جربي السدر تحطينه على فروة راسك ترى ينشف وكويس للشعر بس حاولي ما يجي على الشعر نفسه ﻷنه ينشف الشعر أو حطي زيت على أطراف شعرك عشان ما ينشف ...ولا تكثرين من غسيله بالشامبو لأنه يزيد الطين بله

وترى أنا من الناس اللي نكبتهم الخلطات الغير مدروسة

أنا مره يوم كنت صغيره نقلنا من الرياض لمدينة ثانية وجاني طبقات قاسية فوق بعض في جهة وحده في اليسار وبعدين صارت بقعه قاسية كبر الفنجان ما فيها شعر نهائياً ومع الوقت لو قشرتها طلعت دم فراحت أمي لصيدلي الله يذكره بالخير قال لها الموية شكلها متلوثه مالحة وما ناسبة فروة راسها الحساسة واعطاها محلول مويته أزرق على بنفسجي وكل يوم امسح على المنطقه هذي بقطنه لين راحت الطبقات الحمد لله ورجعت المنطقه الفاضية تنبت من جديد هذا صار لي من عشرين سنه وأكثر، انصحك لا تقعدين كذا روحي افحصي عند دكتورة أو اسألي صيدلي ..

شوفي هذي ميساء نفس مشكلتك يمكن تفيدك تجربتها بس لا تحطين زيت اﻷطفال حق الجسم في شعرك ﻷن فيه ناس تحسسوا منه ما يصلح للشعر
http://forum.hawaaworld.com/showthread.php?t=4271864

زائره تصدقين ان ميساء عمتي هههههه
نفس الظروف والمعاناة
وانا معاها مجربين الخلطة سوا
وهي سجلت لي العضويه بالمنتدى
بس هي الان تزوجت جعل ربي يوفقها ويهنيها
ويعوضني زي ماعوضها ويرزق جميع اللي ماتزوجو
بالازواج والذريه الصالحه
قالت لي ان شعرها فيه ريحة اذا غسلته
بس اذا جف تختفي الريحه حتى زوجها الحمد لله مالاحظ
لكن لسه تدور على حل يخفيها ويحسن شعرها
تقول خلطة الزيوت نفعت معها لكن رجع زي اول

وانا محذريني من الزيوت لغاية ماتشفي الفروه
ماتصلح لي تجربتها

يووووهـ طلعت عمتك يا حليلها ههههههه قوليلها أجل تتوب دام اللي حولها ما شموا شي
أحس عندها قابلية للتجارب ما تابت الله يسعدها عكسك الله يستر على شعيراتها لا تدّهر فيه بالخلطات مره ثانية
وفروتك لا تلعبين فيها تحكينها ولا تتركينها تتراكم القشور أكثر عالجيها كأنها أكزيما صدقيني بتروح إن شاء الله بس اسألي متخصص ﻷن شكل الخلطات ما تفيد فيها

والريحة دامها تروح إذا نشفت فأحمدي ربك ﻷن مره قلت ﻷمي تجيب لي زيت نارجين القديم أبو ريحة تصرع فعصبت علي وارتاعت تقول إنه في حريم من جماعتنا استعملوه من سنين يوم كانوا صغار ويوم كبروا الريحة ماسكه فيهم كأنها ريحة واحد مو مغسل شعره من سنين ريحه مخيسه والكل يعلق عليهم (مع إنهم يدرون إنها ريحة نارجين ﻷنه معروف كذا ريحتها تبقى) وما عادوا يروحون زيارات زي قبل مع إنهم يغطون شعرهم بطرحه بس الريحه وااااضحه، وبديت من شهر بس اسوي خلطات وكل شوي أمي تهاوشني ومنغمّه تقول لا تخيسين شعرك ثم ما عاد يطلع من راسك ليوم الدين وتفشليني عند الحريم، ﻷن الموقف حق بنات جماعتنا للحين راسخ بذاكرتها !
فاحمدي ربك دام ريحته تروح إذا نشف وصبّري ميساء لعل الريحه تروح شكل الموضوع حقها من كم شهر يعني باقي اصبروا وخليها لا تحوس الله يعافي شعورنا وابدانا أجمعين ويعوضنا خير