اذا كان في بالك هدف معين تبين توصلين له ..... لكن

علاج السمنة والنحافة

اهلين يابنات
أولا جعل من ردت على موضوعي ماتجي عطلة الصيف الا وهي واصله للوزن المثالي
شلوووونكم وشلون الريجيم معاكم
موضعي اذا كنتي في بالك وزن ولنفترض وزنك 90 مثلي طبعا
وودك تنزلين لحد الـ 60 ومع الريجيم والشهوووور وصلتي بفضل الله لـ 70
وقالولك كل اهلك خلاااااص جسمك حلو وقفي لالالالالا تنحفين اكثر وخاصتا امك
لان امي اذا شافتني مسويه ريجيم تخاف علي وتطلبني اكل والا بتزعل :(
لاتقولون اني ودي اكل بس مدري كيف اجيب عذر والله اني صادقه
انا ماحب امي تتضايق مني اكتئب لو زعلت علي وغير كذا انا دايم اروح لها علشان ماخليها بروحها اونسها شوي
هذي التجربه مرت علي في مرحله من حياتي كان اللي وصلتله انجاااز ما انساه
اخذ مني شهووور تعب وحرمان لحد ماوصلته كان وزني بالثمانين,, وأنا كان هدفي الـ 60 لأن طولي 159
ولما سمعتهم كل ماروح مكان قالو نحفتي خلاص حلو حلو ,, اروح ابـــــلع واخبص
لحد مارجع وزني وزياده عليه ليين وصلت الـ90
والحين ماودي اقولكم مدى حزني على الكيلوات اللي رجعتهم لكن الله كريم
ابيكم تقولولي كيف اتصرف مع كلامهم وماخليه يأثر علي ويهبط من عزيمتي
10
964

يلزم عليك تسجيل الدخول أولًا لكتابة تعليق.

تسجيل دخول

ريانة قطر
ريانة قطر
اختي اغصان
انا مثل حالتج رجعت اكثر من 20 كيلو خلال سنة وحده بس
انا اللي سويتة كلمت اهلي وخطيبي وقلت لهم دووووم شجعوني دوووم امدحوني دوووم ارفعو معنوياتي واللي ما يسوي اللي قلت له عليه يا ويلة ههههههههههههه . شي ثاني دوووم اذكر نفسي بالنجاح اللي حققته وشقد متشوقه ارجع مثل قبل
الله يوفقنا ويصبرنا ياااااااارب وننحف كلنا حوائيات المنتدى ياااااااااااااااااااااااارب
روان_22
روان_22
سيري على الدرب والله ينولك الي في بالك
@نسمة فجر@
@نسمة فجر@
انا اقول الناس البعيدين لايهمونك بالعكس اصري على موقفك وقولي انا عندي هدف ولازم اوصله وهو يكون وزني مثالي لا اقل ولا اكثر ..اما امك وهي اهم شي اذا شفتيها ملزمه عليك بالاكل حاولي تاكلين اكل صحي سلطه او فاكهه او خضار وقولي لها ان هذا افضل لك من الدهون والسكريات الي تسبب امراض وحاولي انتي تشجعينها على الاكل الصحي ولو كنتي انتي الي تطبخين خلي اكلك صحي افضل لك ولها وحاولي برضو انك تمشي انتي وياها منها تسليه ومنها رياضه .. والله يوفقك
رموسه11
رموسه11
حبيبتي اولا الله يوفقك وينولك اللي تبينه على طلبك لرضا امك ورضا الله من رضا الوالدين الله يرضيهم عنا دنيا واخره ويووفقنا واياهم ويحفظهم ويديمهم فوق روسنا يالله ياكريم

شوفي بالنسبه للعالم الثانيه قولي لهم مابي ابطل رجيم وسهله تقدري تتمي رايك عليهم بس امك
خبريها انك تعرفين مصلحتك وانه بكلامها لك هذا رح تزيدك تعب ومأساه لانها بتضيع عليك اللي سويتيه بشهور وبعدين راح تعيدين هالتعب مرره ثانيه يعني بدل الالم ألمين وهي رح تقدر ان شاء الله اما اذا كانت كبيره وطبعا الكبار فيهم تتميمة راي شووي
كولي معها الاكل العادي يعني الوجبات مثلا بكميات اقل موو شرط تحرمي عمرك قللي جدا من الاكل بهالحاله لانك مظطره والله رح يستجيب دعواتك انك تنحفين لانك باره بامك وتطلبين رضاها
اما اذا كان شوكليت او حلا او مقليات شي قوي يعني
اعتذري منها وفهميها قولي انك ماتشتهينه مو شرط تقولين لها عشانك مسويه ريجيم لا قولي لها ماتشتهيينه وبعد انا فهمت من كلامك انك متزوجه الله يوفقك ويسعدك يعني رح يكون ريجيمك اسهل من انك ببيت اهلك باذن الله لانك انتي اللي بتطبخين على كيفك وانتي بتحضرين وجباتك واوقات الاكل

يعني شدي حيلك ماتتعلثي باهلك وتخليهم نقطة ضعف بين عيونك
حرام حراااااام تتعبي ثاني

اله ينحفك من غير شر عاجلا ياكريم يالله ويوفقك ويسعدك ويشرح صدرك وييسر امرك ويخلي والديك والمسلمين اجمعين
صمت المشاعر؟؟؟
بكل بساطه اذا وصلتي للوزن الي يقولو لك فيه انك بيرفكت
سوي حالك بطلتي ريجيم وفعلا بطلي بس خففي اكل واتركي العشاء وتنقي اكلك
او امشي ع النقاط
منها تاكلين حتى الوجبات بس بحسااااااااااااااااب