قصص وناسة من جد

سبحان الله

والله موضوع وايد حلو --- مثلا اختي تزوجت بالصدفه لكن تجنن اول مره شافت زوجها كانت تودي ملابس للفقراء وعائله الزوج هي من تجمع التبرعات فهم معروفين بعمل الخير المهم اخوي ماكان فالبيت ولا ابوي وهي رايحه الجامعه مرت عليهم ولان الوقت كان بدري صباحا فالمسؤوليين عن هذه التبرعات ماكانو --- فأبو الشباب كان ساير الدوام وشافها وخذ منها التبرعات وسألها من بيت مين هذي قالت له اسم الوالد بس ---وسألها فلان بن مين واختي وااايد عصبيه -- ردت عليه وانتى شو لك خذهم وخلاص---
المهم راحة الايام-- في يوم اختي كانت راجعة مع الوالدة من عرس وهي تسوق وخذوا طريق مختصر و طلعت جدامهم سياره خربانه مايقدرون يمرون من الشارع الضيق المهم نزل الريال وإعتذر وطلب منهم اسلاك لشحن السياره فما كان عندهم --- فطلب من امي كونها حرمه كبيره بان يوصلوه لاقرب محطه --- فوافقة الوالد واخذوه للمحطه وسلم عليهم وراحو--- كان هو نفس الشاب إلي خذ التبرعات ---بعد اسبوع كانت اختي مخطوبه وهي تقول والله ماعرفته ابدا ولا جاعلا بالي يكون هو ---وهو استفسر من امي عن الاسم والعائله --الله يوفقها ويسعدها يارب

اما زوجي انا بعد كانت قصته حلوه ---كنت ادرس فالجامعه طب اسنان --- وفالصيف حبيت اشتغل فقدمت في شركه معروفه وكل ماكنت اسال عن المقابله يقولولي الشخص الي يسوي مقابله لهذي الوضائف مسافر المهم بعد انتظار طوير رحت وقابلته وسولي المقابله وكان جاف جدا ويقولي كلميني بالإنجليزي والحمد لله الإنجليزي عندنا فالإمارات ممتاز بشكل عام لكنه قالي شو هذا تبين تشتغلين في شركه مهم مثل شركتنا بهذي اللغه الركيكه --عصبني لكني تمالكت نفسي لأن العمل لديهم ولو في فترة الصيف إضافه كبيره لي ----وكنت يوم اتكلم يكتب خرابيط على الورق ولا يسمعني--- المهم عرف إني مابحصل الوظيفه قال لي رقمج عندنا بنكلمج --- والبنات بره فالإستقبال اشفقوا علي وقالولي لا تزعلين هو متكبر ودائما معصب--ويوم شافني اكلمهم قال لي إختي قلت لج بنكلمج لو بغيناج وانتو يابنات الإستقبال إحنا ندفع لكم علشان تشتغلون مب تسولفون والله البنات ماتو من الخوف----

بعد يومين جاني اتصال وكنت نايمه --رجعة إتصلت وإذا هو متصل فيني من جواله الخاص فالبدايه ما عرفته وبعد ماعرفني بنفسه قال إنه عندي مقابله ثانيه مع مديره لانهم قبلوني----
طرة من الفرحه --- وتزوجنى بعد 5 شهور وعلى فكره هو اطيب واحسن إنسان فالدنيا لكن فالشغل هو دائما جذي يقول الشغل شغل مب لعب--- الله يرزقه ويخليه ويسرله اموره وإحنا ولله الحمد من 6 سنوات متزوجين وعندنا ولد شيطان واحد---
الله يسعدكم يارب

الله يوفق الجميع
موضوع رااائع

ماشاء الله تجنن القصص خصوصا الجوال والمقابله
اما المقابله كأنها فلم حلو مره السيناريو وحلو تحسين انه بنفسه اختارك محد عرض عليه او انغش او اي شي ماشاء الله تبارك الله الله يهنيكم جميع

انا عندي قصة أخت صديقتي

وهم سوريين .....فيوم راحوا الحج بانت السالفه خخخخخخخ

وكان معهم فخيام الحج عايله من الكويت تعرفوا على بعض وحبوا بعض كثير وبعد الحج على طول كم مكالمه خطبوا البنت السوريه للرجال الكويتي وتزوجها وخذاها واتمنى ان شالله تكون سعيده ماشالله عليها ادب واخلاق وتربية السعوديه عشان كذا يمكن مالقوا فرق فالعادات والتقاليد او شي زي كذا وتوته توته خلصت الحدوته