ينفع البر في المعجنات اذا كنتي انتي متقبلته
اعرف ناس مايستخدموا الا البر في كل شي بس والله افتكر معجناتهم ماشاءالله طعمة حتى الخميرة مايستخدموا الفورية يقولوا مضرة
يستخدموا خميرة نوع معين تتخمر من الليل ويحطوا شوفان مع العجينة وحبة سوداء ويانسون
بس يسووها رقيقه مره ويدخلوها الفرن او يقلوها زي البف وشكلها حلو
واحيانا بدون خميرة يستخدموها بس اهم شي تكون رقيقه
اما العجينة للاسف مااعرفها بالزبط
بس سألت زمان البنت تقول بالنظر ويحطو بس دقيق وزيت وملح خشن قليل ويستخدموا سكر يجي في علبه من محلات الاكل العضوي او السكر حق مرضى السكر
وموية بالنظر
واذا احتاجوا خميرة يذوبوها في موية حارة اظن ويحطوها مع المويه وقت العجن
هذا اللي افتكروا
اما اذا بتستخدمي مواد غذائية عادية زي الحليب البودرة والخميرة الفورية اللي طبعا كلها مضرة بالصحة
فحطي معاها ملعقة حلى باكنج باودر او ملعقة شاي بيكربونات الصوديوم هذي سر المعجنات عشان تطلع طرية
وبالعافية

صح يمكن مافي فرق في السعرات
لكن البر مفيد والابيض مضر
زي السكر الابيض والبني كلها مضرة البني بدبس الرمان او بقشرة خارجية او مكرر مره او مرتين اما الابيض مكرر كثير