ادخلوا وشوفوا وش سوى فيني الانترنت

السلام عليكم يااحلى واغلى بنيات وحريمات في العالم>>>خخخخ حلوة حريمات مدري من وين جبتها

اقول بصراحة بصراحة والله لكم وحشة من زمان ماشفتكم اقصد من زمان ماجيت هنيا

بلاني والله من كثر ماافرفر في ذا المنتديات وذا الشاتات

وكلة كوم والماسنجر كوم ثاني ماغير هذرة على غيرسنع>>>خخخخخخ الاخت توها تكتشف ان هذرتها مالها سنع

مادري متى الله بيهديني>>>دايم جدتي تقوله لي

الله يهديني قولوا امين تركت الدراسة وقعدت في البيت لاشغل ولامشغلة هذا جزات اللي ماعندة ام تهي تهي تهي

ماادري ليش اذا شفت سالي تذكرت نفسي>>>متاثرة بافلام الكرتون

شوفوا يابنات ولايهونون الحريمات بعصر لكم (خلاصة) تجربتي وانا (ادوج) في الانترنت>>>اخس يا(خلاصة)

سامعتهم يقولونها في قناة العربية

على فكرة نسيت اقولكم وش معنى كلمة (ادوج)>>>ادوج من الدجة والدوجات ويقال عندنا في الرياض

الولد يدوج في شارع التحلية يعني يفرفر بالسيارة اقصد يتمشى بالسيارة على هونة علشان يرقم البنات ويقزقزهم

ويقال للبنت البنت تدوج في الاسواق والمطاعم يعني تذهب الى السوق والمطاعم وتقضي دراهمها وتجي

اما الذين لايخرجون خير شر>>> مثل حالتي بامكانهم الدوجان في الانترت

نرجع لموضوعنا في مرة من المراريت شفت الخلق كلهم يعرفون يسجلون في المنتديات مير ويضيق صدري وانهبل

واقول الحين كل خلق الله عندهم تسجيل في المنتديات وانا ماعرف سالت وحدة من صديقاتي يوم اني ادرس

وش لون تسجلون في المنتديات ومير تعلمني ياحبيلها تزوجت الحين>>>بتقول قصة حياة صديقتها

المهم وتعلمني واروح وافتح ذيك الصفحة اللي يعبون فيها المعلومات واعبي كللللللللل المعلومات بكل صدق وامانة

يوم جاء من باتسر>>>يعني (يوم جاء باكر) واقوم من الصبح واروح المدرسة

قالت لي صديقتي هااااااااه بشري عرفتي وش لون تسجلين في المنتديات قلت ايه ابشرتس عرفت

قلت لها عبيت ذيك الاستمارة اللي طلعت لي وحطيت فيها كل شي حتى اسمي واسم ابوي والعائلة حطيتة كامل

قالت لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

لاتحطين اسمتس الحقيقي قلت ليش هم يقولون اكتبي الاسم وكتبته قالت ياغبية الاسم اللي حطيتة

كل خلق الله اللي في المنتدى بيشوفونه قلت يعني اسمي الحقيقي هو اللي بيجي مع مشاركاتي

قالت ايه قلت يافضيحتي وش اسوي اروح امسحة قالت لاماتقدرين تمسحينة قلت ياويلي ويلاة لو يدري ابوي ذبحني

قالت انتي كتبتي موضوع في المنتدى قلت لا , قالت ولا رديتي على اي موضوع قلت لا

قالت اشوى انتس ماكتبتي شي, خلاص الحساب هذا انسية وروحي عبي لتس استمارة ثانية باسم مستعار

بس لازم تغيرين الايميل لانهم مايسمحون بتكرار الايميلات

خلاص بعطيتس ايميلي وسجلي به>>>ياحبي لها هذي الصداقة ولابلاش بس من يوم اعرست

وهي معاد تكلمني مثل اول مدري وش فيهم البنات لين اعرسوا انهبلوا

المهم يوم رجعت من المدرسة وانا طيران على الكمبيوتر وادخل المنتدى واسوي لي تسجيل ثاني
باسم
























باسم



















باسم
يتيمة ومحتاجة لامي>>>يعني السالفة هذي كلها صايرة في منتدى عالم حواء خخخخخخخخخخخخخ

بنات ماتلاحظون ان كلمة (باسم) اللي فوق ناقصها شي؟؟!

ناقصها الهمزة اللي فوق الالف ماعليش كيبوردي طاح من على الطاولة وخرب ولاعاد يكتب الالف اللي فوقها همزة
لو سمحتوا من تسلفني همزة خخخخخخخخخخ

عاد شوفوا من قرادة الحظ ان اسمي في المنتدى لازم فية همزة فوق الالف

قعدت افكر ذاك اليوم ودي اسجل في المنتدى بس ماعندي الهمزة>>>ضايعة اللي بيلقاها له 50الف خخخخخخخخ

الموهيم وافكر وافكر وافكر وافكر وافكر وافكر وافكر واخيرا لقيت الحل اعلمكم وشوا

انزلوا تحت شوي


































لاتقولون شرت كيبورد لاني ماشريت>>>بخيلة خخخخخخخخخخخخخ

اعلمكم بس اخاف تضحكون علي

































خلاص خلاص والله بقول
والله شوفوا انا فكرت اشتري بس في اخر لحظة هونت قلت والله حسوفة اشتري لي كيبورد بذيك العدة

علشان السيدة المحترمة (همزة)

فكرت ولقيت الحل؟؟!
خذيت كيبورد اخوي وشبكته في جهازي ورحت وفتحت برنامج الوورد وكتبت حرف الالف اللي فوقها همزة

وحفظت الملف على سطح المكتب والحين كلما احتجت صاحبة السمو الملكي الاميرة الف فوقها همزة

اروووووووووووح افتح ملف الوورد واسوي نسخ والصقها في المكان اللي ابيه شفتوا العذاب شفتوا المعاناة

مادري احس انكم تقولون احسن هذا البخل ومايسوي


ايضا في مرتن من المراير وانا اتصفح في )الشبكة العنبكوتية)>>>مادري وين سامعتها فيه

وين سامعتها فية يايتيمة وين؟ وين؟ وين؟ الظاهر الظاهر في القناة الاولى في برنامج

حماية اولادنا من (الشبكة العنبكوتية) انا ابي اعرف ليش دايم في التلفزيونات وفي الروادو

يقولون حماية اولادنا ومايقولون حماية بناتنا>>>يعني البنات مالهم رب




المهم نرجع لمحور حديثنا وش كنا نقول والله نسيت اصبروا بتذكر....................
































ايييييييييييييييييه تذكرت بكلمكم عن مواقفي انا والكمبيوتر في مرة من المرات كنت داخلة واحد من المنتديات

ولقيت واحد كاتب موضوع يقول ان الرابط اللي في موضوعة فية لعبة تجنن لازم تحملونها

ماراح تملون منها ابد ابد حجمها صغير وانا متاكد انها بتعجبكم وقعد يمدح فيها لييييييييييين قال بس

قلت يابنت الحلال حمليها خليها مير توسع صدرتس المهم واحمل ذيك اللعبة العجيبة الغريبة

للمعلومية انا حملت اللعبة بالليل والناس نيام

حملتها يوم فتحتها طلع لي صوت واحد يضحك ضحكتة قوييييييييييييييييييييييييييييية تخوووووووووووووف

نيهاااااااااااههههااااااهههههههههااااااااهههههاااااااهههههاااااا والله كنها ضحكة جني بسم الله علي>>>سامعة ضحكة الجني

قسم بالله انه طار قليبي بغيت انهبل فصلت الكمبيوتر من غير راي احسب انه بيولع فيني

وسحبت فراشي ورحت انام في غرفة اختي من الخوف>>>اختها اصغر منها

يوم اذن الفجر قامت اختي تصلي وشافتني نايمة عندها قالت يتيمة قومي وش جابتس عندي

مير واقوم مرتاعة هاااااااه؟! وشو؟! وش صار؟!!قالت لي بسم الله عليس خلاص خلاص ارقدي

يوم جاء من بكرة صارت فضيحتي بجلاجل في البيت كله كلا قاعد يضحك علي ويقول يتيمة البارح

في غرفتها جني وراحت تنام عند(................)>>>هذا اسم اختي والله تفشلت هذا كبري واخاف

المهم اني قعدت سبوع كامل مافتحت الكمبيوتر من الروعة حسبي الله عليه صارت مهيب لعبة صار مقلب

الله يروعة مثل ماروعني في ذا الليول ومن بعدها حرمت احمل اي شي من المنتديات

اذا بغيت احمل لعبة رحت لموقع الالعاب وقعدت احمل (وفي النهار بعد مهوب في الليل)



وفي موقف ثاني انا (مضيفة) بنت خالتي عندي في الماسنجر

على طاري (المضيفة) تذكرت نكتة يوم سمعتها مت من الضحك

يقول لكم ياطويلات العمر فيه بدوية وبنتها راكبين الطيارة

يوم شافت الام المضيفة اللي في الطيارة توزع الاكل على الركاب

قالت لبنتها جعلتس العجزقومي عاونيها ههههههههههههههههههههه خخخخخخخخخخخخخخخخ

متاثرة ذا البدوية بالمسايير والعزايم

والله يوم سمعتها تذكرت جدتي الله يخليها لي

اذا شافت احد شايل قهوة ولا الشاهي ولااول ماتشوف السفرة حاطينها

على طوووووووول تلتفت علي وتحن فوق راسي ليييييييييييييييين اقوم الله يهديها جدتي ماتشوف الا انا

واذا قلت لها ليش ماتشوفين الا انا تقول انتي الصغيرة والمفروض تكونين الخفيفة اااااااااااااه بس ياجدتي

عاد انا اكره شي في حياتي هو الطبخ والشغل

المهم نرجع لمحور حديثنا انا مضيفة بنت خالتي عندي في الماسنجر وكل مابين فترة والثانية اسولف معها

المهم انه في يوم من الايام دخلت الماسنجر والقاها متصلة

واقولها هلاوالله بسارة اسمها سارة>>> حرااااااااااااااااام علمت باسمها فضحت البنية مسيكينة

الله يخليكم لاتعلمون احد ان بنت خالتي اسمها سارة علشان ماتنفضح خخخخخخخخخخخخخخ

المهم واسولف معها اسولف معها اسووووووووووووووولف وطولت وانا اسولف وانتم خابرين

انا اذا طولت في السوالف اجيب الاولي والتالي قلت كل اللي عندي المهم يوم خلصت من سالوفاتي

قلت لبنت خالتي يالله انا تعبت بروح اناااااااااااام

قالت لي يتيمة اقولتس شي قلت قولي ولاتكثرين قالت انا ماني سارة؟؟

قلت تستهبلين قالت انا ماني سارة؟؟ قلت كذابة!

قالت بكيفك لاتصدقين يالله باي

قلت وش باااااااااااااي عقب ماقلت الاولي والتالي بتروحين من انتي؟

قالت قصدك من انت!!(وجة احمر واصفر) قلت لاوالله تستهبلين انتي سارة

بعدين خطرت في بالي فكرة وقلت بتصل على جوالها واشوف اذاكانت هي ولا لا

المهم واتصل على جوالها وترد علي لقيتها في سابع نومة قلت سارة انتي وينك قالت انا نايمة!!!

وش تبين الحين قلت اجل من اللي داخل على ماسنجرك الحين

ويوم سولفت عليه بكل اللي في قلبي قال انا مانيب سارة

قالت مدري اصلا جهازي عندي في الغرفة ماعندة احد

ولاعلمت احد بالرقم السري حق ايميلي قلت قولي والله

قالت بكيفتس لاتصدقين يالله مع السلامة بروح بناااااااااااااام بكرة عندي اختبار

وسكرت مني وخلتني في مليون حيرة

ياويلي ويلاة واقعد اتذكر كل الكلام اللي كتبتة واتحسر على عمري

واقول ياويلي اذا صار ولد مهوب بنت

مابقي شي ماقلتة تكلمت في الدورة الشهرية وتكلمت في امور الزواج

من يوم ماتنخطب البنت لييييييييييييين ليلة الدخلة

وضحكت واستهبلت وفضفضت وطلعت كل اللي في قلبي

وفي الاخير تطلع مهيب بنت خالتي والله اني قعدت الليل كلة مانمت

واحتريت لين رجعت بنت خالتي من الجامعة المهم واكلمها قلت رجعتي للبيت قالت ايه

قلت امانة انتي اللي عند الماسنجرالبارح ولا لا قالت لا !!الحين وش السالفة؟!!

ترى يوم تكلميني على جوالي البارح وتقولين لي السالفة ماكنت معتس مررررررررة كنت نايمة

ورحت وعلمتها السالفة من الاول الى الاخير قالت يوووووووووووه الله يعينتس كل هذا قلتيه

قلت من اللي كان امس معي على حسابتس مهوب معقولة مايكون انتي

قالت يمكن الهاكرز سارقين ايميلي والباسوورد

وقدروا يدخلون الماسنجر حقي قلت يقدرون يسرقونه قالت ايه يقدرون ضاااااااااااااااق صدري مرة

قسم ان العبرة خانقتني تخيلوا يابنات انه يكون فيه احد عارف اسمتس والعائلة

وجزء من اسرارك وش بيكون ردت فعلكم؟؟

المهم ويمر الاسبوع والله كنه سنة من ضيقة الصدر ويوم جاء ذاك اليوم وتتصل بنت خالتي

وتقولي يتيمة بقول لتس شي بس امانة لاتزعلين قلت وشو قولي قالت تذكرين يوم تدخلين الماسنجر

وتسولفين مع واحد ماتعرفينه على اساس انه انا قلت وانا نسيت علشان تذكريني

اصلا هذا الموقف ماينسي ليش عرفتي منهو؟؟قالت ايه عرفته قلت منهو بسرعة قولي قالت......





























قالت..........................


































قالت.................................



انا اللي كنت اكلمتس بس حبيت امزح معتس ويوم اتصلتي علي سويت نفسي نايمة

بصراحة بغيت انهبل والله لو هي عندي كان مصعت رقبتها

بغيت ادعي عليها بس هونت قلت حرام ادعي على بنت خالتي

زعلت عليها سبوع كامل معاد اكلمها ولاارد عليها

والله من جد موقفها خوفني مرررررررررة

ومن بعدها حرمت اسولف مع احد بالماسنجر الا اذا اتصلت عليه بالجوال

وتاكدت ان هو اللي عند حسابه



وفية سالفتا ثانية اول مرة ادخل على الانترنت اتصلت على صديقتي

وقلت لها تعلمني وش لون ادخل المواقع

قالت لي اول صفحة لازم تكون عندتس هي صفحة قوقل

اكتبي في المربع اللي فوق( قوقل) وهو على طول بيفتح لتس الصفحة

مير واروح واسوي اتصال واكتب في المربع (اريد صفحة قوقل)

ثمن قعدت احتري يمكن خمس ثواني احتري الصفحة تنفتح ولاانفتحت

واروح مرتن ثانية واكتب (اريد صفحة قوقل)

واحتريت تقريبا خمس ثواني ولا انفتحت بعد الصفحة

انا احسب ان الصفحة تنفتح على طول من يوم ماانغز زر بحث

احسب انه مثل التلفزيون اذا نغزت الزر طلعت لي على طول القناة الثانية

الموهيم مااااااااااااااش ماانفتحت الصفحة واروح واكتب مرتن ثالثة (لوسمحت اريد صفحة قوقل)

واحتريت شوي ولاطلعت ثمن مليت قطعت الاتصال وسكرت الكمبيوتر

يوم جاء من بكرة واروح المدرسة واعلم صديقتي السالفة

ماتت علي من الضحك وعلمتني الطريقة بالتفصيل الممل

ياحبي لي والله اني مخفة


ومرتا من المرات انا عندي في (جهازي)>>>تذكرت جهاز العروس اااااااااه بس متى بشتري جهازي واعرس

المهم نرجع لمحور حديثنا انا في جهازي حامي فيروسات

بس انا مادريت ان في الجهاز ذا (الحرامي) اقصد ذا (الحامي)

لاومن زود ردات الحال ان البرنامج بالانقليزي يعني مافيه امل ادري عنه

الموهيم جاء مرتن من المرات وينط علي مربع لونة اصفر وكل الكلام اللي فيه بالنقليزي

حاولت افهم وش يقول بس مافهمت الا كلمتن وحدة اللي هي(فايروس)بس هذا اللي فهمته

مير من يوم ماقريت شي اسمة فايروس واروح احذف البرنامج كلة قلت اخاف انه فيروسن بعد يخرب جهازي

ساعتها من بيودية يصلحة المهم يوم تثقفت بالثقافة الكمبروترية

عرفت ان اللي حذفته هو البرنامج اللي يحمي من الفيروسات

اسمة (انتي فايروس)>>>انا فيروس لاوالله انايتيمة مانيب فايروس هههههههههههه

وانا الخبله احسب انه فيروس انا وش دراني قريت بالنقليزي كلمة فايروس واحسب انه صدق فيروس الله يكفينا شرة




في مرة من المرات دخلت موقع من المواقع لقيتهم حاطين مسابقة

قلت يابنت الحلال اشتركي في المسابقة وحلي الاسئلة

ان فزت كان بها وان مافزت عادي ماتفرق معي المهم واحل المسابقة

واحط ايميلي ويوم مر شهر تقريبا على المسابقة ويرسلون لي رسالة على ايميلي

ويقولون مبروك لقد فزت بمجموعة أشرطة غنائية لكوكب الشرق ام كلثوم

قسم انه ارتفع ضغطي وقالت حرام عليكم مالقيتوا الاام كلثوم

ابقعد طول عمري وانا اسمع لاغنية وحدة من اغانيها وبموت والاغنية ماخلصت






بصراحة بصراحة بصراحة المواقف كثيرة كثيرة كثيرة بس والله اني تعبت وانا اكتب

ودي اوسع صدري واوسع صدروركم بعد>>>واثقة

بس يالله الجايات اكثر من الرايحات

باقي الدور عليكم اتحفونا بالفشايل اللي تفشلتوها مع المدعو انترنت

وعادي ترى كلنا خوات يعني كل وحدة منا عندها ماضي يفشل معه

ومافيه احد يطلع من بطن امه وهوعارفن كل شي

ويالله سلامتكم

اتمنى اني ماثقلت عليكم