شوفي حبيبتي ما راح تتعلمي انجليزي الا لما تبدأي تكلمي اللي حولك ،، انا كنت اعرف كل الكلمات و معانيها بس لما اجي اتكلم ما اقدر ،، و بعد ما اتزوجت زوجي دارس برة ، و يعرف انجليزي و طلبت منه نتكلم مع بعض فالبيت بس مو قدام الناس عشان استحي و فالبداية كنت اجمع الكلمات و اقولها و اغلبها غلط و هو كان يصحح لي و بعدين صرت اقدر اكون جمل و اقولها المخاطبة صارت سهلة ،، يعني لا تعتمدي على الكتب بس ،، حاولي تتكلمي ، مثلا لو رحتي المستشفى اتكلمي مع الممرضة مع الدكتور ،، خلي الناس في البداية تضحك او تستغرب من لغتك بس انتي الكسبانة راح تتعلمي بسرعة ، و انا قعدت فترة طويلة في باكستان بحكم عمل زوجي و كنت اكلم الناس انجليزي مكسر و مع الايام اتعلمت و كنت بالمرة استحي في البداية و بعدين صرت اتكلم احسن منهم ، و عن تجربة