قصص حلووووووه مره

باقولكم قصة مدرسه بنت خالي

بنت خالي كان تحب مدرسه تدرسها مرررررررررررررره طبعا حب واعجاب
وفي حفل التوديع لطالبات3 ثانوي وبماانها مدرسه اهليه عزمتني
ورحت وشفت هالمدرسه المعجبه فيها
وماعجبتني مره بس حسيت انها طيبه
الموهم هالمدرسه سلمت عليها وعايلتها مثل عايله وحده من زميلاتي بالقاعه وسالتها عنها
صارت اختها

وبببببببس
وانا بالكليه كنت اسولف مع صديقتي اني رحت مدرسه بنت خالي وشفت مدرستها اللي معجبه فيها واقول لها تحيلي انها صارت اخت (........)
اللي معانا بالقاعه
قالت وش رايك فيها؟؟
استغربت سؤالها
قلت عاديه لكن شكلها اخلاق وحبيبه
بعد اسبوع بس
وهي تسولف معاي قالت خطبنا المدرسه اخت (........) لاخوي
انا طارت عيوني ماشاء الله
وباقل من اسبوعين تملكوا

والحين عندهم ماشاء الله طفل
لكن للاسف صديقتي ماعجبتهم اخلاقها
وتقول انها مره رسميه مو مثل حريم اخواني الباقين:)


.............

وقصتي اللي اعجب منها
انا كنت اكره شئ اسمه حضور عزيمه او زواج او حفله

يوووووه مره ماحب وامي بتنجن مني
تبغاني اروح انخطب الناس يشوفوني

واذا رحت ماكنت اكشخ مره
وسبحان الله كانوا اللي يخطبوني وش كثرررررررررهم
يامن صديقاتي يامن اقاربي
والظاهر معجبين ببساطتي هههههههه

لاني اكره اللي يتزينون احس انهم يبون العرس
وانا مابي العرس الى بعدين
وكل ماجاني احد ماوافق
ويكتب الله يجيني ذاك الواحد اللي مره اعجب اهلي وخاصه امي
ويلحون علي مررررررررره
وكنت موافقه بس بالغصب
وكنت دايم اقول ايام الخطبه والملكه اني ماتزوجت الا عشان امي ابغى بس ارضيها
والله يوفقني بس لها الشي

بعد العرس
اكتشفت ان السبب الكبير اللي خلا زوجي يخطبني
هو سمعة امي وان اللي عطوهم الرقم مدحوا امي
وهو حكمته( قبل ماتضمها اسال عن امها)..


الله يغفر لامي ويسكنها اعلى جناته

سبحان الله

يالله يارب ياكريم بهالوقت الفضيل ترزقني وكل البنوتات بالرجال الصالحين

وتسخــــــــــــر للمتزوجات رجالهم يارب وعيالهم وترزق الي ماعندها عيال بذريه صالحه


يالله قولوا امين علشان اجي اقولكم قصتي هههههههههههههههههه

8
8
اميييييييييييييين

up قصصكم مرة حلوة