انا كنت سايرة ادور على وظيفة ابوي الله يحفظه حطني في المكان وقال امتحني ولما تخلصين اتصلي واختفى .... امتحان التوظيف لازم قبل المقابلة والقبول وها الاشياء المهم الامتحان كان حلو وسهل مو امتحان ثانوية عامة ... والوالد تأخر ( ياربي حوسة وبره حررررر وشمس وين اروح ) وانا الغبية اللي ما حطيت رصيد قبل ما اطلع ... المهم ، حصلت واحد من بعيد واقف يطالع ياربي شو ها القلة أدب ... بس انا كنت بعيده اميال عنه ... لكن عينه طويلة من بعيد ... خخخخخخخخ
شو سويت ... سرت لعنده بس تغشيت الشمس ذبحتني .... قلت له من فضلك اخوي ممكن استخدم التلفون ... قال تفضلي ....اتصلت في امي وانا معصبة : ريلج وين ؟؟؟؟؟ قالت في الدوام قلت اي دوام انتي الثانية ... اتصلي فيه وقولي له اني انتظره .... ردت اتصلت قالت ابوج ما يرد ( لا حوووووووووووووووووول ) المهم شوفوا الغباء وكيف راحت علي وعلى الوالدة .... يعني كان ممكن اقولها اشتري لي بطاقة من الدكان عشان ادخلها في تلفوني واتصل على ابوي ... بس ولا خطر على بالي الموضوع .... واخوي كان يوم اجازته وقاعد في البيت يخبص ولا عنده شي ولا خطر على بالي ولا على بالها انه يمر .... وتميت انا الغبية انتظر الفرج ... وهذا الاخ ... قاعد يكلمني وجاب لي الاحباط بكلامه بعد ... انه خريجات الجامعة ما يحصلون وانه التقنية هم اكثر اللي يحصلون وانا قلت عليه العوض ومنه العوض حتى كلمة تريح بالي ما فيه .. ( هو كان موظف استقبال مؤقت)، وكنت امثل كل شوي اني اتكلم في التلفون عشان ما تكلم معاه لدرجة انه قال لي تحبين اطلع بره عشان ما اسبب لج ازعاج قلت له المكان مكان عمل والمكتب مكتبك ما اقدر اطلعك منه .... المهم شو صار اتصلت يني امي وقال حصلته الحين بيدق لج .. وابوي يدق في الخط الثاني كلمني وقال وينج قلت انتظر قال يالله دقايق وانا عندج وتأخر ربع ساعة ... قلت له بسرعة انا واقفة في الشمس وابوي يقول لي يا ماما انا اقولج انتظري داخل عن الشمس ... بالله عليكم شو اقول وهذا الريال واقف فوق راسي المهم قلت بسرعه فيه واحد موجود يقول لي كلام يحبط ... المهم بعد انتظار لابوي من تسعة ونص لحد 11 ومافي تكسيات المشكلة .. وصل واخذني ...

بعد 10 ايم قال لي اللي كان يحبطج تذكرينه قلت ايوه بلاه قال خطيج ... انا قلت هااااااااااااااااااااااه شووووووووووووووووووو ؟؟؟؟؟؟

ملاحظة : كنت بدون مكياج ابدا وقايمة من النوم ورايحة اقدم على الوظيفة على عجل .... وكانت بشرتي محروقة من الشمس وشافني بها الشكل وخطبني ( سبحاااااااااااااااان الله ) كيف لو كنت متعدلة اكيد بيقول هذي صايعة ما يخصني فيها ( ههههههههه) ولا خطر على بالي اشتري بطاقة واخوي كان موجود ( سبحان الله مقدر ومكتوب)

:)

أنا بعد حصلت لي قصه غريبه نوعا.. لكن تدل على قدرة ربي في كل شيء.. وبعد قصتي اقتنعت بقووووووووووة إن كل شيء قسمة ونصيب


لكن قبل قصتي بأقولكم قصص اللي حوالي

الأولى قصة قريبه لي.. كانت تنخطب كثير بس ترفض لعد التكافؤ بين عائلتها والخاطبين (لأن عائلتها منصبها عالي شوي)

وكان صديق خالها يبحث عن عروس لأخوه..

فقاله خال قريبتي أنا عندي بنت اخو مناسبه لكم..

وفعلا تقدم الخاطب وأهله وتم الزواااااااااج..

العبررررررررره في هالقصه هي إنها كانت تنخطب من القرايب وترفض.. وسبحان الله كتب لها ربي نصيب بعيييييييييييييييييييييييييييييييد عننا.. ولاكانت تعرف عائلة زوجها او حتى قبيلته من قبل.. سبحااان الله

وقصة صديقتي بعد غريبه شوي..

صديقتي هذي حضرت مره زواج.. وماكانت مستعده كثير للزواج سواء نفسيا او شكليا

وكانت يوم الزواج تعباااااااااااااااااااااانه بالانفلونزا وبشرتها صفرااااااء ووجهها شاااااااحب وشعرها قليييييييييل

لكن راحت لأنها اجبرت من اهلها لأن الزواج لوحده من قريباتها

المهم تقول دخلت القصر وكل من معي (من بنات اقاربها) جلسوا امام المرايات ساعه يتصلحون ويجددون مكياجهم.. اما هي دخلت القصر على طول ( علما انها راحت لكوافيره اووووول مره تروح لها في حياتها وراحت لها بالصدفه بعد وكان شكلها بسييييييييييييييييييييط )

يعني المكياج بنوتي بقوووة.. وتسريحة شعرها عاااااااديه.. وفستانها مو جديد

ويوم اللي معها راحوا للمرايات هي دخلت القصر على طول وجلست..<< من طفشها واحساسها بالتعب

ومن يوم دخلت وجلست على طاوله.. الا وتلاحظ حريم قدام يطالعون فيها بقووووة

فسألت وحده من قريباتها اللي جالسين معها.. من هالحريم؟؟

قالت لها: هذي فلانه اللي متزوجه فلان وهذي امها وهذي زوجة اخوهم!!

تقول: قلت اول مره اعرررررررفهم << رغم انها تعرفهم من صغرها

تقول وطوووووووول الفرح وهذي الحرمه وبنتها يطالعون فيني ويتكلمون بالتليفون شوي

المهم طلعت صديقتي من الفرح بعد ماغلق..

ورجعت بيتهم تعباااااااااانه ونامت الى ثاني يوم (يوم الجمعه كان)

ويوم السبت اتصلت الحرمه اللي كانت تطالع فيها وخطبت صديقتي..

وبعد زواج صديقتي بولد هالحرمه..

عرفت انه زوجها كان يتصل على امه وهي في الزواج.. وامه توصف له صديقتي وانهببببببببل<< بالرغم ان شكلها كان عااااااااااااااادي واقل عن كل مره

والغريب انها سألت زوجها بعدين: ليش امك اختارتني من بين البنات الكثير اللي كانوا جالسين على الطاوله معي؟؟

قالها: امي تقول ان زوجتك كانت احلى من بقية البنات اللي جالسات معها!!!!!!!!<< وهذا والبنات هذول كانوا جالسين امام المرايات ساعه!!


بالرغم انه البنات اللي معها كانوا متزينات اكثررررررررررر منها.. وبعد خطبتها تحلف وتقول والله ماكنت اعرف زوجي ولااسمع به!!

سبحااااااااان مقسم الارزااااااااق


اما قصتي..

غررررررررررررررريبه كثير

لأن اثنين من اقاربنا كانوا الناس يتوقعون اني اتزوج واحد من هالاثنين

لكن انا مااحب اهاليهم ولااحب تربيتهم.. لأن تربيتنا وعاداتنا غيييييير بعض.. بالرغم انهم من اقاااااااربنا

المهم إنه بعد ماخطبوا هالولدين بنتين طبعا.. زعلت امي كثييييييييييييييييييييييييير.. لأنها اتوقعت ان واحد فيهم يخطبني

وابوووووووي اخذ على خاطره شوووووووي.. بالرغم انه دعى للولدين بالتوووووفيق

وكانت امي تقول لي: غلقوا اقااااااااربنا مابقى منهم احد << ماتدري امي اني كنت اتمنى اخذ من نفس القبيله صح لكن من بعيد شوي عشان الامراض الوراثيه وغيرها

وكنت اقول لأمي: الرزق بيد الله.. ولو هالولدين خطبوني كان رفضتهم << وانا والله صادقه

وكنت افكررررررر ساعات واقول كلام امي صح.. لأن فرصنا للزواج قليله لأننا مانتزوج الا من نفس القبيله ومستحييييييييييييييييييييل نزوج من خارج القبيله

والادهى اني مااااااعرف احد من نفس قبيلتي.. وكل صديقاتي وصديقات اخواتي من خارج قبيلتنا

لكني وكلت الله..

وبعد مدة شهررررررر تقريبا.. خطبني رجل من مدينه بعييييييييده عن مدينتنا..

وعرفوني عن طريق وحده من قريباتهم سألت صديقتي وصديقتي دلتهم علي وعلى غيري.. بس قالت لهم صديقتي: بنت الحجاز نفس مواصفاتكم << اللي هي انا

وسبحان الله.. اتقدموا وخطبوووووني.. بس ماحصل نصيب

لكني والله بعد هالقصه كثفت دعاء اكثررررررررر.. ووكلت ربي اكثر واكثر

وايقنت ان الزواج بيد الله وحده فقطططططططططط.. لابيد اقارب ولابيد خطابات ولابيد زواجات وافراح ولابيد شيء الا رب العــــــــــــزة سبحانه


الله يررررررررزقني ويرزق كل بنات المسلمين بالازواج الصالحين ياااااااارب

انا بعد لي قصة حلوووة
يمكن يوم من الايام اقولهاااااااااااااااا
:26:

حلوة قصصكم ,,,انا مابعد تجوزت بس عندي قصة سمعتها عن وحدة,,
تقول فيه حرمه وبنتها بعد ماخلص الزواج تأخرت سيارتهم و جلسوا على كرسي عند باب القاعه ( يعني ماطلعوا بس واقفين عند الباب ) المهم وتجي بنت طااااااااااااااااايرة ومن السرعة ينفك صندلها وجلست على الكرسي اللي قدامهم تصلح الصندل ..المهم الأم وبنتها شافوا البنت وأعجبتهم وخطبوها ..
شوفوا كيف سبحان الله طول الزواج وهي كانت معاهم لاكن ماانتبهوا لها ألا بأخر الوقت..

***أتوقع أن البنت اذا تهاوشت مع زوجها لعنت أبو الصندل اللي كان عليها ذاك اليوم لأنه هو اللي زوجها بعد الله.كخخخخخخخخ