هلا عزيزتى
الله يكون في عونج

هلا عزيزتى
الله يكون في عونج

عندي اخت نفس الشيء .. عايشة في الدوحة ويوم اتي الامارات عندنا
في الطيارة مدة 54 دقيقة تكون عندها حالة طوارىء ..
تختم القرآن
وانعكس هذا الشيء على عيالها
كلهم يخافون واي مطبة هوائية العيال لازقين في الكرسي


على العموم عزيزتى
شوفي اخوي كابتن طيار في طيران الامارات
وكثير ما كان يقنع اختي بعدم الخوف فالظاهر ما في فايدة
لانها ما تسأل الا عن الكوارث اذا استوى كذا شو يستوي وهكذا

بس في حديث معاه عن الطيارة ومخاطرها
كان يقول لنا الله يحفظة
ان الطيارات الحديثة فيها اجهزة تكشف كل خطر في الطيارة
وحتى المطبات الهوائية اجهزة الطيارة تحددها وتحدد قوتها
لذلك يحاولون تدارك الخطر ينزلون او يرتفعون

كل هذا يظهر على شاشة الطيارة

اما بشأن محرك الطيارة فيها بعض الطيارات عدة محركات 2-4 يعني اذا اخترب واحد منهم يستخدمون الثاني وهكذا

يعني الاحتياط موجود

بس اذا ربج رايد شيء .. ولا تطور ولا قوة تقدر تبعد القدر

في حلول ممكن تاخذينها

- الانشغال كما قالت احدى الاخوات
- النوم
- اذا ما جاك نوم فيه حبة تبلعينها مال الدوخة اللي في الطيارة تنومك
واذا وصلتي احد قومك تقومين
( اخذ انا هاي الحبة لاني دوخة وجبتي تلعوزني ) سامحوني

والله يكون في عونج


شوفي الطيارة كيف حلوة من داخل :)

اول شي لازم تحطين ببالك واعتبارك ان الموت مكتوب عليك من قبل لاتنولدين باليوم والساعه والدقيقه والثانيه

صدقيني اذا انتي تهربين من الطياره اكيد تخافين من الموت بسم الله عليج ( كلن على هالدرب )

مدام مو يومج لاتخافين


اقري المعوذتين وتوكلي على الله وان شاء الله خير

حلوه الطياره ما فيها شي .....انا أضارب مع زوجي علشان أقعد عن الدريشه خخخخخخخ وبتشوفين مناظر حلوه وتقولين سبحان الخالق...وأحلى شي لما تدخلين داخل غيمه والله نفس الرسوم المتحركه تحسين انج قاعده على غيمه مثل القطن وتشمين ريحة المطر خخخخخخ <<<<متأثره بالرسوم :)..ويعطونكم أكل وحلاوه وكيك وعصير :D وضروري تاكلين لبان وقت الاقلاع ووقت الهبوط علشان ما ينسد اذنك ...وطول الوقت اقري قرآن او خذي حبة تنومك اذا بغيتي ....
تصدقين عاد انا افضل الطياره احسن من السياره !! السياره تعب وطريق وشوارع مظلمه وأرق شو تبغين السياره روحي طياره وما تحسين شوي والا انتي واصله ان شاء الله البلد الثانيه ...

صح انتي بغيتي الصوره كامله من اول الرحله لنهايتها ...
انتي ما عليج من اجراءات المطار ابو العيال هو يتكفل بها وانتي خليج وراه <<<قولي انج ما تعرفين اجراءات المطار :D
المووووهيم آخر شي في المطار بتكونون في مكان الانتظار الخاص بطيارتكم لحد ما ينادونكم يقولوكم يالله تعالوا ادخلو الطياره ...يا عن طريق باص ينقلكم للطياره او عن طريق ممر يوديكم لباب الطياره ....اول ما توصلين باب الطياره بتلاقين المضيفات والمضيفون يستقبلونج بابتسامه عريضه وبعدين بتلاقين كراسي يمين وكراسي يسار حسب حجم الطياره ...وانتي بتمشين في الممر وتكون عندكم الورقه اللي فيها رقم الكرسي مالكم ...
واول ما تشوفون رقم كرسيكم اذا عندج شنطة يد كبيره حطيها في الخزانه اللي فوق الكراسي وبعدين قعدي في الكرسي ...الكرسي اللي على طرف هو اللي بجنبه الدريشه ....
وبس قعدي لحد ما يكتمل عدد الركاب ...وبعدين الطيار بيتمنى لكم رحله سعيده وبتبدي المظيفات يشرحولكم اجراءات السلامه او تشوفونها في التلفزيون ....وبيقولون لكم اربطوا الحزام ...

وبتبتدي الطياره تمشي شوي شوي وبعدين اسرع وهكذا لحد ما تطير وما بتحسين انها طارت الا اذا شفتي بنفسك من الدريشه ....اول ما ترتفع بتحسين بضغط في اذنك واللبان هو الحل كليه اول ما تتحرك الطياره ...

عاد خلال الرحله سوي اللي تبغينه ....في تلفزيون ...وفي راديو مع سماعات تسمعين اللي تبغينه حطي قرآن وغمضي عيونج ونامي ....واذا بغيتي اي شي اضغطي على زر المضيفه وهي بتجيك ....واذا الرحله طويله بيوزعون عليكم أكل في صواني وبتلاقين في الكرسي اللي امامك لوح ينزل ...نزليه وحطي عليه صينية الاكل اللي بيعطونج....

ولما توصلون بالسلامه بيتكلم الطيار وبيقول وصلنا وبتنزل الطياره على اقل من مهلها ونفس الشي ضغط الاذن ....واذا طيار شاطر ما بتحسين بارتجاج لما تحط الطياره على الشارع اما اذا طيار دفش شوي بتحسين بارتجاج شوي وقت النزله ...ثواني بتكون الطياره تمشي بسرعه كبيره وبعدين تخف تدريجيا لحد ما توقف ....

والحمدلله على السلامه ....:) مادري التفاصيل زينه ولا بغيتي تفاصيل اكثر؟؟؟؟؟؟