امحق مدرسه هذي ارهابيه ولا مدرسه ولا تتعجلين وتنقلين بنتك من المدرسه لان هذا كله تهديد والمثل يقول امشي عدل يحتار عدوك فيك وانت وصي بنتك تصير مؤدبه وشاطره وراح تلقى معامله ثانيه من المدرسه هذي واسأليني لأن اختي كذا:30: :30: :30:
صااااااااااااارمه بس تدريسها شي عدل مافيه مثله والبنات السنعات تحطهم على راسها هم وامهاتهم

اختى ..
انا ساقول لك تجربتي من يوم كنت صغيره
صدقيني اكتبها وعيوني تدمع ..انا الحين متزوجه ومعاي اطفال صغار
تخيلي يوم كنت في الاول
كانت معلمتي لا تضحك وتصرخ باستمرار علينا
والظرب دائما تضربنا ...... بالمساطر والعصي .... وبكل قوتها
احيانا تتورم ايادينا ..... بس لم يكن ابي رحمه الله .... او امي ... يهتمون كانو بس يقولون اكيد غلطتي
وهي ما تظرب الا الى يسوي فوضه
صدقيني يا اختى ...... من الخوف والرعب ما نقدر نتكلم .. وتلاقينا ننتفض مثل العصافير
فهي معلمه عصبيه ... لا تتفاهم الا بالظرب
ونحن اطفال لم نتعلم ولم ندخل المدرسه من قبل
كنا نظن ان المدرسه هى مساطر واقلام ودفاتر جديد وكتب مصوره
صدقيني تعقدت .وكانت السبب في عدم ذهابي للمدرسه واصابتني في ما يشبه الحاله النفسيه
واضعت سنه دراسيه كامله بسببها
والى الان اتذكرها تخيلي ..... صورتها تصرفاتها .. ومعاي بنت في الاول الابتدائي .... دائما اسالها عن معلماتها
اخاف ان تمد واحده يدها اليها ........ اخاف كثيرا
صدقيني الحل انك تروحين للمعلمه
ودائما تتعابينها ....... وتسالين بنتك .. دائما حسسي المعلمه انك متابعه بنتك
احيانا الاطفال يتعقدون من الصراخ .حتى لو كان مو للطفل نفسه

وفقك الله ...........
اختك ملووكه

السلام عليكم

احب اعتذر عن التأخير في ردي , واشكر كل من ردت على مشكلتي

سبائك العسجد , مشاعل السعوديه , زهرة الياسمين , بنت الحفر , الملاك الغريب


المشكله يابنات تطورت لان في اليوم الثاني ( الجلاوزه ) حراس الشغب اللي وقفتهم المعلمه ضربو بنات الفصل ورجعت بنتي تبكي ,

طبعا انا راجعت المدرسه وواجعت المعلمه اللي بكل تأكيد نكرت وادعت اني اتبلى عليها لاني من الاول ماكنت حابه بنتي تدخل عندها , والاداره رفضت انها تنقل بنتي من فصلها وقالت اقصى شي تقدر تسويه انهم يكلمون المعلمه .

وبكذا المشكله زادت تعقيد , لاني صرت خايفه ان المعلمه تاخذ موقف من البنت وتحقد عليها
وماستفدت اي شي . مع ان الاداريات حاولو يقنعوني ان هذا الشي ماراح يصير , لكن كله كلام ,
وش يضمني بكره لو تنسى لها قلم او دفتر ما تستغل الفرصه وتطلع حقدها فيها , وهذي طفله مهما حرصت ممكن تسويها ,
وخصوصا اني راح تجيني ولاده قريب انشاء الله وبنشغل عنها , وساعتها مالي حق اتكلم لانها بتعتبرها غلطانه .

خلاص عقلي وقف من كثر التفكير , حتى اني فكرت اتغاضى وادوس على نفسي علشان بنتي وارجع للمعلمه واصلح الموقف بشكل ودي . لكن ارجع اقول بكذا راح تحس انها معها الحق ويمكن تتمادى في تصرفاتها لان مافي شي يردعها .

بكره انشاء الله بروح المدرسه لكن والله ماني عارفه وش راح اقول ولا اسوي ,

الله يحلها ويسهلها من عنده .

اختي الله يكون في عونك

بس لا تصالحين المدرسة ولا شي


بالعكس روحي المدرسة وياليت تروحين مع ثلاثة او اربعة او حتى عشرة من صاحباتك او خواتك او جاراتك
وما في مانع تودون ازواجكم او اي حد من خريجي السجون معاكم

وياريت تودين حد لسانه طويـــــــــــــــــــــــــــــــــــــل ليعرف يتعامل معاهم
لان شكلك طيبة وما تعرفين اتعاملين مع هالاشكال

روحو المدرسةمن الصبح ولازم يكون شعركم شوي منكوش ومشمرين ذراعاتكم
واجلسو عند الادارة ساعة ساعتين الى ان ينتهي الدوام
وتزيدين بالكلام وتعيدون

واذا لم تنتهي المشكلة وينقلونها
روحو اليوم اللي بعده بنفس الطريقة

وازعاج وهليلة وانا اؤكد لكم انه بينقلونها
وبالعكس بنتك بتصير محترمة من كل المدرسات محد يقدر يهاوشها لان بيكون خايفين منها

والسبب في نجاح هذي الخطة انه هذي هي الطريقة المناسبة للتعامل مع هذي النوعية من الناس

ولكن الناس المؤدبين يكون التعامل معاهم بطريقة مؤدبة

لكن اذا تعاملتي مع اناس فوضويين بادب داسوك انتي وبنتك

اكرر النصيحة خذي معاك واحدة (يفضل اكثر من واحدة) لسانها طويل وموذية تكلمهم ينقلون بنتك , يكون كل شوي واحدة تمسكهم شوي بالكلام
وخذي بنتك بيدك ووديها صف ثاني

ان لم تكن ذئبا كثير الاذى بالت عليك الثعالب