نسيت أقولك "المشاط" أنا كنت حاطه من شهر مغلي بصل وثوم بقشورهم ونمت وهي براسي وقبله زبادي مع بيض وعسل وبعده بيوم حطيت زيت نارجين حق وادي النحل وتونيكات أعشاب الريحة مسكت في شعري ﻷني سويتهم بنفس الأسبوع غسلته بشامبو مرتين وإختي الاصغر مني تقول مو واضح بس الوالدة ما شاء الله عليها شمها حساس تقول إلا فيك ياااااوك ههههههه المهم جابت "المشاط" واخذت منه ملعقه وحطته بقارورة مويه ورجته وكبته على راسي وما فكتني إلا بعد ما تأكدت إنها غرقت شعري وخليته لليوم الثاني على راسي زي حريم أوّل هو مُعطر عشبي طبيعي تراثي ههههه وشال الريحه الحمد لله لصق بالفروة وغطى على الكشنه اللي بفروتي يمكن تنفع مع ميساء ﻷن ما منها ضر دامها تدور شي معطر وإنتي إذا ارتاح شعرك جربيه ﻷن الوالدة تستعمله أصلاً بعد ما تغسل شعرها بالحنا تكبه على شعرها في الشطفه اﻷخيرة ﻷنها ما تحب ريحة الحنا من يومها صغيره وهو ريحته زي دهن العود

اوه يابنات خوفتوني
وربي لو تشوفون شعري خفيييف وطويل ودهني ويجيب الهم وجربت عشرات الخلطات وباقي اجرب فيه ابيه يكثررررر بس مافي فايده حطيت حلبه وثوم وبصل وجرجير وبيض وحنا وسدر وملح وسمسم ومحلب وكللللل شي في الدنيا وما استفدت اه ياربي خايفه اصللع
:confused:
حبيبتي صاحبة الموضوع الله يفرج همك ويعينك روحي المستشفى يعالجونك ولا عاد تسوين شي الا بإستشارة الطبيب الشكوى لله

عاد أنتي اقري وشغلي مخك أجل أحد يحط فلفل مطحون وحليب

الله يعوضك وجزاك الله خير على تنبيهك

والله زمان شعورنا تهبل و حنا مانحط غير الحنا و زيت النارجين القديم و من عرفنا هالخرابيط و اللخبطة و شعرنا رايحه فيها و مانتعلم اي شي نشوفه على طول نجرب كأن شعرنا لعبه