عندي فلبينيه وباقي على مدتها ست شهور..وقبل لاتروح قدمت على فلبينيه غيرها..طبعا كانت عالة كبدي لكنها على الاقل شايله البيت..المهم جات خدامتي الثانيه وسفرت الاولى ..

وماتمت عندي 3 اسابيع الا وتصيح وتقول ان زوجها وبنتها ماتوا..

المهم انها طلعت كذابه وعرفت من مكالماتها في الجوال...وبالموت اعترفت..(طبعا فلبينيه)

طبعا سوت هالموال عشان ترجع بلدها...ولما كشفناها اسكتت كم يوم وصارت حليوه..وفي يوم كنت غايبه وتعبانه...صحتني بنتي الصغيره وتقول دم...الا واشوف الخدامه مجرحه يدها وتسوي نفسها خبله...طبعا على طول دقينا على الشرطه وخذوها..وسفرناها وبعد معاناه 3 شهور من الكرف والتعب وشحططة عيالي من بيت لبيت جاتني الثانيه..

والله يابنات اني تعبت ولا احد ساعدني ولا احد..حتى عيالي مالقيت احد يضفهم غير الحضانه..

وانا تعبانه من ظهري فيني انزلاق..وطول الوقت وانا اعالج في ظهري...وانتوا تدون بشغل البيت وعيالي صغار يبيلهم من يلاحقهم..

الحين البلى في اللي جات انها من اول ماجات تبي تروح وتقول ماابي اطفال مع اني مكلمتها قبل لاتجي وفهمتها ان عندي عيال وانا موظفه وكانت راضيه..لكنها شبت يوم خذت الجوال منها مع اني قلتلها تبين اي وقت تكلمين باعطيك الجوال..والله اني مداريتها ولا اخلي عيالي يخانقونها..واي شي تبي اجيبه..ولا اثقل عليها واساعدها..لكن بعدها كلمها زوجي وقالت خلاص بشتغل عشان عيالي ماابي اروح..وصارت زينه وقامت تشتغل وارتحت لها..

وبعد كل هذا اكتشف انها تقول للخدم انها بتجلس ثلاث شهور وبتروح...وتقول انها بتسويلي دراما..

يعني اما بتخترع قصه او الله يستر..

تكفون وش الحل ..مقدر اسفرها الحين رمضان وعندي عمل ...ماعندي الا شهر واحد بالسنه اعطل فيه..وغير كذا مااقدر اسفرها الا وعندي غيرها...

تكفون وش الحل ...يانبات تعبت ذيك الايام من غير خدامه..ماغير اصيح من التعب...

هل اقولها الكلام اللي قالوه الخدم.؟؟؟

المشكله اني المح لها وش رايها بالبيت هل هي مرتاحه...لكنها ماتبين لي شي...وعسل معانا...

تكفون وش اسوي...اسفرها الحين واقدم غيرها..ولا اقدم قبل ..المشكله يبيلها الخدامه 3 شهور..

تكفون