ادخلي وشوفي تجربتي

السلام عليكم ورحمة الله وبركاته..
اخواتي انا بقدم لكم نصايح بحكم تجربتي في الزواج..يعني لي دحين سنتين متزوجة وداخلة في لثالثة الله يوفق حالنا يارب..
بنات ..الزوج لمن يكون طيب وحنون ويحبك لا تخسريه مهما كان وان كانت عنده عيوب صغيرة..ممكن تتغاضي عنها
يعني مثلا..فيه ازواج ما يحبوا كل شوية البنت تروح لأهلها ..صح نحن نتضايق من هذي الناحية كثير..بس اتحمليه شوية اذا كنت ببداية زواجك لمن تجيبي عيال راح يقلك انت تبغي تروحي عند اهلك؟
وفي ازواج ما يحبوا زوجاتهم يقولولهم سوو كذا ...حتى لو كان الموضوع صح ما يحبوا احد يقلهم بالي يسووه..ممكن يترك الشغلة ولو كان يحبها عشان هذا الموضوع.. انا مرة طلبت من زوجي يوديني عند قريبتي وقعدت ازن ما رضي واليوم الثاني قلي يالله اوديكي..ومرة طلبت امه انه ياكل قبل ما يبرد الأكل قام خلى الأكل وطلع..:11:
مرات يقولوا ازواجنا كلمات نتحسس منها امكن ما كانو قاصدينها بس هم بطبيعتهم الخشنة نحسها مست من شعورنا شي..وانا دايما ازعل على زوجي بسبب هذا الشي بعدين اتفشل واحط عيوني بالأرض لمن اكتشف انه كلامه له معنى ثاني:44:
وانتبهوا يا بنات انتبهوا لا تقعدي كل شوية تقولي لزوجك امي سوت واخوية فعل واختى صارلها كذا ترا يملون ولو ما اتكلموا يعني خلي حكاويكي عن بيتك وعيالك واش صار معاكي خلال اليوم لا تقعدي طول الوقت تذكريه في اهلك يحس انك معاه جسد بس ..
معليه طولت عليكم ...
بس آخر شي بقوله ان زوجك جنتك ونارك ممكن تحسي بكبرياء او ان كرامتك نست بالغلط بس شيلي هذا كله من راسك لأنك محتدخلي الجنه الا وزوجك راضي عنك قبل ما تتزوجي كانت الجنة تحت رجول امك وابوك ودحين صارت عند زوجك ..
الله يعيننا بس ويصبرنا على هالأزواج ونقدر نطيعهم دايما:27: