بصراحه انا استحي خاصه اذا العشى بوفيه
اما اذا مفطحه اكل عاد\ي

السلام عليكم ورحمه الله :اشكرك ياراعيه الموضوع حطيتي ايدك على الجرح برمضان اللي فات ابوي عازم عيال عمتي وحريمهم


تصدقين ماياكلن شي على انهن صايمات حتى القهوه غصب يشربنه الصراحه ضاق صدري على وقفتي بالمطبخ من الضهر الى

المغرب لكن الرجال مشاء الله عليهم فله قهوه وشاهي وسوالف وناسه الصراحه تضايقت حسبت طبخي ما اعجبهم لكن عقبه

خلاص ماعزم احد الي يجي الله يحيه ولا يروح الله يساعده..

يا حلوك بس انا اعرف ناس
ياكلون قبل لا يروحون العزيمه
عشان ما ياكلون فيها

و الله انا شفت الاثنين
ناس اتيكيت ما تاكل الا حبتين
و شفت الناس البسيطه الي عادي
اكلها بس صدقو بشغله با الزواجات
لاحظتها يا كثر اللي ممليه صحنها ع
غير سنع يعني تشوفينها لما تخلص ملياان
و با الاخير ع الزباله و الله حرام :(

انا عن نفسي اذا العزيمه ببيتنا ما اكل
بس اذا برا اكل بحدود يعني

يعطيك العافيه ع الموضوع قلبي

انا عن نفسي ما آكل لأن العشا يكون متأخر و برجع انام وانا معدتي تعبانه والحمدلله الكل عارف هالشي انو معدتي مرررررره تعبانه
فآكل شوي بس و لو فيه كيك بالشوكلا هو اللي استفرد فيه وما احس بحيا لأن أغلب الناس اللي اروح لهم مره يمونوا عليا

انا اذا كنت عند ناس غرب مثل اقارب حمولتي البعيدين
ما اكل صراحة مو عشان شي بس ما اشتهي ابدا
خصوصا لو العزيمة كبيرة مرة ومليانة حريم

وحتى بالزواجات ما اشتهي ابدا لاني احب ارقص
وبس بالزواجات وعموما طبعي كذا ما اكل
اما عند اقاربي لا والله اكل واغرف في صحني على حسب حاجتي
ما اكثر ولا اقلل