@ Angel @ :

ليش العملية سوي تخفيف ورياضة هذا هو العلاج الطبيعي والأأمن لنزول الوزن 1- أول شي حطي لج هدف واقعي يعني مثلاً في الشهر تنزلين 4 أو5 كيلو (يعني في السنة بين 48 و 60 كيلو) ترا حطي في بالج إن أفضل شي النزول البطئ عشان ما يترهل الجسم وعشان ما يرجع بسرعة لأن النزول السريع معناها إن أغلب اللي نزلتيه ماي مب دهون 2- لا تسوين ريجيم لكن عدلي نظام أكلج إذا تاكلين حلويات يومياً خليها ثلاث مرات بالأسبوع وبعدين خليها مرة كمية الرز اللي تاكلينها على الغدا خففيها واكلي سلطة كلي فواكه وخضرا قبل أي وجبة كلي مكسرات نيئة لأنها مفيييدة وخاصة اللوز بس طبعاً كمية محدودة قسمي وجباتج إلى 5 أو 6 وجبات صغيرة >> هذا نظامي صرت ما أجوع وايد 3- الرياضة ثم الرياضة مو بس تشد الجسم وتمنعه من الترهل العضلات راح تكون عامل مساعد لحرق الدهون لأنها تستهلك طاقة وإذا استهلكت طاقة الجسم يحرق أكثر هذا غير إنها تقسم الجسم وتنحته سوي لج جدول رياضي على الأقل 3 مرات في الأسبوع 4- نصيحة سجلي كل شي تاكلينه وبآخر كل أسبوع وزني وشوفي وزنج إذا شفتي إن الوزن زاد راجعي أكلج اللي أكلتيه خلال الأسبوع وحذفي منه أو خففي منه بعض الأكلات وشوفي الأسبوع الثاني شنو يصير 5- شربي ماي واااايد لترين أو على الأقل لتر ونص ما يحتاج أتكلم عن فوايده 6- ممكن مرة في الأسبوع يكون عندج وجبة مفتوحة>> انتبهي وجبة مب يوم كامل يعني أنا مثلاً يوم الجمعة آكل حلويات بعد الغدا هذي الوجبة المفتوحة عندي 7- اهتمي بقياساتج أكثر من الوزن خصوصاً إذا سويتي رياضة راح تنبني العضلات واحتمال يزيد الوزن لكن المقاسات بتلاحظين تغير ملحوظ فيها هذا غير إن القياسات ما تسبب إحباط مثل الوزن

ليش العملية سوي تخفيف ورياضة هذا هو العلاج الطبيعي والأأمن لنزول الوزن 1- أول شي حطي لج هدف...