ابدي معاهم بالطيب وروحي باجر الصبح لمدرسة بنتك وكلمي الإخصائية الاجتماعية
وإذا ما فاد روحي عند الناظرة.. وكلميها بالموضوع وإن شاء الله يوقفون المدرسه عند حدها..
وإذا ما فاد إنقلي بنتج إلى مدرسة أخرى..

اشكر كل من اهتم بالموضوع .. وتفضل بالرد .

~<قارب without شر!!!ع>~
انشاء الله ماراح اخلي هالموضوع يعدي كذا , وهو فعلا مثل ماقلتي اسلوب ارهاب علشان ترعب فيه البنات من البدايه , وانا مثلج كانت لي مواقف في المدرسه اعتقد انها الى الان مأثره فيني وهي اللي زادت خوفي على بنتي .

واحة الامل .

وين تبيني اتكلم مع المعلمه اذا كانت تدرس اكثر من نص قرن وهذا اسلوبها , ماعتقد بتجي اليوم تغيره علشان بنتي , مع هذا ماراح اسكت, بروح بكره للاداره انشاء الله وبقول لهم على هالتصرفات , ومعك حق تستنكرين الفاظها , صدقيني منتهى القهر انك توصلين بنتك بيدك كل يوم لشخص يهينها . وصدقيني مو مدح في بنتي بس انا متاكده انها لايمكن تتصرف بطريقه غلط او مافيها احترام متعمده .

meme55
والله ياختي الشعور واحد , والله يسهل ويرضون ينقلونها . دعواتك .

Essence
انتي لو شفتي شكل بنتي اول ماطلعت من الفصل وهي ترتجف وعيوها حمره . والكلام يطلع منها بتلقائيه الاطفال وهي تعلمني وش قالت وش سوت كنتي تأكدتي , وخصوصا اني اعرف نوعيه بنتي مو من النوع اللي يختلق الكلام , انا نفسي كنت متفاجئه لما قالت لي انها كانت تبي تصيح بس تمسك نفسها غصب . تخيلي ان الطفل لما يخاف عاده يبكي , بس وش تقولين لما يوصل الرعب بالطفل الى حد انه يخاف حتى يبكي !!!!!!!
وانا اصلا ماقلت لها شي من الكلام اللي سمعته قبل عن المعلمه , بالعكس كنت امدحها لها بس في نفس الوقت كنت امهد لها انها ممكن تكون شديده وقت اللزوم .

msha3l
بصراحه كلامك مره حبطني , انا عارفه اللي يصير , لكن بعد ماقدر اسكت ولا اقدر انقلها طبعا لان المدارس الحكوميه ماتقبل الا الطلاب اللي ينتمون لنفس الحي اللي فيه المدرسه , يعني ماقدر انقلها لمدرسه في حي ثاني , وحتى لو نقلتها وش يضمني ان معاملتهم بتكون احسن ؟؟؟؟؟ اما المدارس الخاصه فيها نظر .

مشاعل الرياض

معاك حق في كل اللي قلتيه , بس من يسمع , اما بالنسبه للنقل فهو صعب مثل ماوضحت.

fraternity

انشاء الله هذا اللي بسويه بروح بكره وبكلمهم والله يسهل ويلين قلوبهم . دعواتك .

الله يسعدكم يابنات تدعون لي ولبنتي , وانشاء الله بكره اطمنكم بالاخبار الطيبه قولو امين .

انا مع الاخت تماما..بس احتمال المدرسه تنكر..ما اعتقد بتقول ايه انا "امّـنا الغوله"
بس شوفي امهات بقية البنات وخذي اراء مدرسات وبعدين اشتكيها عند المديره ..
وان ما نفع صعدي الشكوى للوزاره..
لان مسالة انك تنقلين بنتك ما هو حل جذري ..صحيح بنتك بتنعتق..بس فيه بنات كثير بيطيحون في نفس المعلمه ويمكن مو كل ام تسمع لبنتها..
فالحل الصحيح هو اجتثاث المشكله من الجذور..
حرام عليها تخرع البنات من اول يوم..ياخذون فكره سيئه عن الدراسه ويكرهونها ويتعقدون..
المفروض احسن المدرسات يعطونهم اول ابتدائي لانهم مساكين مو داريين عن شي..
وبالتوفيق اختي..

وعلمينا اذا جد عليك شي..يا قلبي على البنت..تخاف انها تصيح !!
هذي ارهابيه..


اختك..
سبائك العسجد..

صلي على النبي صلى الله عليه وسلم..

تأكدي من الكلام..مع اني مااظن ان بنتك بتألفه كله..

واجهي المعلمه في حظور بنتك عشان ماتنكر طمني بنتك وقولي لها ماتخاف وتقول الحق..

ياختي هاذي المعلمه وين الإداره عنها؟؟!!!!!

عجيب والله..

كلمي الإداره وخليهم يتأكدون من السالفه..ويحاسبونها ولا يحيلونها للتقاعد أبرك..

وانقلي بنتك من الفصل ولو رفضوا هدديهم انك بتشتكين للوزاره..

او أنقلي بنتك من المدرسه كلها..ترا سنه أولى حساسه جداً ولو بنتك كرهت المدرسه..

ماراح تقدرين تقنعينها..سنه أولى هي الأساس انا والله الى الان اذكرها وانا وش كبري..

لأن المعلمه كانت مثل أمنا الله يسعدها ويوفقها..

الله يهدي هالمعلمه ويطمنك على بنتك..

سلام على الجميع ...

مالك الا حل واحد انك تنقلينها من المدرسة اومدرسة خاصة ...

والأرهابية هذي الله مكثر منهن في مدارسنا !!!!!

لارقيب ولا حسيب !!!

كيف ننتظر معلمات يخفن الله في فلذات أكبادنا !!!!

والدنيا عندنا على البركة .....

ولا تحاولين انك تكلمينها لانه بالعربي الفصيح حتقعد لبنتك

ممكن ترسبها ممكن تنقص في الدرجااااااااااااااات ..

هذا هو الحال في مدارسنا او بالاصح المعتقلات ....

وتغير اذا مشت البقر على قرونهاااااااااااااااااااااااااااااااا !!!!!!!!

أنتيه لبنتك ....

وسلامتك ....