ارجوكم .... مساعده رمضانيه عااااااااااااجله

هلا اختي تسنيم
استغليها ادامه عندك وإليكي عدة اطباق تصلح للتفريز وانا مجربتها
اولاً البف مايتغير بالتثليج وطعمه جنان إذا كنتي ماتعرفي الطريقه قوليلي وحده عجازه وانا ساتبع موضوعك

اعجني عجينة بيتزاء واليكي طريقة العجينه مررره روعه وراح تضبيطها من اول مره بأذن الله (كاس حليب ناشف-2كاس ماءدافي -2ملعقه كبيره خميره فوريه -نص كاس زيت -فنجال زيت -1 ملعقه صغيره ملح -1ملعقه ممسوحه باكنج-4كاس دقيق الكويت لانه راح تكون العجينه بيضاء وهشه تعجـــــــــــــــن جيداااااا حتى تتطلق من يدك زمن القدر اعجينيها بقدر بلاستيك وغطيها اتركيها حتى يمتلي القدر
تفرد بحيث ماتكون سميكه ولا رهيفه تقص دوائر بالكاس تحمر من تحت على خفيف مرره بحيث يكون لونها اشقر فاتح جداا لاتحمريها من فوق اتركيها تبرد وضعي طبقه منها ثم ورقة بلاستيك ثم ضعي طبقه اخرى وسكري العلب زززززين
راح تقولي وين الحشو اقولك احسن للبيتزا انها ماتثلج بحشوه راح تكون الحشوه فيها مويه
سوي حشوة بيتزا (طماطم مفرومه ومكشنه بثوم وبصل وبعد ماتبرد يخلط معاها فلفل رومي اصابع وزيتون وفطر وتوضع بعلب وتثلج وبعد ماتطلعي اقراص البيتزاضعي عليهاالحشو وجبن موزيلات وحمريها من فوق
وإذا تبغين انك ماتثلجي حشوه البيتزا اشتري الصلصه الجاهزه حقت اليتزا دهني الاقراص وضعي عليها الزيتون والفطر والفلفل الرومي والجبن
نجي للسنبرغ رول
اليكي طريقة حشوتي طعمه وخفيفه
فلفل رومي ملون احمر اصفر اخضر تقطع اصابع ناعمه جدا وصغيره وتخلط مع جبن مثلث وكيري وتحشى اصابع
وتفرزل طعمها ررروعه ونكتها اروع
وعندك حشوات اخرى خضار ودجاج
ابقولك طريقه لطماطم تخلي الشوربات لذيذه وخاثره قطعي بصل وثوم وكشنيهم في سمن اوزيت
ضعي طماطم بالخلاط وضعي البصل المكشن واخلطيهم مع بعض وصبيهم باكياس او علب صغيره وثلجيهم
خليها تقطع بصل وكشنيه وحطيه بعلب وثوم راح يوفر عليك الوقت وكثر المواعين
سوي ورق عنب واطبخيه نص طبخ وفرزليه بقدره مع مويته اقترح عليك ضعي ورق العنب بقدور صغيره حسب حاجتكم وكل مااشتهيت طلع القدر وخليه يذوب الثلج واطبيخه
حشي سمبوساء سويتز صغيره جبن كيري
سوي شيره وحطيها بجيك بلاستيك وحطيه بالثلاجه
سوي كروسان لاكن حمريه مت تحت فقط اشقر فاتح إذا تبغين الطريقه قولي لي
سوي قوارب جبن وزعتر ولبنه وسابنخ وخضار لاكن تحمر من تحت فقط واذا اخرجتيهم زجيهم بالفرن من فوق بعد دهنها بالبيض
سوي كبه وفرزليها

عندي اقتراح كل وحده فينا لها نفس باكلات معينه ليش ماتقولي لاحد من زميلااتك او خواتك كل وحده تسوي اكلاتها اللي تضبط معاها وتتقاسموها وراح يكون عندك كل مالذ وطاب
ولي رجعـــــــــــــه راح اتذكر واردلك
تحياتي لكي اختك الينبوع الصافي

نسيت ممكن صفائح البيتزاء تدهنيها جبن مثلث وترشي زعتر وتدهنيها بيض وتحمريها من فوق
وادهنيها لبنه ورشيها زعتر
وممكن تحطي عليها حشوة دجاج بالفلف الحار الاخضر وتدهنيه بيض وتحمريها
وممكن خضار

حياتي والله أم فيصل ......... تسلمين عمري على هذى المعلومات.


:24: :26: :24: :26: :24: :26: :24: :26:

:26: تسنيم2................. احتراماتي لك.

اذا انت كنسلتي الخادمه مالتج , تقدرين اتخلينها شهر ازيادة مافي مشلكة لقعدتها الى ما ينتهى الشهر الفضيل.

لان دائرة الهجرة والجوازات تمنحج شهر ازيادة.

والله يعينك .

اختى الغاليه الينبوع

والله انى خجلت من كرم اخلاقك ... الله يعطيك الف عافيه بالفعل وصفات اكثر من رائعه واعجبتنى كثير

بس عندى بعض الاستفسارات ...... وبتعبك شوي تكفين تحملينى ..


طريقه البف ....... ممكن ؟

عجينه السبرينغ رول دائما تتكسر معاى ( الجاهزه ) ..ايش الحل برايك ؟؟

بالنسبه للكشنه ( البصل والثوم ) تعتقدى مايضرها توضع فى الفريزر ولا ياثر على طعما ؟

ولو حطيتها بعلبه كبيره وكل يوم اخذ كميه وارجعها .......عادى ؟

الشيره ..... فى الثلاجه ولا الفريزر ؟

طريقه الكرواسان .؟

القوارب اقدر اضع الحشو بعد مااطلعها من الفريزر ؟

والف الف شكر حبيبتى وادرى بعض اسئلتى غبيه بس والله ياختى مرات انقل من هنا

اشياء واكتشف انها ناقصه او مفروض زدت استفساراتى عنها .....

وتقبلى عظيييييم امتنانى


الاخت الغاليه ام فيصل ..... سلمتى وجزاك الله الف خير

منايا ........ حبيبتى المشكله ان الخادمه لها 5 سنين عندى ومارضت تجلس لانها مواعده عيالها تصوم

عندهم وماحبيت اضغط عليها ....... ولك كل الشكر