اذا في طفل يسرق كيف تتصرفون

السلام عليكم

شخباركم امهات بنوتات ,,

بدخل لكم بالموضوع

ولد عمة ولدي صاير يجي عندنا هالفتره كثير وولدي يفقد اشياء كثيره

انا صراحه ماكنت ادقق واقوله دورها هنا ولا هنا ولا بعدين ادورها لك

صحيح هي اشياء تافهه واقدر اعوضه بس مابي ينكسر خاطر ولدي او يحسني ما ادافع واخذ حقه او اسكت

ويعجبه السلوك ويسويه

ولدي جاني يقولي ماما شفت لعبتي الرجلات >> الالعاب المجسمات زي سوبر مان وزي كذا عند فلان اقوله يمكن شرى زيها واحسنت الظن قلت له اشتري لك غيرها

يمكن اخوك ضيعها ولا مختفيه مع الالعاب

جى مره ثانيه فقد سيارات صغار حديد ثقيله صراحه اختي شاريتهم من برا عليهم علامات دول يعني انا ماقد شفت زيهم عندنا لسا

فقد ثنتين حمراء وزرقاء قالي ماما ماشفتهم وجلسنا ندور بالالعاب ورتبنا ماشفناهم

فجئه رحنا بيت اهل زوجي وجاب لي ولدي قالي ماما شوفيهم لقيتهم عند مهند انا صار وجهي علامات تعجب خاصه نفس الالوان اللي فقدهم وثانيا مش متوفرين عندنا سكت

قلت له رجعهم حقينه

اخر مره شاحنه الايباد انسرق فجئه وهالاشياء ماتختفي الا بعد مايجي ولد حماتي قلت له تستاهل انت ماترجع اغراضك وهزئت ولدي لان تونا شارينا له

بعد اسبوع هو راح مع ابوه يقولي ماما شفت شاحني قلت لمهند باخذه حقي قالي انا شريت زيه

يقولي اعرف حقي يماما يطلع لمبه وفيه فيش اصفر ومره صلصال ومره دفتر فيه ملصقات

المهم انا قلت لابوه انو ولد اختك يده خفيفه وكم مره يجي ياخذ شي

صحيح اشياء بسيطه بس مابي ولدي يتعلم هالسلوك ولا مابيه يجي عندنا دايم اذا قالو بيجيبونه قلهم طالعين ولا انا بجي وبجيب ولدي معي

المهم كله مني وكلمه من زوجي اثر ولدي جالس قريب ويسمع وانا ما انتبهت جى ويعدد لابوه وش فقد ويقوله هو سرقهم هو حرامي بيروح النار

قالي زوجي فكيني انتي وولدك عن الهذره ههههههههه>انقهرت

انا مفكره جديا ي اكلم الولد ي امه بس مو عارفه كيف

هل اصارحها باللي بولدها ولا اجيبها بطريقه ثانيه انو ولدي فاقد شاحنه هذا اللشي الجديد المختفي انو اسالها يمكن خذه مع اغراضه بسالها انتي شاحن ولدك اي لون بشوف نفس حق ولدي اولا ع الاقل تتنبه لولدها هذا سلوك سيي ويمكن يتمادى

بس حماتي عقلها بزر يعني بتقول حاطين ع ولدي ماتبونه مو جايبته بس لاتقولون يسرق وهي علاقتها مع زوجها بارده مدري يمكن اثر ع الطفل ع العلم مقتدرين ماديا وحتى خواله مايقصرون عليه

انا فعلا احس الولد محتاج توجيهه ولازم يعرف انه غلط ووللدي مابي يتعلم سلوك بكره بعد ياخذ شي من الروضه ويجيبه لي ولا ياخذ شي من مكان عام


وهل انا فعلا مكبره الموضوع او عادي الطفل يسوي هالاشياء فتره من عمره

او يقلد

هو اكبر عيالي وما اعرف صراحه جديده بالتربيه