جوهرة نجد :

خلونا صريحين مع بعض مع تحفظي على اسلوب كاتبة الموضوع واللي واضح كتبته وهي معصبة وتسترجع مواقف استفزتها ، بس من جد ما عاد نشوف تربية واهتمام فيها بكل جوانبها مثل امهاتنا ، امهاتنا ربي عطاهم حلم وصبر وقدرة على تربية 5 و 6 و 10 بعد ، الاغلب ربات بيوت متفرغات ، الاب من شغله لبيته متواجد فيه بين عياله يمكن ما يساهم بشكل مباشر يغير بامبرز ولا يمسك الطفل بس عنده شعور بالمسؤولية لا فيه سفرات تشغله ولا استراحات ولا ركض وراء الفلوس يركز على صلاتهم .. من وقت للثاني دروس وتذكير وتلميحات... البيت والقرايب كلهم يربون معك الخال والعمة ووالجد والجار ... ولا فيه وسائل الفساد اللي كثرت في ال 15 سنة الاخيرة من وقت ظهور الفضائيات ... الاطفال يا يدرس يا يلعبون لعب برئ ونظيف وزيارات وتواصل لناس تعرفينهم وتأمنين لهم حتى الشارع مافيه كمية هالعمالة اللي الحين ....ولا تنسون على وقتهم ما فيه وسائل تنظيم الحمل مثل الحين او فيه بس متخوفين ومستغربين ... الحين وش نشوف .؟؟؟؟؟.. الاب دوره مغيب ومريحينهم انتو يا الحريم مررة وهذا للاسف عرف تعودنا عليه صار الراعي المادي للبيت فقط والأم.... يا اما موظفة وثلاث ارباع طاقتها ووقتها وجهدها رايح للعمل ومع ذلك مصرة تكون مثل امها وتجيب كثير مع ان الزمن اختلف والتربية اصعب ، او غير موظفة بس ملت من جلسة البيت وصارت من زيارة لعرس لمطاعم ومقاهي سواليفها عن الموضة وهالاشياء التافهة على اساس خلاص ختمت التربية بكل وسائلها وقارية كل الكتب عنها ولو تسألينها عن حديث واحد للمعلم الاول رسولنا الكريم عليه الصلاة والسلام قالت هاه ما ادري هذا صحيح ولا ضعيف ؟ وين الثقافة عزيزتي مير الموظفات على الاقل يتناقشون يشكون حال عيالهم يتبادلون الحلول والافكار ويعترفون بوجود مشكلة لكن اذا انتي اكتفيتي بتقليد اسلوب امك مع عيالك اللي من هالجيل وهذا اقصى شي تسوينه في التربية فهالشي غلط واقولها من الحين ما يجيب نتيجة ، نظرة بسيطة من حولكم تشوفون اثر الاهمال اللي يبدا من سن الرضاعة ، كم واحدة تشوفونها ترضع طبيعي 6 شهور على الاقل ؟ الحين زين اذا في النفاس ضغطت على نفسها ورضعت ، ( ولاحظوا شلون كثرت امراض الحساسية والربو ونقص المناعة ) ..بعد كذا مرحلة الاكل واللي تحتاج صبر وتعرضين الاكل مليون مرة الين يتقبل كل الانواع وما يصير انتقائي ولا يعجبه الا نوع واحد ( ولاحظوا كيف الاطفال يا سمين يا نحيف وكلها على غير صحة ومطاعم الفاست فود تشكي من كثرتهم ) ودي اعرف هل اللي جايبه كثير بتقدر تعطيهم حقهم تقدر تحضن كل واحد كم مرة في اليوم ؟ نفسيتها هادية وراكزة تستعمل وسائل تربوية للثواب والعقاب وتعرف متى وعلى ايش يتعاقب ؟ طيب بتقدر تعطي نفسها حقها ؟؟ ولا كل ما بغت تسوي شغله حطتهم عند تلفزيون اي برنامج سخيف مثل سبونج بوب وطقته يهجدهم ، ولا ايباد وما ادراك ما الايباد اللي خلى ابو 5 سنين كانه 15 سنة فتحهم على عالم ثاني ، ولا بتهمل نفسها وتضطر تأجل كل شي كان في نفسها الين يكبرون ؟؟ انا معكم تزوجوا الودود الولود بس اكيد مو الكل بهذي الصفات عشان كذا الرسول نصحهم بهذا .. غير كذا ( كلكم راع وكلكم مسؤول عن رعيته ) ( والوالدات يرضعن اولادهن حولين كاملين ) يعني الافضل الحمل اذا الطفل الاول حول السنتين .. يجي اللي بعده والاول حول الثلاث سنين ، قد تدلع واخذ حقه كامل مكمل ، استقل بنفسه وتعلم دورة المياه حتى ممكن يقبلونه بالروضة وشوفي شخصيته شلون راكزة وسوية لأن أخذ حقه في بيئة سليمة لا فيها صراخ ولا عصبية ولا اهمال ، لسنا في سباق مع الزمن عندك صحة لازم تهتمين فيها ، صداقات واجبات اجتماعية ، بتسافرين وانتي خفيفة لأن طفل غير طفلين غير ثلاث حتى لو كبار ، ليش نتعامل مع الانجاب انه واجب ثقيل ربي ما راح يعطيك الا اللي بقدر تحملك ... فكرة اجيبهم واخلي التعب مررة واحدة غلط ولا شفناهم صكوا على انفسهم وقعدوا ربوا عيالهم وركزوا عليهم الا بالعكس تهرب منهم ومن ازعاجهم عند اقرب فرصة ... ولا اخذتهم معها كل مكان وهي عارفة انهم بيفشلونها طيب ليش ما اتجنب هالشي من البداية ولا تقولون غصب عنهم هذي الردود تشهد ودائما اسمع الكلمة ذي اجيبهم مرة واحدة وافتك ... احمل لما يكمل الاول سنة ....صدقوني لو المقاربة بين الابناء افضل كان ذكرت في ديننا الحنيف وشفنا تشجيع عليها بس كل الادلة اللي ذكرتها تدل على صحة كلامي والسعيد من اتعظ بغيره ويصير ذكي ما يطيح بنفس الحفرة اللي طاح فيها نبي جيل صح يكون مصدر فخر لنا صحته ممتازة تعليمه ممتاز وقبل كل شي دين صحيح ووعي واخلاق وصحة نفسية واعتذر عن الاطالة

خلونا صريحين مع بعض مع تحفظي على اسلوب كاتبة الموضوع واللي واضح كتبته وهي معصبة وتسترجع مواقف...

الهنوف العروي :

يا عزيزتي ليه الكلام هذا كله الله يصلحلك اللي عندك ويرزقك بره . عجزتي تكتبين دعوة زينة كله حس وتحقير في الناس والحريم. انتي ايش حارق رزك باللي تجيب عشرة أو عشرين خليها تجيب . ما تبين عيال في بيتك لا تعزمين اللي عندها عيال واذا على بيت أمك الله يطول في عمرها ماهو بيتك عشان تتحكمين مين يدخله زمن يطلع منه واذا أمك متضايقة قوليلها الله يسعدك يما قولي لجارتك لا تجيب عيالها. أما تعزمون الناس وتعيبون فيهم هذا العيب فيكم انتم مو فيهم . بالنسبة لتحديد الخلفة من غيره الرسول صلى الله عليه وسلم قال ( تزوجوا الودود الولود ) فمين انتي عشان تحكمي على خلق الله . المال والبنون زينة الحياة الدنيا. بالنسبة لك انتي إزعاج وبالنسبة لغيرك حياة . ما جربتي الحرمان من الضنى ولا تعرفين قيمتهم. والله ما أقولها دفاع ونعم ولله الحمد ربي رزقني بخمس اطفال عانيت وما زلت أعاني من توجيههم وتربيتهم لكن والله الحمد شفت اثرها فيهم وشفت كيف المدح اللي يجيهم بس ما استنقصت من خلق الله . ترى الطفل على اسمه طفل عقله صغير تعالي له بالتوجيه والتهذيب مو بالضرب والتهديد والوعيد اصل المسلم الرحمة وهذي من الله تعالى فكيف تبغي الخلق تتجبر على الأطفال وبلاك في اللي ضربت طفل عشان طفل ثاني هي وأمه يضربونه. استغفر الله بس تخيلت شكل حرمتين كبار وكل وحدة زولها الله وكيلك كبر الباب وماسكين طفل ما يعقل ولا يفهم وعقله غير مكتمل وطايحين فيه ضرب . ايش العقليات هذي . انتم فين عايشين. الأسواق مالكم دخل فيها يعني تبون الناس تحرم عيالها عشان حضرتكم ما تعيبون فيهم لكم في الناس اللي تدخل بيتكم لا تعزموهم. ولو تركتي هالكلام كله وتركتي دعوة زينة كان وفرتي على نفسك ذنوب ودعوات كثيرة ما تدرين ممكن ربي مبتلي ببعض الناس بعيالهم. فأنتي تبين تبينين انهم ناقصين وان بس همهم الخلفة والتفقيس على كلامك ووصفك كأنهم حيوانات لا تعقل ولا تفهم وبس تتفاخر فيها . بكرة لا ربي يبتليك وزي ما تجي تكتبي، راح تسمعيها بإذنك. وتراني ولله الحمد والمنة ما أكتبها لك زعل بس من جد شي يضايق تخلون شي جميل في حياتكم وشي حنا نعرفه من أساس دينا ووصية حبيبنا تخلونه مدعاة للسب والشتم والدعاوي. تعالوا للطفل بالإصلاح والتهذيب والتربية وليس بالهجوم والتعذيب والدعوة عليه كأنه عدوكم

يا عزيزتي ليه الكلام هذا كله الله يصلحلك اللي عندك ويرزقك بره . عجزتي تكتبين دعوة زينة كله حس...

أم إيساف :

والله صحيح في هدا الزمن أصبحت الأم لا تنهي طفلها عن أفعاله السيئة والله عندي جارتي لها بنت والبنت متزوجا وكمان بنتها جارتي عندها ولدين و أنا عندي تفتحي الباب تلاقي مباشرة الصالة والمطبخ يعني ما في ممر أو ردهة لنزع الأحدية والله أعاني منهم وتقريبا كل يوم يطبو عليا وما حدا ينهيهم ولما يخرجو للحديقة تمتلي أحديتهم تراب لأنو المطر تقريبا دائما يهطل ولما أنبه عليهم ينزعو الأحدية تقول الأم لبنتها لو أنا منك ما أجي عندها أبدا تقولي ليش أنا أسمح لهم يدخلو بأحديتهم وأنتي لازم ينزعو وأقسم بالله عندي ولدي عمره أربع شهور جات عندي جارتي ولدها إلي عمره ثلاثة سنوات ضرب صغيري كف على وجهه وعاود ضربه كف وأنا إستحيت أقول شيئ وشوكانت ردة فعل أمه حملت إبنها وباسته وقالت له ما شافته حتى شافت الويل وهي تضحك لأني ولدت في شهر الخامس وإبني ظل 5 شهور في المستشفى والله يحيروني الناس إلي مالها دوق ولا تخجل

والله صحيح في هدا الزمن أصبحت الأم لا تنهي طفلها عن أفعاله السيئة والله عندي جارتي لها بنت...