اذا ما نظف ابني من البامبرز راح افقد عقلي

السلام عليكم يا بنات
هذي أول مشاركة لي في المنتدى واتمنى انكم تسااعدوني
والله يا بنات اني شارفت على الجنون من ولدي اللي صار عمره ثلاث سنوات ولليوم وانا احاول معه وللأسف مشكلته الوحيده انه ما يرضى يجلس على النونو
اعرف انكم راح تقولولي تأخرتي عليه وصار كبير بس والله اني موظفة وما عندي مجال واعرف أكثر اني قصرت :D <===
المهم ما احب اطول عليكم الكلام رغبته كثيييير جدا وما خليت العاب ولا شوكولا يحبها الا وشجعته :D حتى ضرب ضربته ( الله يهديه يعصبني ) بس السيد لما شلتله البامبرز يفضل يبلل السجاد ولا انه يجلس على النونو قلت يمكن النونو مو مريحه رحت على الصيدليه وخليته يختار الشكل اللي يحبه ونفس النتيجه يعني مشكلتي الكبرى انه يرضى يجلس على النونو
صار لي حوالي اسبوعين وتقدمه بهاالموضوع بطيئ جدا مع انه ذكي بشكل عام
امانه اللي تقدر تساعدني بمعلومه لا تقصر وانا ممتنه واللي ما تعرف يكفيني دعائها