اذا كان عندكم عزيمه وش تسوين عزيزتي البنت

اذا كان عندكم عزيمه وش تسوين عزيزتي البنت...(كيف تجي هذي)
السلام عليكم

اليوم ودي نتكلم عن العزايم بما ان العيد قرب
وكثرت النشبات على عزايم الغدا والعشا وانتي ودك تنامين ولا لك خاطر بالروحه


اول ماتسمعين ان خالتك حصه ولاموضي ناويه تلعب باعصابك زي كل سنه وتسوي العزيمه الغدا باول يوم
افعلي كالاتي

لاتزعلين ولاتسوين شي
بس روحي لم الكبت واختاري اشين لبس عندك وروحي وريه امك
اذا هاوشتك وقالتلك روحي غيريه بسرعه والبسي لبس العيد
قولي
لاترى بيتهم اليوم زحمه وغثا وبيتوسخ الطقم

هي طبعا بتصرخ بوجهك وتامرك انك تغيرينه بسرعه عشان مافي وقت والوالد يغرد على بوري السياره

والعقال الجديد يلمع على راسه يبي بس تحريش

لاتخافين ولايهمك

خلك على موقفك رايحه راده من طقم مو حلو لطقم العن منه لين تياس منك ويروحون

ثاني شي

اذا كانت العزيمه عندكم

وانتي طبعا تبين تسولفين وماتبين تسوين لا شاهي ولاقهوه
ولاتهون تقطيع السلطات

افعلي كالاتي

بنفس اليوم اجرحي صبعك ولااربطي مكانه بس بدون ماتجرحينه ولفي عليه لفه ياكبرها

طبعا هم بيقرفون

يااااي


واقعدي وترززي وكملي السوالف


ثالثا
اذا ودكم تطلعون بنفس اليوم ومتعشمه بتمشيه زينه
وباخر لحظه غيرو رايهم وبيروحون لمكان موحلو

افعلي كالاتي

سوي نفسك انك خلاص مالك نفس بشي واللي يبونه يسوونه

واهم شي ان اخوانك يستانسون والدنيا فانيه

مررررررررره خلي شكلك يقطع القلب


فجاه بتلاقين نفسك بالمكان اللي انتي تبينه
بس موتفشلينا وتقومين تستانسين

خلي عمرك ثقيله واضحكي من تحت الطرحه



وانا غير مسؤؤله عن اي اصابات تراها كلها من راسي

وكل عام وانت بخير