ارجوكم ... ساعدوني في حل مشكلتي ...

السلام عليكم ورحمة الله وبركاته ...

أدري أني من بدايتها بطلب منكم طلب لكن أدري مابتبخلون عليه بالنصيحه والتنبيه ..
ياأولاد الحلال ...

انا عندي مشكلة مع ولد اخوي << يعني انا عمته لكن أكبر منه بسنتين
وصار لي أكثر من 5 شهور وانا عاجزة عن حلها
وادري بكم اجاويد بتساعدوني ومابتبخلون علي بالنصيحة .....
أول شئ خلوني اعرفكم على ولد اخوي ....
ولد أخوي أنسان بسيط .. صاحب قلب كبير ... حنون .. صادق بكل ماتعنيه الكلمة .. مرح .. أحس أنه يطبق المثل الي يقول خير الكلام ماقل وذل ... لكن عنده حزن مهما سوئ وعمل وضحك وتغشمر الي يعرفونه يدرون انه مخبي خلف هالضحك والأبتسامة حزن عميق كبتنه في صدرة ... طوال سنين
ولد اخوي عاش يتيم في هالذنيا .. بعد ماتوفت امه وابوه ( الله يرحمهم ويغمد روحهم الجنة )
في حادث سيارة ...وهو بعده ماكمل ال4 سنوات وعلى فكرة امه كويتيه وابوه سعودي ...
أخده ابوي الي هو (جده من أبوه ) ورباه
وبحكم كنت انا اخر العنقود بعد 4 أخوان كنا دايماً مع. بعض ناكل ونلعب ونذاكر ..
وكنت ماأخبي عنه شئ ... كان تفكيره أكبر من عمره بمراحل ....
كانت امي تقول لي كان ولد اخوك أول ماتوفوا أهله يسأل عنهم دايماً ( متى بيجي ابوي متى بتجي امي ) ويبكي ... وكانت أمي المسكينه يتقطع قلبها وتبكي بداخلها ...
وعشان ينسئ أمه وأبوه .. قرر أبوي يدخله المدرسة وهو عمره 5 سنوات عشان يلتهي بالمدرسة والمذاكره ( طبعاً بالواسطه )
ومع اني كنت أكبر منه بسنتين وطبعاً كنت معاه في نفس المرحلة
كان يذاكر لي ويفهمني المسائل الي تصعب عليه ...
والحمد لله وماشاء الله عليه تخرج من الثانويه وعمره 16 سنه ( طالع على امه وابوه شاطر وذكي ) وخلص دراسته الجامعيه ويأشتغل في وظيفة مرموقة وعمره الحين ماتجاوز ال24 سنه
ابوه وأمه تركوا له ورث كبير وابوي حفظاه وضل يصرف عليه منه لحد ماكبر واستلماه .. وكان مايبخل علينا في شئ من ميراثه ... بل .. ساعد قرايبه المحتاجين ...
الحين خلوني أقول لكم مشكلتي معاه .....
قبل 4 سنوات صابني فشل كلوي وكنت محتاجه شخص يتبرع لي .. أخواني كانوا مايصلحون متبرعين لي .. وابوي وأمي كبار في السن ..
طبعاً هو كان زعلان عشاني ... عشان كذا تقدم وطلب انه يتبرع لي ..وأوصئ أهلي كلهم انهم مايقولوا حق أحد انه هو الي تبرع لي ويقولوا لي ولناس انه هناك شخص ثاني هو الي تبرع لك .. عشان مايحسسني بأنه متفضل عليه بأي شئ ... والحمد لله تمت العملية بنجاح ... وبعدها بخمس شهور تقريباً عرفت انه هو الي تبرع لي بعد ماقال لي أخوي الكبير بالسالفه..
ويوم رحت له وقلت له ليش ماقلت لي انك انت الي تبرعت لي .. ابتسم في وجهي وهو ساكت .. وبعده نطق بكلمه .. وقال اهم شئ أنك تكوني بخير ..
وانا الحين على قيد الحياة .. بفضله بعد الله .. والله الشاهد انه مافي يوم من الأيام حسسني انه تفضل علي بشئ او منني او قال لي اي كلمة تزعلني ...


وبعدها بسنة تزوجت ... والحمد لله ماقصر في زواجي عمل الواجب واكثر ......

وفي يوم من الأيام كنت مرة متضايقة ومتعكر مزاجي على الأخر وكنت رايحه بيت أهلي ...
وكان هو هناك وصار له فترة ماشافني ...
سلم عليه ... مارديت عليه السلام ...سكت شويه .. وراج جاب لي عصير ..
قال لي : ( خير ويش صاير مانشوفك ولاتسألين او تتصلين عسئ ماشر زعلانه منا ولا شلون ...) طبعاً هو يقول هذا الكلام عن مزح وهو مبتسم من محبته وخوفه عليه ...
لكن انا من غبائي وغروري ونكراني للجميل ...
رديت عليه بغرور : ( انت شايف نفسك من عشان أتصل فيك ... او أسأل عنك .. انت حيالله ولد اخوي لا رحت ولاجيت انت أصلاً واحد مغرور شايف حاله فوق الناس .. أنسان معقد .. انت أصلاً لو ماأبوي وبيتنا الي ضفوك وابوي الي صرف عليك طوال سنين كان انت الحين صايع ضايع في الشوارع ) والله العالم هو مافيه ولا شئ من الي قلته له ولا صفة من الي ذكرتهم فيه .. حشاه ولد أخوي ... وهو على فكرة ...... وانا جالسة أشتمه واتهجم عليه بأوصاف ماهي فيه ... هو كان يطالع في وجهي
وهو مستغرب ومذهول ... مجروح ... وعيونه حابسه الدمعه ... وطلع من البيت ....
ومن هذاك اليوم الأسود الي طلع مني فيه الكلام .. صار مايكلمني ولا يطالع فيني ... حتى اذا أتصلت فيه يطنشني ولايرفع التلفون ... قلت حق زوجي واخواني يكلمونه .. قال لهم خير ان شاء الله ... ومافيه فايده ...
والله العظيم ضميري معذبني ..
كل ماأتذكر عيونه وهي من كلامي الجارح الي وجهته له ..
كل ماأتذكر طفولتي معاه .. ابكي ... كل ماأتذكر عيونه وهي تدمع في نومه وهو يقول أمي ابوي في .. اتقطع .. كل ماأتذكر كلماته الي قرأتها على كتبه ...
(((في هذا الكون شيئان مستحيلان -ولا شئ مستحيل عن رب العباد-
أولهما بُعدي عن الحزن
والثاني أنه مهما طالت الأزمان فمستحيل على أحد أن يعرف من أنا ))
كل ماأتذكر الكلمات الي كتبها على صورة أمه وابوه ..
(( أماه .. ابتاه ..
وقفت عند قبريكما والقلب ينبض يريد الحنان .. وقفت ودموع عيني كسيل من الأمطار ..وقفت وانا ابكي كالطفل الضائع . أماه .. أبتاه .. بالله عليكما كلماني ))....
كل ماأتذكره وهو راجع من المدرسه وعيونه فايضه دموع .. وامي تسأله ويش فيك .. يقول كل أصدقائي يرجعون مع ابائهم ... الا انا ابوي مايجي ياخدني .. وأصدقائي يضحكون عليه ..
وأمي تراضيه وتسكته ...

كل مره أتذكر اي موقف من مواقفه النبيله معاي او مع غيري ... ابكي واصيح مثل الأطفال ماني عارفه شنو اسوي ... كل ماأطالع صورته واشوف نظارته الحزينه ... قلبي يتقطع ..


أخوتي الكرام ....

سويت كل شئ عشان يكلمني ونرجع مثل الأول .. لكن مافيه فايده .. من يشوفني مايطالع فيني اكلمه ولا كأنه يسمعني ..اروح اقابله في وجهه أمسك أيده أحط ايدي على خده .. اقول له حبيبي ولذ أخوي .. انا متأسفه .. يرفع عيونه للسماء وهي فايضه من الدموع ولا ينطق حتى بكلمه وحده ويمشي عني ... هو مو كارهني ( حشاه يكره عمته ) لكنه كتوم لأقصئ درجة مايفضفض الي في قلبه ولا يتكلم عن الشي الي مضايقنه حق احد ولا يحب يناجر احد .. ( حتى انه أمي بعض الأحيان تسمعه وهو في غرفته يبكي لوحده ) وهذا الي حارق قلبي عليه ... جالس يتألم ليل نهار بسبب كلامي الغبي له ... والله العظيم اني حتى النوم مايجيني من هذاك اليوم .. تصوروا نفسكم مكاني 5 شهور من العذاب المتواصل ..
كل مره أتذكر مواقفة الكبيرة معاي والله قلبي يحترق عليه ... وكل ماتقول لي امي ولد أخوك
مو على طبيعته أبداً .. أتعذب اكثر وأكثر ..

أخواني الكرام ...

الله يرحم ويغفر الذنوب .. ليش هو مايغفر لي ذنبي ... أدري اني غلطانه أنانيه مغرور وكل الصفات الشينه فيني .. لكن والله نادمة على عدد شعرات راسي ...
ولد اخوي الحبيب أغفر لي ذنبي .... ولد اخوي الحجبيب سامحني
ولد اخوي الحبيب كلمة أسفه أدري بها مابتذوي جرحك .. لكن والله لو بايدي شئ أكثر من هالكلمة كان عطيتك اياه ... ولد أخوي الحبيب أرحم ضعفي وقلة حيلتي ...



تحياتي اليكم ....


شموع الليالي ....