ادعولي انا محتاجه دعائكم .... الرجاء من الجميع الدخول

السلام عليكم ورحمة الله وبركاتة
شخباركم اخواتي اتمنى تقرون قصتي وتقولون ايش اسوي علشان اشغل نفسي بااشياء مفيده ومااهتم بكلام اللي حولي وتدعون لي ان الله يرزقني اللي في بالي ويقرب بينا ويكون من نصيبي ويبعد عني كل شر0
انا مو متزوجه عمري 20 وشوي الحمدلله اخلاق ومال واهلي معروفين بالطيب والكرم والحمدلله انا بيضاء وحلويه لكن النصيب ماجاء مشكلتي هي اللي حولي يعني المجتمع انا ابد ماانخطبت ولا احد خطبني وانا كنت مو حاطه هذا الشي في بالي لان عمري مو كبير وانا منشغله بدراستي ومشغله وقتي وانا احب الخروج واشغل وقت فراغي الحمدلله بما هو مفيد دائما اللي حولي يسالون امي عني ها ماانخطبت محد جاء يدورها ومن هذا الكلام الصراحه احس بكائبه من هذا الموضوع حتى مره كنت امزح مع بنت خالتي كنا نتكلم عن الزواج قلت انا انخطبت قالت انتي مستحيل انتي كذابه الصراحه نار غليت في قلبي ليش تقول مستحيل واحس كلهم مستحقريني ماادري ليش رغم اني ماعمري ضايقت احد فيهم ابدا دائما اراعي شعور غيري 000 واحبهم وادافع عنهم اذا احد تكلم عليهم كانهم اخواتي
واللي خلاني افكر بموضوع الزواج اكثر ان اختي اللي اصغر مني جاو ناس بيخطبونها انا قلت لهم عادي خليها تتزوج علشان ماابين لااحد اني ابي الزواج واحسسهم اني مو مهتمه وانا نار تغلي وحسيت فعلا ان محد يبيني وابكي لفترة طويله بعيد عن اهلي علشان مايشوفوني بس الصراحه ابيها تتزوج بس مو قبلي كلام الناس مايرحم حتى لو مافيني عيب يحطون فيني العيب بس امي رفضت وقالت لا ماازوج الصغيرة قبل الكبيرة واصلا مافي احد يزوج الصغيرة قبل الكبيرة الا نادرا وعايلتنا مافي احد يسوون عنده كذا 0
واختي الكبيرة اذا سمعت احد تزوج ولا شي تقول قدامي الدنيا حظوظ طيب انا ايش ذنبي من الموضوع كله هذا بيد الله سبحانه وتعالى 0
والحين بس افكر في الزواج ونفسيتي زفت وكل ماسمعت ان احد انخطب اقول انا ايش اللي ناقصني واتضايق حتى مستواي الدراسي انخفض حتى ابوي الله يهديه دائما يقولي اختك مرغوبه اكثر منك ولانها مزيونه رغم مافي شي يعيبني بس ابوي كذا يرمي الكلام مايدري لانه كبير بالسن ماعلي من كلامه 0
ياريت اتزوج او يجيني اي احد يخطبني علشان يسكتون ويفكوني ...
وفي اشياء كثيرة يسونها لي مااقول غير الله يهديهم ويفكني من السنتهم ...
تكفووووووون ادعولي ان الله يرزقني الزوج الصالح عاجلا غير اجل اللي يرضى فيني وارضى فيه ..
انا دائما ادعي ولله الحمد ان الله يرزقني الزوج الصالح ...
انا في انتظاركم 0