اخ ياقلبي من زوجي...

وتستمر مأساتي القديمه اللي كتبتها لكم من قبل...الفرق اني توظفت وانشغلت...ولكن العيال زودوا همي الله يحفظهم..

مليت من نفسي …
ليش كل هم الحرمه زوجها،،،كل حياتها عليه،،وهو اخر همه حرمته،،
انا زوجي ماهو مثل كل الرجال،،ماعمره قال مشتهي تلبسين لي كذا،،او تقصين شعرك كذا،،او حتي اذا شاف علي شي حلو يقول انه حلو…كل اللي اسمعه منه انتقادات…ماعمره فاجأني بفستان او خاتم ذهب او حتي كلوت..هههههه..حياتي معاه روتينيه ممله،،الصبح دوام والظهر دوام يجي ينام ويطلع العصر دوام…يجي 9 وساعات ازن عليه ابي اطلع معاه..وبالموت يتفرغ لي..ولا واش يقول كل طلعاتك خساير،،،وهذا وانا موظفه وكل شي يخصني من جيبي مايدفع لي الا الجوال والسواق وهذا بالمنه…وساعات لو اشتري مرطب ولا كريم يتذمر ويبيني ادفعه من جيبي…حتي لما امرض واروح مستشفي خاص يتذمر ومو عاجبه…
غير هذا كله حتي دعم نفسي مالقي منه…ماعمري شكيت له من شي يضايقني ولقيت منه القلب الحنون ولا ضمة الصدر اللي تواسيني..اكلمه وافضفض له كني اكلم جدران..لا اي ولا لا…ولا حتي يطالعني،،،وساعات ينام ويخليني…واذا رد يكون كله عتاب ولوم علي تصرفاتي…
حتي الطبخ كرهني فيه…اول ماتزوجت كنت متحمسه اطبخ واتعلم عشانه…لكنه كان دايما يذم…وذا عجبه مايتكلم…
مايقي طبخه ماسويتها له…ودايما يقول انتي ماتغيرين …
صرت الحين مااهتم وان طبخت بمزاجي ولا يهمني رايه…

حتي عياله مايهتم فيهم

انا طول وقتي اللي معاهم…دروسهم علي…انا اللي افكر بلبسهم واكلهم..ومستقبلهم..حتي اذا مرضوا مايهتم فيهم،،،حتي المستشفي يتثاقل يوديهم وان وداهم مايبي خاص..حتي لو الدكتور سيء…

صرت اترك عيالي لحالهم لان نفسيتي تتعب من المسؤليه الي شايلتها بنفسي


هذا غير لما يجي بالليل مايهتم بنظافة فمه ولا ريحة عرقه..لكن لما يجي يروح لربعه يتروش ويتعطر حتي اسنانه ينظفها بالخيط من زود النظافه…


الله العالم ايش كان حالي قبل اتوظف..
الوظيفه خلتني اتغاضي عن اشياء كثيره

ولامر من هذا كله انه مايقولي اي شي يخصه او اي شي ينوي عليه في حياتنا…يخطط لحاله من غيري،،،تخيلوا الحين بيسوي مشروع مع اخوه وكل خواته يدرون الا انا،،،،قالي من كم شهر احتمال في مشروع والحين بدا معاه ولا عطاني خبر ،،،تخيل،ا حمواتي وحريم حواني يدرون الا انا الغبيه ماادري حتي متي بدوا وكم اتفقوا عليه...

ومو هذا بس اللي قاهرني تخيلوا انه بيسوي المشروع علي ارض وقف وهالارض متنازين عنها كل اخوانه وخواته لشريك زوجي اللي هو اخوه،،،والحين عطاه فلوس بدون ورق وراح يستمر هالكلام ....المصيبه انه عارف ان اخوه ممكن يسوي اي شي بالحرام عشان الفلوس ،،، وكم مره ينصب علي زوجي واخوانه واهله...

يعني بالله عليكم وش اسوي فيه،،،خلاص انا كارهته وماني طايقته،،، ماادري يفكر نفسه بطران وفلوسه تكت علينا...

والله انه حتي مايفكر يالايام اللي جايه،،،وقلتله اني بتشمت عليه وبينصب اخوه عليه ولا بيشوف قرش...

والمشكله يبيني اساعده في البيت،،،والحين حلفت مااعطيه ريال...


قولولي اذبحه :( خلاص طقت كبدي منه،،،، قلبي قام يعورني من الهم احس بالم في الجهه اليسري ....خلاص انا تعبانه...


اللي تبي تقرا مشكلتي تلقاه في مواضيعي السابقه...


واسوني الله يخليكم...