اذا توهقتي بمستحضرات التجميل ايش تسوين ؟؟ لا ترمين شي بس تعالي هنا

طبعا شي طبيعي نشتري او يجينا عينات و ونتوهق فيها و يع بقوه

انا سويت كم شغله و نجحت و تقدرين انتي بعد تسوينها


نجي للأساس:

كان عندي اساس كيكي مو اجبني لونه
بالغلط اخذته غامق شويه

و قوامه بعد مو تمام

و كان عندي بلاشر ليلكي فاااااااااااااااااااااااااااااااااتح كريمي و بلمعه فضيه

جبتهم و حطيتهم بعلبه بلاستيكيه و حطيت معهم بودره لوز من ماك جاتني عينه
وفيها لمممممممعه
عرفتوها اكيد


خلطتهم بحمام مائي و طلع لي اساس ساتاني بلمعه تجنن

بس احط فوقه بودرة غيرلان الكرات و خلاص

ما يحتاج احط شي ثاني للماكياجات المدهره اللي يبيلها لمعات و خرابيط




بودرة الاساس المضغوطه: ما سويتها بس عجبتني

صديقتي انكسرت عندها بودرتها
اخذتها و طحنتها سوتها بودر
كسرت معها ظلال ذهبيه وفضيه و وورديه و مشمشيه و خضرا كلها بلممممممممممعه

و كسرت معاها كرات بودرة غيرلان ((من البودرات المهمه بالنسبه لنا))

و صارت بودرة اساس بلمعه خفيفه بس تجنن

حلوه لو ما تبحطين اساس سائل تحتها او تبين تسوين هايلايتر بودره



الروج:

عندي جرايم فيييييه هالمسكين

جبت اصبع لابيلو + روج احمر مو عاجبني + روج بيج على مشمشي جايني دعايه
حطيتهم بعلبه بلاستيك صغيييييييره ((جبتها من ماك بس نفس حجم علب المربى السعنونه))

كسرتهم و حطيتهم
و حطيت العلبه بحمام مائي
كلهم ذابوا و تجانسوا و صاروا روج واحد لونه احمر طوبي يجنن وقوامه شمعي حلو للنهار ولو حطيتي غلوس يطلع لليل
و ما يروح بسرعه


عندي بعد روج بني غاااااااااااامق يقرف اخذت نصه
كسرت معاه اصبع روج ابيض من بودي شوب و اصبع روج بنفسجي ليلكي فااااااااااااااااتح شااااحب من نيفيا مو حلو علي بعد

و بحمام مائي
طلع اللون بيج على ليلكي حلو


و برضو ذوبت روج كريمي لونه بنفسجي غامق و بلمعه ساتانيه
مع اصبع لابيلو عشان القوام و مع روج وردي ثلجي فاتح مررررررررررره من بودي شوب اشتريته مخصوص للخلط))
صار لونه احلى بكثير
بنفسجي فاتح مع اني ما احب الروج البنفسجي بس هذا تقبلته




الشادو:
جرايمي فيه اقل لاني غالبا اكسر الالوان اللي ما تعجبني مع بودرة الوجه و الغامق استخدمه ككحل


جبت شادو مكسور عندي لونه بني فاتتح بلمعه ذهبيه قويه و كسرت معاه زيتي بلمعه ذهبيه يجنن و قليل مشمشي بلمعه بعد
و خلطتهم و حطيت عليهم كحول سائل و رتبته بعلبه صغيره ((عينات ماك جعل ربي ما يخليني منه))
خليته 24 ساعه ينشف

طلع اللون يسطل

مره سويتها بلون بنفسجي باهت ليلكي و ما يبين لما احطه من ميك اب فور ايفر
خلطته مع نتفة سماوي بلمعه و تقريبا نص فضي بلمعه ((فضي ما فيه ولا ظل رمادي يعني لما تحطينه تشوفين لمعه فضيه و ما تشوفين لون رمادي كلش))

المهم صار اللون لمعه فضيه بنغمات بنفسجيه مزرقه

مع العدسات الزرقا طلع يخقق




شريت بعد من ميكب فور ايفر فوشي توتي ما عجبني و يطلع ملطخ بالخدود
خلطت معاه نتفة ازرق سماوي و نتفة بنفسجي و حكه انتف من النتفه بني و صار لونه خمري واو
مجرد كسرت حدته و هدأت لونه القوي





البلاشرات ولا مره كسرتها لان الوان البلاشر متوفره اكثر من الشادو
يعني يكون في لون شادو تبينه بس ما يتوفر ولا احد يفهم طلبك

بس البلاشر لا
سهل مره تحصلينه



اتمنى تستفيدون ولا ترمون مكياجكم بل تحولونه لشي تحبونه

اهم شي الابداع و الابتكاااار بدون تخبيص


ملاحظه : لازم يكون عندك المام بالمزج اللوني و الحمامات المائيه و مزج الظلال بالكحول