اذا زعلتي من زوجك كيف تعبري عن زعلك؟

الصراحة اكتب لكم هالموضوع وانا منا داريه ويش اكتب اولا اللي صار بيني وبين زوجي ماللي خلق احكي عنه ولا اوضح المشكله لان يبيلها روقان في الكتابه مابغي اكتب واشكي وانا نفسيتي تعبانه حتى ما أتعدى حدود الموضوع عارفين لما الوحدة تزعل من زوجها تجيب الاول والتالي ان شاء الله لاهديت وارتحت باكتب موضوع ثاني مستقل عن مشكلتي وعارفه انكم ماحتقصروابس سؤالي لكل متزوجه خل اشوف وحدة ماتدخل ياويلكم "معصبة"
لو صار بينك وبين زوجك خلاف وحسيتي ان زوجك باااااااالغ كثيير في ردة فعله وجرحك واهانك وحاولتي تلمي الموضوع وهو مصمم على الاهانه والتجريح الى ان تجاوز حدوده اساء الادب واهانك قدام الناس في مكان عام ...كيف تتصرفي..
بصراحة انا من وقتها الى الان ملتزمة الصممممتتتتتتت ماب اتكلم معاه ابددددددددددا لي يومين وماقدر اروح بيت اهلي لظروف خاصة عندهم ومابي اظهر لاهل زوجي ان بينا خلاف ماحب هالاسلوب
وهو اصلا من النوع اللي مايفكر فيني كثير اهم شي العيال يعني لاصحت او بكيت او رحت بيت اهلي زعلانه مايتاثر ابدددد اهم شي الاولاد عنده .......وعلى فكره هو حس بغلطته بعدها وحاول يراضيني بكلمتين بس والله العظيم والله العظيم اني مانا قادرة اتكلم معاه او اناظر في وجهه ابددددددددا يعني جرحي منه اكبر من الكلمتين اللي قالها
كاني طولتها
الحين سؤالي لو زعلانه من زوجك زعل جامد مو المشاكل اليومية لا زعل من القلبببببببببببببب يعني حسيتي نفسك مجروحة جددددددا كيف تتصرفي مع زوجك؟؟
مع حبي وتقديري للجميع