ماشاء الله الاخوات ماقصروا كفووا ووفوا
بس انتي قلتي اني لما اجي انام افكر في الكلام اللي انقال فيني ووو انا كنت زيك والله ماعاد إلا بنجن افكر في اساءة الناس لي بالرغم اني ماسويت لهم شيء بس الغيره وما ادراك مالغيره بين النساء .. المهم كنت في صراع مع نفسي اللين طحت على كتاب للدكتور عائض القرني ( كتاب لاتحزن ) بصراحه روعه خلاني افهم نفسيات الناس واطنش ماجاني منهم واطلب الاجر من الله على صبري على اذيتهم لي وبصراحه رخصت الدنيا في عيني وصرت استحي اشكي همي لاحد لاني اخاف يضيع الاجر من الله والحمدلله النفسيه صارت عال العال وصرت نشيطه في بيتي احب انظف واطبخ واتفنن في كل شيء ليييييييييييه لان النفسيه لها دور والتعلق بالله عزوجل يشرح الصدر وييسر كل صعب


انتي جربي وبتدعين إن شاء الله


تحياتي :gaamra

خوله موضوعك حلو ربي يسعدك ..

انا باقول لكم بصراحة انا وش مضايقني ..

انا خريجة لي سنتين ومالقيت وظيفة :(

تخصصي حلو الحمد لله ومعدلي بعد حلو ومعاي مرتبه شرف بعد ماشاءالله بس عجزت الاقي وظيفة حتى عقد مالقيت :(

طفشت من جلسة البيت ونفسي اطلع اتوظف اشوف الناس احس لو استمريت كذا بانسى جو المدارس والدراسه :(

اول الايام كنت اصحى واتنشط انظف بيتي واسوي غداي واترتب بس الحين احس صرت كسلانه وعجازة على شوي شوي ,..

صرت مااحب اشتغل ولا احب اتحرك ولا احب اسوي شي ..
دايما فيني نوم مهما نمت ( وانا كذا اذا شلت هم شي يجيني نوم يمكن نوع من الهروب من المسؤولية )

يارب ترزقني بيبي انشغل فيه وارجع مثل زمان ..

دوم اقرر اكون احسن بس مااقدر ..

اممممممم وش بعد

ايوا اتذكرت انا عصبيه وحساسه ونفسي اتخلص من هالشي ..

ادري قلبت روسكم بقرقتي ..

بس ماعليش تحملونا ..

تحيتي

انا متضايقة من قعدتي في البيت لاشغلة ولا عملة وزوجي دائما مشغول الله يعينه وبحكم انه نحنا في بلاد الغربة فلا لاأعرف الكثير من الناس والكل مشغول والله ما بعرف شو أعمل حاسة انه يدي مربطة الوحدة دبحتني وزوجي مسكين شغله بالليل شو بدي احكي غير الله يعين ويرزقنا على قد صبرنا:44:

يامرحبا بيكم
عود مبخر

الله يرزقك الفردوس الاعلى يارب من غير ضرا مضره ولا فتنة مظله انتي وكل بنات المنتدى الغالي
كلامك زاح هم رابضاعلى قلبي ووجهتيني للجهةالصحيحه ومعاد بقى الانفر الزنبرك وانطلق بس ابشرك انطلقت وسيرت للمعجنات وحفظت كم موضوع معجبني ومحتاجته

انا حاسه ان بيتنا فيه شئ ومتاكده ليه لان القطاوه ماتنجس الا السجادات حقت الصلاه والشئ اللي نستعمله

يعني تتعمد مضايقتنا بشكل متعمد ودائما عند الباب تتصنت حتى هو مسكر وتقعد توايق وتتسمع كانها مواديم بسم الله علينا ولا فيها انواع البراءه اللي خابرتها في القطاوة العاديه الله يكفينا شرها بما شاء انه قادر على ذلك سبحانه
والنمل القافي كل شئ ومره طفشت منه ونا فاتحة علبة السكر قلت باقراء عليه قران والله يابنات ان وقف معاد تحرك ونا اقراء كانه ملزق بغراء وهو زي ماقلت حركته سريعه جدا
والفار مايجتمع مع القطو الانااااااادرا ولا يطلع الا لي اذا رحت الله يكرمم لدورة المياه في نص الليل يطلع من المجاري :17: موقف لا احسد عليه


وش اقول وش اخلي بنات خلوها في القلب تجرح ولا في الفم تفضح اااااااااااخ بس الله الله يعوضنا في ذاالبيت خير بس
تصدقون بعد ذكرتوني اني مرة من المراريت لقيت الله يعزكم كلب مع انا في حاره نظيفه وجديده وبيبانا مسكره بس دخل كيف ؟؟
من تحت الباب وهو مسكر وكانت الفتحه تقريبا نص شبر وزحف ودخل مالقيته الا في المدخل متمغط ومنسدح
واو انواع الرعب بس الحمد لله كنا في رمضاااان وربي حفظني بس تراه نص كلب يعني جرو حليو

بنات والله كلامكم برد على قلبي شوي


مفعوصه
قماري
انشودة المطر
السعيده
اشكركم من كل قلبي والله يفرج همي وهمكم ويوسع صدري وصدوركم بطاعته وهدايته
بنات والله محدن مرتاح كلن يشكي من ذا الدنيا وهمومها ولا به راحتن الا في الجنه يابنات تخيلوا وحنا على سرر
متقابلين مافي صدورنا غل ولا حسد ولا غيظ من احد ولا هم ولا غم ولا كسل ولا مسؤليه ولا تفكير في المستقبل
والخوف منه يارب انك تغفر لنا وتدخلنا جنتك
محبتكم خوله

:29:
تصدقين ياخوله وانتي تتكلمين عن نفسك انصدمت..
كأنك تروين قصة حياتي :06:
آآآآآآآآآآآآآآآآآآآآآآآخ الله يزيل همومنا ويرحم ضعفنا.:44: