ارجوكم ساعدوني مابقى شئ

عندك الريف البناني في التحليه مره راقي ويبيض الوجه

طيب ..

اولا .. ممكن تعزميهم بالبيت حتى لو كنتي عند حمولتك عادي جدا وخالتك وابنتها يقمون بالواجب دام الضيف عزيز على ولدهم ..

ثانيا : طالما انكم قررتوا تعزموهم برا .. اوكيه افضل ..

انا رحت للمرسى قبل شهر ويستاهل ويواجه بعد

عندك خيارات ..

تبغون جلستين منفصلات بجوار بعض او بينهم جلسه وتكون ساترات انتم حرين لكن دخول الزوجين مع بعض 180 ريال اي 90 -- 90 لكل شخص مع العشاء تختارونه حسب الطلب ..

او بــ 99 ريال انتي وزوجك فقط وهم يحددزن لكم نوع العشاء ..( اعتقد ذلك ) والله نسيت ..

ولا تنسي ان تأخوا الجلسات في الجزء الشمالي الغربي من المنتزة لان فيه رشاشات ( رذاذ ) تبرد عليكم . اشرطوا كذا -


وفيه خيار ثاني وهو انك تأخذون ( شالية ) عندهم

الشاليهات من 12 الظهر حتى الساعه وحده او ثنتين صباح اليوم التالي فيه غرفه وصاله تلفزيون بقنوات وتلفون ومسطح اخضر وهي مستورة وخاصه ..

سعر الشاليه بدون مسبح 600 ريال اعتقد - بس ماادري مع العشاء او بدون -

اما بالمسبح بــ 800 ريال - مادري مع العشاء او بدون -

اذا قررتوا تاخذون شاليه افضل لكم ترحون من هالحين تنبسطون فيه اللين يجون الضيوف العصر او بعد المغرب طالما انكم خسرانين خسرانين .. واذا عندكم عيال ودهم يسبحون ..

اما من ناحيه العشاء فهو رائع جدا ويواجه للضيوف وفيه مشاوي وسمك وصياديه وحلا وغيره واسعار الاكل عاديه جدا ..

اذا تبي تستفسري اكثر اتصلي على الاستعلامات 905 واطلبي منتزة المرسى واسأليهم عن جميع التفاصيل اذا اعجبك كلامي ..

اذا رحتوا وانبسطتوا ادعي لي ..

اما فانتزي لاند ما رحت له والله ..

كذلك فيه منتزهات الثمامه مثل منتزة البحيرة فيه ملاهي اطفال حلوه لهم وتطلبون العشاء من مطاعم عمو حمزة لانها بجوار المنتزة لكن بشرط ان تطلبوه بدري شوي لانه يرفض الطلبات بعد 10 ونصف يعني خوذوا حسابكم زين ..

وفيه ايضا قريه الثمامه حلوه وفيها ملاهي للاطفال ومنفصله النساء عن الرجال ..

المرسى ينفع اذا معاكم اطفال..

أما اذا مامعاكم اطفال فعندك المطاعم كثيرة بالرياض

مثل ماقالت عديل.. الريف اللبناني.. في جلسات بالداخل.. وفيه بالحديقة..

وعندك الريف الايطالي بعد.. عندهم غرف مستقلة..

مطعم أفاد الهندي جلساته مستقلة بعد..

مطعم كان الفرنسي وتابع له حديقة الشاي..

اهلين حبيبتي فيه فندق الفهد كراون فيه مطعمين مره حلوين وفيه مطعم سعد الدين في شارع الثلاثين وبعد على قولتهم الريف اللبناني يجنن يالله انشاء الله تنبسطون

الله يوفقكم قولوا آآآآآآآآآآآآآآمين .....

والله ماقصرتوا يالغاليات كفيتو ووفيتو ...الله يعطيكم العافيه ...وخياراتكم روعه ..

بس حبيت اسال الريف اللبناني فيه جلسات خضراء ..يعني نقدر نجلس فيها 3 ساعات عادي ؟؟؟؟

الله لايحرمني منكم ويجزاكم عني كل خير .....