اشلونكم بنات واشلون عيالكم واهلكم
هذي الوصفه من كتاب عنايات علي عنبر خان هيه من المدينه
لسى حافظه اسمها لانه اول كتاب طبخ اتعلم منه كنت بالمتوسط
شراه الوالد الله يعطيه الصحه والعافيه ويرضى عليه اميين
نقلتها في دفتري (دفتر الفراعنه) من زماااااااااااااااااااان
وله عندي اكثر من عشرين سنه
ماادري هيه باقي تنزل كتب او لا
المهم من حلاة هالطبخه لازلت الى الان اسويها
لذيييييييذه وسهله
شكلها من وصفات اهل المدينه
انا اسويها على العشا ايام البرد اكثر شي
المهم بعطيكم المقادير و الطريقه مع بعض ومن غير مقدار
------ بسم الله -------
اول شي سوي حمسه عاديه
قطعي بصل مع شوية ثوم واحمسيها مع شوية زيت
بعدين حطي قطع دجاج صغير مع عظم مو مشكله وشيلي الجلد
اهم شي القطع صغيره قلبيه بعدين بهار مشكل مطحون وقلبيه
بعدين طماطم معصور وصلصه وملح قلبيه دقيقتين
بعدين حطي مويه تقريبا كوبين مانكثر مهم
وسيبيه يغلي ويستوي الدجاج
اثناء ذلك
نقعي تقريبا ربع كوب عدس عشر دقايق
وجيبي حزمتين رجله او بقله زي مايسموها البعض وافرميها خشن شويه
بعد مايستوي الدجاج خلي المويه تنشف يعني يبقى من المرق يادوب كوب
لان الخظار ينزل مويه
عشان كذا قلت من اول لاتكثري المويه
بعد كذا حطي العدس وخلي النار هاديه وغطي عليه يستوي العدس
لما يستوي العدس حطي الخظار وغطي كمان سبع دقايق ولا تحطي مويه
شوفوا شكلها بعدين
وهنا قلبتها وصارت جاهزه
وهنا زوم
وهذا العشا جاهز تتاكل بالخبز
لذيذه مع الشطه واليمون وكاسة لبن ياسلااااااام
خلصت وصفتنا
&&&&ادام رجله بالعدس &&&&
وترقبونا في وصفه جديده من دفتر الفراعنه
الي يعجبها الموضوع تدعي للوالد
الله يحفظه ويخليه لنا ويمده بالصحه والعافيه ويرضى عليه
في حفظ الرحمن
الكتاب دا اعرفه يرحم زمانه
فكرتيني بطبيخ ماما الله يعطيها الصحة و العافيه