و الله شوفي خلينا نقول الحق إنه كثير من الحريم طق عقلهم و تقليد لي اللبنانيات ياخدولك في الصحون شي ما يسوا على أساس إنه دلع و إتكيت و ما أدي إيش طيب الحرمه اللي صرفت فلوسها على الأكل فين توديه ترميه مثلا
يمكن في ناس عندها عذر على قولهم ما تشتهي بس برضه أقله خودي شي بسيط شوية رز أومكرونه المهم أي شي تجبري فيه الحرمه
عموما إحنا الحمدلله ما عندنا الحركه دي الحمدلله ياكلو الناس لين يشبعو و يفيض بس المهم إنهم أكلو
و أنا في أي مكان فرح و إلا عزومه أخد على حسب جوعي ما أستحي و لا شي

الاتيكيت يعني انك تضيعي تعب صاحبةالبيت وماتاخذي شي من الي طبختووه

عييييييب وربي احيان كثيره مو مشتهيه لان ع الغالب نكون حلينا وكذا بس اغصب نفسي اكل تقدير لتعبهاا ووقفتها بلمطبخ

مدري لو جاتني وحده كذا بحقد عليها ههههع متعبه عمري ليش اجل

سبحان الله وبحمده سبحان الله العظيم ’’’’’’’’’’’’’’’’’’’’’’’’’

سبحان الله حتى صحون العالم راقبتوها

من باب اولى راعيه العزيمة ما تتكلف
مو نغصب البنات يملون بطونهم
علشان فلانه تثبت ان سفرتها اجمل سفرة
وانها حطت ميه صنف ومية نوع

بعدين فيه ناس عندهم سكر
عندهم ضغط عندهم مراره
عندهم قولون عندهم مشاكل بالمعدة او الكبد
فيه ناس تتضايق من اكل الليل ( يعني لازم كل وحده تطبع برنت كامل عن حالتها الصحيه وتقدمه لكم علشان تعذذرونها )
حتى الي بتسوي رجيم من حقها
انتي تقولين جت على اليوم تسوي رجيم
يمكن البنت تطلع الاربعاء والخميس والجمعة
ولو كل يوم بتاكل مليون بالميه ماراح تنحف

شغله ثانيه
ترا من السنة ان الواحد ما يكثر اكل
قال عليه الصلاة والسلام:"ما ملأ آدمي وعاء شرا من بطنه، بحسب ابن آدم لقيمات يقمن صلبه فإن لم يفعل فثلث لطعامه وثلث لشرابه وثلث لنفسه"

انا من الناس الي بالعزايم ما احط الا كمية قليلة
لاني اتضايق اذا قمت من السفرة وصحني مليان واضطر اكمله واتغصب عليه
احط كميه قليله ان شبعت او رجعت حطيت لي
احسن من ما اعبي الصحن واقوم واخليه
والله والله والله ان الي تحط كميه بسيطة وتاكلها وتقوم
اهون من الي تعبي صحنها وتقوم والصحن مليان
ويجون بعدها الصبابات والخدامات يدورون بصحون الحريم عن قطعة لحمة او كباب

وبعض الحريم اذا جت عندها عزيمة
حطت مع القهوة مية نوع حلا وشوكلاته مكشوف وشوكلاته مغلف وتمريات
ومع الشاهي مكسرات ومعجنات ومقليات
وبعدها تدخلهم عالعشاء
معليش يعني ترا المعدة لها حجم وقدرة استيعاب
مو اكياس مشقوقة ندخل من هنا ويطلع من هنا

كل شي توقعت تعلقون عليه الا صحون الناس !!!!!

انا اذا سويت عزومه اتمنى ان الصحون ترجع للمطبخ فاضيه بس كل وحده حره انا ماقدمت الاكل الاعشان الناس تاكل مو تناظر فيه بنفس الوقت استحى اكل عند الناس مدري ويش يجيني بس مااقدر اكل احس اللقمه ماتنزل حلقي