اذا بتسافرين العمره شنو الاشياء اللي لازم تاخينها معاج في الجنطه

ليش ما رديتو علي الله يسامحكم بس

الله يسهل عليكم واهم شي تاخي كيس مريح او نفس شنط الاطفال
اللي يحطوها وراء ظهورهم بس قماشتها خفيفه حتى تحطوا فيها الله يكرمك الجزم
وحطي بالشنطه مقص وشابورة وخفايف
تقريبا بس هاذي
ولاتنسيني من دعائك ان ربي يوفقني ويرزقني من حيث لااحتسب

رفع لعيونك

اسومه , محبوبة رنوده الله يرزقكم من حيث لا تحسبون على اجابتكم لي بس انا اشوف الناس يا خذن جناط ابي اعرف شنو يكون فيها من مستلزمات الرحله لبيت الله الحرام
الله يسامح البنات اللي دشت وما ردت علي ليش جذي اول مره اكتب بالمنتدى موضوع وابي مساعدتكم
ياريت كل وحده راحت تقول وش خذت معها بالجنطه عشان تفيدون وحده عليميع مثلي

اختي الس اولا تقبل الله عمرتكم وترجعون ان شاءالله سالمين غانمين .....1/اولا خذي بنطلون قطن للعمره عشان مايصير احتكاك 2/جزمه وانتي بكرامه مريحه ولاتكون غاليه .......لانه احتمال تروح 3/مقص وشنطه صغيره تتعلق على الكتف من داخل العبايه لانه تعرفين المتسولين يشدون حيلهم مع المعتمرين والنشل يكثر مقص اظافر وخذي عبايتين لانها تتوصخ بسرعه العبايه وقمصان قطنيه مريحه وكتاب مناسك العمره فيه ادعيه وتعليمات مفيد جداوفوط استحمام احتياط وبنادول وكريم للجسم وفيكس للضروره لاقدر الله هذا اللي ذكرته وسامحيني ياقلبي اذا نسيت شي واي شي تبينه اطلبي من عيوني الله يحفظك ويتقبل منك