ارجوكم قولولي ايش اسوي مع اهل زوجي ...

ياخت ريميه ...مرحبا فيك ...

حقيقة ان موقفك جدا للاسف في غاية المهزلة ولازم توقفين هذه المهزلة باي شكل ...

اولا كان من المفروض ان يكون ردك منذ البدايه حاااسم ..
مثالا ..ان تقولي الحمدلله على النصيب رغم هذا كله انا اللي فزت بقلب اخوكم واضحكي ( وبكذا تقهرينهم ))

حتى لو ردوا وقالوا والله كان نصيب غصب .. يعني (( فرضا)) ...قولي ليه في احد جبركم علي والا اخوكم ماعنده نظر وابتسمي ابتسامة الاسد ...

واسحبي نفسك من المجلس وقومي من غير اي حساسيه ...

ثانيا . طالما اخذوا عليك ياخت ريميه وبجد استضعفوكي منذ البدايه ولذلك ...احزمي امركي من الان ان تحديثينهم بالامر صراحه دون انفعال يعني تقولي لهم رجاء ياخواتي انا اعتبركم بمنزلة اخوات لي فلا تخلون هذا الكلام ياثر على علاقتنا ببعض ويصير بينا زعل احنا بعيدين عنه ..فلا تضايقوني ولا اضايقكم .. نفع الكلام كان بها .. احسست انه لم ينفع وزاد العيار فلا يردك الا لسانك فالشكوى لله ثمّ لزوجك ......

اثناء حوارك معهن وردوا عليك وقالوا ماقلنا شيء ...

قولي الا قلتم وقلتم وعلى كذا انا محترمة نفسي وزوجي ووبوجود عمتي محترمة مجلسي .. .. الا كان اعرف اسكتكم منذ زمن ...

صدقيني ياختي اللي ماتكون ذيبه مع اهل زوجها وحذره للغايه والله راح ينهشونها مثل الذئاب ..حتى مع الناس ومع الصديقاات ايضا ....

فلذلك لاتعدين هذه الفرصة تاتيك ...

حاولي الحديث مع زوجك بالشيء اللي يضايقك وغيري من طبعك معه او معاهم واجعلي من نفسك صورة اخرى للمرأة التي تكون رزينه ويحسبون لها الف حسااااب ,,,

ثانيا حدثي عمتك باسلوب فيه من الثقه بالنفس واعلميها ان سكوتك ليس ضعفا او عدم معرفتك بالرد ولكن هذا من طيب اخلاقك واحترامك لها ولولدها ...

المهم ...

حاولي ان يكون لك شخصيه مهمه عندهم يحترمونك غصبن عليهم
واجعلي من نفسك موقف نبيل بينهم يعني ...دايما كوني سباقه للخير دون الغوص في الضعف لهم ...

انا مثلك يااخت ريميه مريت بنفس ظروفك ولكن باختلاف بسيط دخلت عليهم بقلب صافي ونيه حسنه ومعامله طيبه لكنهم اعتبروني هبله ضعيفه لاراي لي ولاقيمه ..

ولكن مع الوقت اثبت لهم عكس ذلك بردي على اي موقف حتى لو وصل للزعل مصيرهم ان يرضخون
وافهمتهم بطريقتي اني انسانه بنت ناااس مااحب احد يتدخل بحياتي مهما يكون ..

اقسم لك بالله انهم يحترموني الان كثيييرا لدرجة انهم مايسالوني انا حامل والا لا الا اذا انا اخبرتهم بذلك ..

ماعاد يتدخلون باي امر من اموري ..

ولو تلقفوا علي مررررررره ارد عليهم بكلمة وحده بس تكفي (( مدررررررري )) لان كلمة مدري ترفع قدري ...

فلا تعطينهم اخبارك اولا باول ..
اجعلي من نفسك سريه وتعاملي معهم بنفس الوقت باحترام وبادب وكأاخت ...ولكن بحدود
زوريهم باوقات معينه اما اخر الاسبوع في الشهر مرتين فقط بالاعياد وبشهر الخير ووقت المرض والحاااجه لاتقصرين في واجبك نحوهم .. ولكن الاهم ان تكوني امامهم محترمه للغايه ..

فهمي زوجك ان يحترمك امامهم وان لايقول اي شيء يضرك امامهم حتى لو اعترفتي بانك تغارين منهم ولاتريدين ان يتشمتوا فيييك ....

وعلى فكره السلايف حريم اخوانه انتبهي منهم خلي علاقتك هم جدا سطحيه ومحترمه لا اسرار والله لن يكون بصالحك يوما من الايام ...

فانتبهي يااختي والله يوفقك وانا والله احببت ان اعطيك هذا الحل كتجربه جربتها بحياتي ولله الحمد نجحت رغم مازلت اعاني بعض الامور ولكن انا ضد التياااار دائماااا ...

فاعانك الله وثبتك على الحق ...

سلام ..:26:

جزاك الله الف خير عزيزتي.....

كلامك جميل جدا ويدل عن خبر ماشاءالله....

وشكلي فعلا بحسم الامر معاهم ......وانا مثلك بديت معاهم بنيه طيبه لكن شكلهم يبون الواحد يحسم اموره معاهم...

وكلام صحيح في ان حريم الاخوان لازم تكون العلاقه معهم سطحيه وهذا اللي انا اسويه...لان سبحان الله لو تشكين لهم او تتعمقين معهم تلقينهم وجهه عندك ووجهه عند اهل زوجك....

والله يوفقك ياعزيزتي...ويثبتنا وياكي على خيررررررررررر

عزيزتي ريميه ..

فعلا انتي غلطانه ..
انا ليش اعطي فرصه لاي احد انه يهز ثقتي في نفسي !!
يعني ليش اعطيهم انطباع عني اني ضعيفه ولا اقدر ادافع عن حالي..
مثلا اذا قالوا مثل ها الكلام ابين لهم انه ما همني وابتسم
واسالهم ليش ما رضوا هالحلاوات يتزوجونه ؟؟
وبعدين الله رزقه وحده تسواهم كلهم بشهادة الجميع ..
والحمد الله البيوت متروسه مرايا والزين ما يحتاج رأي احد ..
يعني جبيها من باب الضحك والتريقه و بدون عصبيه وانفعال
علشان ما يبين انهم قدروا يقهرونك ويضايقونك بكلامهم ..
وحتى قدام زوجك بيني له جمالك ..اذا هو من النوع الي يأخذ بالكلام
قول له بطريقه غير مباشره عن الحلو فيك مثلا قولي انا ودي اقص شعري
لكن متحسفه لان مرررره حلو .. او مثلا ودي البس عدسات مع ان عيوني حلوه من غير شي ..
يعني مثل ها الكلام .. لان لكل اشخاص مفتاح تقدرين توصلين لهم منه ..
لكن اهم شي الثقه ثم الثقه .. هي الي تخلي الناس يقدروني ..
لكن انا اذا ما حبيت نفسي الناس ما راح يحبوني ..
والله يوفقك ويسعدك ..


:24: :24: :24:

وحبيت اضيف شي......انا اللي متعبني ومخليهم يلعبون فيني اني بعيده عن اهلي وساكنه بمنطقه ثانيه......وتخيلي نفسك مكاني وانهم كلهم عليكي وانتي وحده...وهم ماشالله لا وحده ولا ثنتين ..تسعه ماشالله.......والله انه يضيق خلقي اذا شفتهم كلهم مجمعين علي وهاتي ياتنقيز في الكلام......

الله يصبرني عليهم ويعني اني اوقفهم عند حدهم

هلا عزيزتي مفعوصه....فعلا صادقه انا سكوتي بالاول هو اللي خلاهم يسوون كذا...

لكن والله ان نيتي كانت صافيه وكنت اقول يمكن مايقصدون ويمكن هم يعتبونه شي عادي....ولما قلت لزوجي قالي هم في منطقه غير عن منطقتك وفهمهم اقل............لكني رديت عليه وقلتله هم حريم كبار ومتزوجات ويعرفون وشو يزعل......

لكن زي ماقلتي الوحده لما تعيش بعيد عن اهلها وخصوصا ان اهلي مسالمين مره وطيبين ومايحبون يتدخلون حتى بحياتي..يخلي اهل زوجك يستفردون فيكي....

لكن شكلي ببدا اني احطهم بنفس الموقف واسالهم مين خطبوا قبلكم .....ياترى حلوه.....

المشكله انهم عاديين مره ..........وصدقيني انا لما اجلس معاهم كل الحريم يطالعون فيني ويبون يخطبون خواتي....

يعني هذا دليل على ايشششششش؟؟؟

لكن شتقولين...

لكني مابسكت وهذا قراري .....

وادعولي بالتوفيق..