خلونا الحين أبدا الفلسفة الخاصة بي :....
كلكن تعرفن ان كل رجل فيه نقطة ضعف ، أو حاجة تميزه عن غيره ممكن الحرمة السنعة تستغل هالحاجه لصالحها ، بتقولن لي وش لون ؟ بقول لكن مالها لون خخخخخخخخ أمزح معكن لا تكفخوني ،، زي ما قلت في البداية كل رجل له حاجة تميزه عن غيره ،، و انا و أعوذ من كلمة أنا بحاول ان أوضح لكن هذه الحاجات و وشلون تقدرون تستغلونها ..
بسم الله نبدأ:
1 ـ اذا كان زوجك من النوع الا ( الطريق الى قلب الرجل معدته ) فتحزمي حبيبتي و شدي حيلك في الطبخات و الاطباق الزينة و دايما نوعي له في الغداء و العشاء و حتى الفطور ،، و ان كان ما يفطر انت عوديه بأطباقك الحلوة ....
يعني حركاتك و خططك الرومنسية أدخل فيه أطباق خفيفة و عصائر جديدة ...
اذا بغيت تطلبين شيء سوي له طبخة حلوة و جديدة و تفنني في تزيين السفرة و لا تنسين الوردة على الطاولة... و بعدين و هو يأكل أطلب ما تشتهين ،، بس مهوب بدفاشة علشان يرميك بالحن الي قدامه خلي معه شوية دلع و حركات ناعمة بعيونك و يدينك راح يقولك شبيك لبيك أطلبي ما تريدين ،،
غيري في الأطباق و أدوات السفرة من فترة لفترة ....
بس عاد انتبهي لا تتفخين الرجل خخخخخخخخخخخخ
2ـ اذا كان زوجك من النوع الا يتعب كثير في دوامه فما عليك الا ان توفري له دائما سبل الراحة قبل وصوله للبيت ، يعني تبعدي عنه العيال و تهديهم اذا بغى ينام ..
و خلي حركاتك و رومانسياتك تعتمد على:
جلسات المساج مع تحضير جو هادي و اضاءة خفيفة و طبعا عدة المساج الكاملة من زيوت و كريمات و فوط ،، و لا تنسي الشموع و الريحة الحلوة..
الحمامات و الاجواء الحلوة فيها من شموع و رغوة و ريحة حلوة وممكن تشاركيه فيه بان تفركين له جسمه بالليفة ،، و لا تنسي حمام الاعشاب مرة روووعة يزيل كل التعب و يشعره بالراحة ...
قبل ما ينام العصر تكوني محضرة له كاس عصير بارد ، تخلينه يشربه قبل ما ينام ثم تبوسينه على جبهته و تقولين له نوم العافية حبيبي أحلم فيني ( و الا بلاش أخاف تجيه كوابييس و يقول كله منك ) و تسكرين النور و تسكرين عليه الباب ،، و اذا كان الجو حار تشغلي له المكيف قبل ما يرجع بنصف ساعة علشان تبرد الغرفة له...
بس انتبهي لا يتعود على الكسل و النوم الكثير ....
الحين بوقف لاني تعبت ،، و بكمل لكن بعدين ...
بنيات لا تزعلون اذا طولت عليكن ،، لاني هالايام مسايرة على قسم الطبخ ،، حمدلله ماادري وش فيني بس أجمع في هالطبخات لا و صايره طباخة سنعة و قاعده أنزل طبخات ( بس لا تعتقدون ان حلالي من النوع الاول خخخخخخخ ) لا و الله بس انا من نفسي تجيني خمات أطلع من المنتدى فترة و ادوج في هالاقسام....
اذا بغيتون في شيء ضروري أو مستعجل فاانا قريبة في قسم الطبخ ،، لا تستحون سيروا علي الظاهر اني بصير دبه خخخخخخخخخخ...
المهم يتبع....
كيف حالك وشلونك يالله حيها -------------------ماعليش طولتها لاتواخذيني ياوخيتي والله اني فرحت لما شفت موضوعك.....
والله انا زوجي لها الحين فيه كل اللي قلتيه يالله كملي يمكن الاخ مجمع كل نقاط الضعف اللي فالدنيا بقعد لين تخلصين عشان اسوي كل شي مع بعض واطلب كل اللي ابي مره وحده --------------- الاخت عجازه ..
وعلى فكره اشوف منتدى الطبخ منور باروح اشوف وصفاتك اكيد بتطلع روووعه 0